Στο περιεχόμενο

Anekdotoj

από MikhailMarkeyev, 1 Ιουλίου 2009

Δημοσίευση: 632

Γλώσσα: Esperanto

StefKo (Επισκόπηση προφίλ) 29 Μαρτίου 2019 - 7:33:31 π.μ.

Familia interparolado

Unu familio. La edzino gravediĝis.
– Fileto, ĉu vi volus fraĉjon aŭ franjon? – la patro demandas la filon.
– Paĉjo, ne faru min idioto. Estas tro malfrue por kontraŭstari, ĉu ne?

StefKo (Επισκόπηση προφίλ) 30 Μαρτίου 2019 - 10:10:26 π.μ.

Amata nepeto

Nepo devoservanta en armeo sendis al sia avino pakaĵon. La avino elpakas, rigardas – grenado kaj papereto kun skribaĵo: “Avino, se vi tiros tiun ringeton mi ricevos du tagojn de libertempo”.

StefKo (Επισκόπηση προφίλ) 31 Μαρτίου 2019 - 8:01:41 π.μ.

Dusenca interparolo

En unu oficejon venas petento kaj demandas la sekretariinon:
– Ĉu la estro ricevas?
– Nu, li ne rifuzas…

StefKo (Επισκόπηση προφίλ) 1 Απριλίου 2019 - 8:49:42 μ.μ.

Promenado estas bona je dormo

Sur koridoro de unu oficejo oficisto renkontas alian oficiston kaj demandas lin:
– Vi ankaŭ na povas dormiĝi?

StefKo (Επισκόπηση προφίλ) 2 Απριλίου 2019 - 8:26:32 π.μ.

Konata babilulo

Antaŭ longa tempo… Unu grafo, konata babilulo, rakontas pri unu el siaj multaj aventuroj...
– Iam, dum ĉasado, mi perdiĝis en arbarego. Subite mi rimarkis belan, grandan kapreolon. Mi mortigis ĝin unupafe. Ĉar mankis ajnaj helpantoj, mi devis helpi al mi mem. Mi prenis ĝin je la kruroj kaj surdorsigis – unu kruron dekstren, duan maldekstren…
Subite iu telefonas. La grafo eliris. Post kelkaj minutoj revenas…
– Kie mi interrompis?
– "Unu kruron dekstren, duan maldekstren…" – iu subdiras.
– Ĝuste! Mi jam rememoras – diras la grafo – Aĥ, tiuj rusinoj, kiaj virinoj ili estis!

StefKo (Επισκόπηση προφίλ) 3 Απριλίου 2019 - 4:57:23 μ.μ.

“Mi tre volus vivi en Sovetio”

Moskva antaŭlernejo en Sovetunio. La edukistino demandas la infanojn:
– En kia lando infanoj havas plej belajn ludilojn?
– En Sovetio! – respondas la infanoj.
– Kaj en kia lando infanoj havas plej belajn vestojn?
– En Sovetio! – rerespondas la infanoj.
– Kaj en kia lando vivas plej feliĉaj homoj?
– En Sovetio! – refoje respondas la infanoj.
Subite la edukistino rimarkas ke unu infano staras en angulo kaj ploras.
– Vova, kial vi ploras? – ŝi demandas.
– Ĉar mi tre volus vivi en Sovetio…

StefKo (Επισκόπηση προφίλ) 4 Απριλίου 2019 - 6:34:26 π.μ.

Koŝmaro de gvidisto

Laborlaca paciento ĉe psikologo:
– De kelkaj monatoj persekutas min ia koŝmaro. Oni sonĝas al mi ke iu sekvas min.
– Kio vi estas profesie?
– Gvidisto.

StefKo (Επισκόπηση προφίλ) 5 Απριλίου 2019 - 8:52:28 π.μ.

He, tiuj malnovaj tempoj!

Avo estas kun la nepo kaj spektas televidon. Subite la nepo alparolas avon:
– Avo, rakontu al mi refoje kiel infane vi devis trapaŝi duonĉambron por ŝanĝi televidilan kanalon…

StefKo (Επισκόπηση προφίλ) 7 Απριλίου 2019 - 8:47:12 π.μ.

Ebriula rezonado

Du ebriuloj sidas ĉe vendejo kaj drinkas. Unu levas kuŝantan apude gazeton kaj legas… Subite diras al la dua:
– Vi scias, oni skribas ke drinkado mallongigas vivon je duono.
– Tiaĵo!
– Kiom da jaroj vi havas nun?
– Tridek.
– Pripensu, se vi ne drinkadus, vi havus sesdek jarojn!

sergejm (Επισκόπηση προφίλ) 7 Απριλίου 2019 - 5:49:18 μ.μ.

... kuŝantan apude gazeton

Πίσω στην κορυφή