შინაარსის ნახვა

Anekdotoj

MikhailMarkeyev-ისა და 1 ივლისი, 2009-ის მიერ

შეტყობინებები: 631

ენა: Esperanto

StefKo (მომხმარებლის პროფილი) 15 აპრილი, 2019 07:30:42

Edzino kiel fiera hundo

Advokato demandas sian klienton:
– Kial vi volas divorci?
– Ĉar mia edzino senĉese vagas sur drinkejoj!
– Ŝi drinkas?
– Ne, ŝi sekvas min kiel hundo!

StefKo (მომხმარებლის პროფილი) 16 აპრილი, 2019 07:07:32

Kion iuj vidas?

Pesimisto vidas nigran tunelon.
Optimisto vidas lumeto en tunelo.
Realisto vidas trenlumojn, dume maŝinisto vidas tri debilajn (almenaŭ sen sana prudento) homojn sur reloj.

Kaj vi, kion vi vidas?

sergejm (მომხმარებლის პროფილი) 16 აპრილი, 2019 18:33:13

... trajnlumojn, ... trajn(stir)isto ...
Iam du ĉefaj maŝinoj estis vaporlokomotivo kaj tajpilo, tial en rusa lingvo (kaj mi vidas, en la pola) "машинист" (*maŝinisto) signifas lokomotivstiristo, kaj "машинистка" (*maŝinistino) estas tajpistino.

StefKo (მომხმარებლის პროფილი) 17 აპრილი, 2019 08:30:07

sergejm:... trajnlumojn, ... trajn(stir)isto ...
(...)
Jes, evidente "trajno"! Dankon, sergejm! Verŝajne mi elfosis el mia memoro la francan vorton train. La vorton "maŝinisto" mi prenis el unu vortaro, ŝajnas ke ne tre bona.

StefKo (მომხმარებლის პროფილი) 17 აპრილი, 2019 20:52:49

Iformatikuloj pri vodkoj kaj drinkado

0,1 l – demo (demonstra eldono)
0,25 l – trial version (prova eldono)
0,5 l – personal edition (persona eldono)
0,7 l – profesional edition (profesia eldono)
1,0 l – network edition (reta eldono)
1,75 l – enterprise edition (enterprena eldono)
3,0 l – for small business (por etkomerco)
5,0 l – corporate edition (korporacia eldono)
sitelo – home edition (hejma eldono)
“kojno” (kontraŭvodko?) – service pack (servica pakaĵo)
buljono (je postebrio) – recovery tool (datumrestaŭrilo)
zakusko – plugins (kromprogramo)

StefKo (მომხმარებლის პროფილი) 18 აპრილი, 2019 08:05:19

Ho, tiuj beboj!

Al unu geedzoj naskiĝis bebo. Alvenis ilia amikino por pririgardi ĝin. Ŝi raviĝas:
– Ho, kiel dolĉa etulo! Kiel vi nomas ĝin?
– Ĉu tage, ĉu nokte?

StefKo (მომხმარებლის პროფილი) 19 აპრილი, 2019 11:50:22

Ne interrompu ies parolon!

En ĉemara restoracio kliento mendis fiŝaĵon. Kiam postmanĝite la kelnero donas la restoracian kalkulon, la kliento diras:
– Mi alveturis al ĉemaro antaŭ du semajnoj kaj nun mi bedaŭras ke mi ne vizitis tiun lokalon ĝuste tiam…
– Agrablas aŭdi tion, kara sinjoro!
– …tiam tiu fiŝo certe estis ankoraŭ freŝa – finis paroli la kliento.

sergejm (მომხმარებლის პროფილი) 19 აპრილი, 2019 16:16:30

– Mi estos silenta kiel muso – certe, se mi estos la sola muso ĉi tie.

StefKo (მომხმარებლის პროფილი) 20 აპრილი, 2019 14:06:55

Ne forgesu kion havas mane!

Juna pirato demandas maljunan:
– Kial vi havas kruron el ligno?
– Iam kiam mi naĝis subite proksimiĝis ŝarko kaj demordis ĝin.
– Kaj kial vi havas hokon anstataŭ dekstra mano?
– Iam, kiam ni atakis ŝipon, unu maristo tranĉis ĝin per sabro.
– Kaj kial vi ne havas unu okulon?
– Iam mi rigardis supren kaj fluganta mevo elfekis en la okulon.
– Ja pro tio oni ne perdas okulon!
– Jes, sed tiam mi havis la hokon anstataŭ la mano.

StefKo (მომხმარებლის პროფილი) 22 აპრილი, 2019 19:00:52

Ŝercema ŝtelisto

Kovalski ne havis en sia aŭto alarmilon, do elpensis tian inĝenian solvon kontraŭ ŝtelistoj – post eliro el sia aŭto li ĉiam lasis folion kun tia skribaĵo: “MANKAS BENZINO, AKUMULATORO KAJ MOTORO”.
Unu tagon, kiam li volis veturi al laborejo, sur la folion li rimarkis tian alskribaĵon: “SEKVE LA RADOJN VI ANKAŬ NE BEZONAS” kaj evidente foreston de la radoj.

ზემოთ დაბრუნება