Skip to the content

A aŭ B? Elektu!

by Kokcineleto, November 22, 2008

Messages: 6596

Language: Esperanto

Kokcineleto (User's profile) November 22, 2008, 11:08:49 AM

Jen unu plu tre facila ludo.

- Ludanto proponas du vortojn aŭ vortkombinaĵojn.
- La sekva homo elektas unu el du kaj klarigas, kial (per kelkaj vortoj, maksimume frazo). Poste li mem proponas du vortojn por elekto.
- Sekva ludanto faras la samon: elektas, klarigas kaj proponas novajn vortojn.

Estas grave:
1) devas estu NUR 2 vortoj aŭ vortkombinaĵoj,
2) oni ne rajtas respondi "neniu" aŭ "ambaŭ variantoj".

Ĉu ni komencu?

Letero aŭ SMS-mesaĝo?

horsto (User's profile) November 22, 2008, 11:25:41 AM

Letero, aŭ pli bone retletero, ĉar mi ĉi-momente ne havas poŝtelefonon.
Biciklo aŭ automobilo?

Mutusen (User's profile) November 22, 2008, 11:32:19 AM

Biciklo, ĉar mi ankoraŭ ne havas stirpermesilon. (Mi devus preni lecionojn, sed mi estas tro pigra por aliĝi.ploro.gif)

Kafo aŭ teo?

Kokcineleto (User's profile) November 22, 2008, 11:37:09 AM

Teo, ĉar ĝi povas esti sen kofeino. (el kreskaĵoj)

Kokino aŭ ovo?

jan aleksan (User's profile) November 22, 2008, 12:56:45 PM

Kokcineleto:Teo, ĉar ĝi povas esti sen kofeino. (el kreskaĵoj)

Kokino aŭ ovo?
Ovo. Filosofisto dirus "kokino" sed mi ne konsentas. La ovo estas la unua besto kiu ekzistis (unuĉela vivo).

Venuso aŭ Marso?

Kokcineleto (User's profile) November 22, 2008, 5:22:58 PM

Marso - eble tie vivas niaj samideanoj...

Ido aŭ volapuko?

horsto (User's profile) November 22, 2008, 7:15:05 PM

Ido, kompreneble, car ĝi ja estas ido de Esperanto. Sed mi konfesas ke mi ne konas Volapukon.

Pico aŭ spagetoj?

Kokcineleto (User's profile) November 22, 2008, 7:21:44 PM

Spagetoj, ĉar eblas looonge ĝui la guston de manĝaĵo.

Esti aŭ ne esti? rideto.gif

Miland (User's profile) November 22, 2008, 7:37:17 PM

Esti - ĉar sen esti mi ne povus ludi!

Libro aŭ parolado?

Kokcineleto (User's profile) November 22, 2008, 7:39:43 PM

Verŝajne libro, ĉar ĝi ne kutimas kontraŭdiri.

Nigra kun blankaj strioj aŭ blanka kun nigraj strioj?

Back to the top