Al la enhavo

Stranga pluralo

de jojanoo, 2020-novembro-27

Mesaĝoj: 16

Lingvo: Esperanto

StefKo (Montri la profilon) 2020-novembro-29 09:48:49

Kiel tiu problemo estas solvita en viaj naciaj lingvoj?

Mi priskribas kiel estas en la Pola:

1) Se listigo (elnombrado) ne estas antaŭita per ĝenerala specifo (ekz. jenaj, sekvantaj), oni ne uzas dupunkton. La listo aspektas tiel:

Mi volas krajonojn verdan, bluan kaj ruĝan

Kiel en Esperanto (sed la komplemento estas alie).

2) Kiam ni nur mencias du vortojn aŭ esprimojn ligitajn per la konjunkcio „kaj”, ni skribas same:

Mi volas krajonojn verdan kaj ruĝan

Do kiel en Esperanto (sed la komplemento estas alie).

3) Kiam listigo estas markita en ĝenerala formo, ekz. „jenaj”, „sekvantaj”, oni uzas dupunkton:

Mi volas jenajn krajonojn: verdan, bluan kaj ruĝan.

Tiun ĉi manieron oni uzas prefere por pli longaj listigoj (3 kaj pli elementoj). Tio estas evidenta.

Metsis (Montri la profilon) 2020-decembro-08 09:10:18

Mi samopinias kun Frano.

Eble la logiko estas jena:

Ĉar oni povas skribi kunmetitajn vortojn per tri manieroj en la espa

- vaporŝipo
- vapora ŝipo
- ŝipo de vaporo

la frazo "Mi volas verdan kaj ruĝan krajonon" signifas, ke oni parolas pri unu krajono kun du koloroj. Por montri ke temas pri du koloroj, oni uzas la esprimon "Mi volas verdan kaj ruĝan krajonojn".

Pri la demando de Stefko

en la finna

1) Mi volas bluan, ruĝan kaj verdan krajonon.

sen dupunkto, unu el ĉiuj koloroj, koloroj en alfabeta ordo

2) Mi volas ruĝan kaj verdan krajonon

kun "kaj", koloroj en alfabeta ordo

3) Mi volas sekvajn krajonojn: bluan, ruĝan kaj verdan.

tri aŭ pli elementoj, unu el ĉiuj koloroj, koloroj en alfabeta ordo kaj same kiel en la pola evitu en la ordinara teksto, havas ankaŭ nuancon de ordono

Altebrilas (Montri la profilon) 2020-decembro-08 11:28:05

Tri kvaronoj da krajono estas ruĝaj.
Unu krajono kaj duono estas ruĝa? aŭ ruĝaj?

Metsis (Montri la profilon) 2020-decembro-09 08:57:37

Altebrilas:Tri kvaronoj da krajono estas ruĝaj.
Unu krajono kaj duono estas ruĝa? aŭ ruĝaj?
Laŭ mi tiu esprimo estas sensencaĵo, ĉar ne temas pri entjeroj.

Altebrilas (Montri la profilon) 2020-decembro-09 11:39:22

Mi ŝanĝas la vortojn por ke la frazo aspektu pli natura:
Tri kvaronoj da pomo estas sufiĉaj.
Unu pomo kaj duono estas sufiĉa? aŭ sufiĉaj?
Kial oni bezonas entjerojn?

Kompreneble oni povas diri "sufiĉas". Sed ĉu oni malpermesu tiukaze adjektivojn pri aferoj po ne-entjeraj kvantoj?

Metsis (Montri la profilon) 2020-decembro-10 08:20:39

Eble entjero estis misgvida vorto, do lasu min reklarigi. "Tri kvaronoj" difinas kvanton, kiun oni ligas kun la ĉefvorto per "da". En esprimo

• Tri kvaronoj da krajonoj/pomoj estas ruĝaj.

Temas pri multaj krajonoj/pomoj, el kiuj la difinita kvanto estas ruĝaj. En esprimo

• Tri kvaronoj da krajono/pomo estas…

temas pri unu krajono/pomo, el kiu la difinita parto estas… ja, mi aŭtomate diras per singulara "ruĝa", ĉar temas nur pri unu.

Reen al la supro