Al la enhavo

maloj

de crescence, 2009-julio-07

Mesaĝoj: 15

Lingvo: Esperanto

crescence (Montri la profilon) 2009-julio-07 06:32:37

Saluton,

Ĉu ĉiuj maloj eblas ?

olda = maljuna
juna = malolda


Ĉu ĉiuj doblonoj eblas ?

Rohan (Montri la profilon) 2009-julio-07 07:09:50

crescence:Saluton,

Ĉu ĉiuj maloj eblas ?

olda = maljuna
juna = malolda


Ĉu ĉiuj doblonoj eblas ?
En poezio, jes; sed normale tute ne.

Preskaŭ ĉiuj ja konsentus ke 'maltago' signifu 'nokto', sed tiel oni uzu 'mal-', laŭ mi, nur en kazoj de nepra neceseco, ekz por rimigi poeziaĵon aŭ en mokema verk(et)o.

crescence (Montri la profilon) 2009-julio-07 08:00:40

Rohan:
Preskaŭ ĉiuj ja konsentus ke 'maltago' signifu 'nokto', sed tiel oni uzu 'mal-', laŭ mi, nur en kazoj de nepra neceseco, ekz por rimigi poeziaĵon aŭ en mokema verk(et)o.
Kial iuj vortoj havas malon ("tago/nokto"), kaj aliaj estas kreataj per la prefikso "mal-" ? Kial tiu malsameco estas ?

Rohan (Montri la profilon) 2009-julio-07 08:26:07

crescence:
Rohan:
Preskaŭ ĉiuj ja konsentus ke 'maltago' signifu 'nokto', sed tiel oni uzu 'mal-', laŭ mi, nur en kazoj de nepra neceseco, ekz por rimigi poeziaĵon aŭ en mokema verk(et)o.
Kial iuj vortoj havas malon ("tago/nokto"), kaj aliaj estas kreataj per la prefikso "mal-" ? Kial tiu malsameco estas ?
Nu, eble ĉar kelkaj estas tiel bazaj kaj ofte uzataj ke formi ilin per 'mal-' tre rapide lacigus aŭ enuigus la orelojn kaj buŝon. lango.gif

AlfRoland (Montri la profilon) 2009-julio-07 09:17:03

Ĉu "maltrinki" estas bona vorto ankaŭ?

Matthieu (Montri la profilon) 2009-julio-07 09:39:40

Mi jam legis, ke ĝi estas humura samsencaĵo de “pisi”.

horsto (Montri la profilon) 2009-julio-07 10:32:23

crescence:
Kial iuj vortoj havas malon ("tago/nokto"), kaj aliaj estas kreataj per la prefikso "mal-" ? Kial tiu malsameco estas ?
Mi ne dirus ke "tago" havas malon, la nokto estas la malluma parto de la tago, ne la malon de tago.
AlfRoland:
Ĉu "maltrinki" estas bona vorto ankaŭ?
Mi scias, vi nur volis ŝerci, sed tamen, por mi ankaŭ "trinki" ne havas malon, kaj se mi tamen devus nomi ion, tiam "soifi" estus por mi pli logike ol "pisi".

le_chaz (Montri la profilon) 2009-julio-07 10:46:16

horsto:kaj se mi tamen devus nomi ion, tiam "soifi" estus por mi pli logike ol "pisi".
Aŭ vomi? rido.gif

Rohan (Montri la profilon) 2009-julio-07 10:54:41

horsto:
Mi ne dirus ke "tago" havas malon, la nokto estas la malluma parto de la tago, ne la malon de tago.
La vorto 'tago' signifas ne nur 'la tempodaŭro ekde unu noktomezo ĝis la sekvanta', sed ankaŭ "la tempospaco dum kiu la suno, de sia leviĝo ĝis sia subiro, prilumas koncernan parton de la tero" (ĉi tiu lasta citaĵo estas el la Reta Vortaro).

Plie, sentiĝas al mi ke el la du difinoj menciitaj ĉi-supre, la lasta estas pli fundamenta.

AlfRoland (Montri la profilon) 2009-julio-07 12:10:53

horsto:
Mi ne dirus ke "tago" havas malon, la nokto estas la malluma parto de la tago, ne la malon de tago.
AlfRoland:
Ĉu "maltrinki" estas bona vorto ankaŭ?
Mi scias, vi nur volis ŝerci, sed tamen, por mi ankaŭ "trinki" ne havas malon, kaj se mi tamen devus nomi ion, tiam "soifi" estus por mi pli logike ol "pisi".
Certe "maltrinki" estis ŝerco. Alia misuzo de "mal-" estis antaŭe en la profiloj de Lernu. Oni nomis vira sekso "malina". Do dirante ke viro estas kontraŭo al virino.

Reen al la supro