Tartalom

kiel forlasi mia eternakomencanteco

eb.eric-tól, 2008. február 5.

Hozzászólások: 13

Nyelv: Esperanto

eb.eric (Profil megtekintése) 2008. február 6. 22:01:03

Dankon! Viaj konsiloj ja estas utilaj.

Verdano: Ĉu vi ne ridas? Humure, li kiu zorgas pri sia eterna komencanto-stato, eĉ eraras en la titolo de sia fadeno pri ĝi. La angla ne havas akuzativan sufikson, do mi forgesas ĝin iam.

Bernardo (Profil megtekintése) 2008. február 7. 3:37:28

Ĉar mi mem estis multaj jaroj eterna komencanto, mi havas eble la rajton konsili, kion oni povas fari kontrau tio:

1.) Membriĝu en la Esperanto-klubo de via urbo au asocio de via lando, au UEA.

2.) Aliĝu kiel gastiganto en Pasporta Servo se vi havas la eblecon por akcepti gastojn ( http://www.tejo.org/eo/ps_lingv_eo ) Mi mem lernis Esperanton ĉefe dank al miaj gastoj. Kiam mi aliĝis mi povis flue nur diri "Saluton" !! Sed mi havis vortarojn.

3.) Partoprenu ĉe internaciaj kongresoj au renkontiĝoj, kie vi devas uzi Esperanton kaj kunprenu viajn vortarojn.

4.) Aĉetu la adreslibrojn "UEA-jarlibro" kaj Pasporta Servo kaj kaptu la eblecon konatiĝi samideanojn, se vi vizitas la eksterlandon.

Kore kaj amikece
via Bernardo
http://www.fen-net.de/~ea1448

ritarita (Profil megtekintése) 2008. február 7. 17:38:29

Eble vi povus ankaŭ:

-ekskribi dulingvan blogon (en via lingvo kaj en Esperanto)

-serĉi artikolojn en Esperanto pri viaj preferataj temoj (muziko, literaturo, komputilo, politiko, geografio...) kaj traduki ilin en via lingvo

-babili tujmesaĝile kun aliaj lernantoj

Persone, mi lernis multege tradukante el Esperanto al la itala.

Vissza a tetejére