Til innholdet

Pri la verbo senti

fra Filu,2007 10 10

Meldinger: 28

Språk: Esperanto

Filu (Å vise profilen) 2007 10 10 14:15:06

Mi sentas min senhelpa.

Ĉu la antaŭa frazo estas korekta? Ial mi sentas, ke ĝi bonas, sed provante analizi ĝin laŭ la Esperantaj reguloj mi dirus "senhelpan" anstataŭ "senhelpa"... Kion miskomprenis mi pri la Esperanta regularo, kiu igas min pensi, ke uzendus la akuzativo tiukaze?

Mie sentas mi senhelpecon. okulumo.gif

diogotux (Å vise profilen) 2007 10 11 21:36:25

Mi sentas senhelpa.

Kial kompliki? okulumo.gif

RiotNrrd (Å vise profilen) 2007 10 12 06:10:10

Filu: Mi sentas min senhelpa.

Ĉu la antaŭa frazo estas korekta?
Jes. Ĝi estas ĜUSTA (ne "korekta" - la angla traduko de "korekta" en la Lernu vortaro estas malĝusta kaj bezonas korektadon).

Filu:Ial mi sentas, ke ĝi bonas, sed provante analizi ĝin laŭ la Esperantaj reguloj mi dirus "senhelpan" anstataŭ "senhelpa"... Kion miskomprenis mi pri la Esperanta regularo, kiu igas min pensi, ke uzendus la akuzativo tiukaze?
La kialo ke la vorto "senhelpa" estas ĝuste senakusativa estas ĉar la vera frazo estas...

Mi sentas min (ESTI) senhelpa.

"Senhelpa" estas vere post la manka vorto "esti", kaj substantivoj kaj adjektivoj post "esti" ne akusativiĝas.

oren (Å vise profilen) 2007 10 12 08:04:19

RiontNrrd,

'korekti' signifas 'ĝustigi,' ĉu ne?

ankaŭ, ĉu ĉi tiu tradukoj ĝustas?

Laŭ mia sento me senhelpas.

Mi misente senhelpas.

Sxak (Å vise profilen) 2007 10 12 13:11:34

RiotNrrd:

(ne "korekta" - la angla traduko de "korekta" en la Lernu vortaro estas malĝusta kaj bezonas korektadon).
Kaj tio estas malĝusta.
korekta=ĝusta
korekti=ĝustigi
Do li ĉion bone skribis.
Se lernu-vortaro diras tion, do ĝi NE eraras
lgu ekzemple ĉi tie :
http://bertilow.com/pmeg/vortfarado/principoj/finajhoj/a.html

Normale A-vorto kun aga radiko havas ian signifon laŭ la ĉi-antaŭaj klarigoj, sed iuj tiaj A-vortoj havas specialan ecan signifon:

korekti = “senerarigi” → korekta = “senerara, ĉu dekomence senerara, ĉu senerarigita” (aŭ “korektanta, rilata al korekto”) — Ĝi ne estas sufiĉe korekta

Filu (Å vise profilen) 2007 10 12 13:39:59

Mi ja nun ne plu sentas min senhelpa.

RiotNrrd, Oren kaj Ŝak, vin humile kaj amike dankas mi pro via helpo.

RiotNrrd (Å vise profilen) 2007 10 12 15:16:56

Ŝak:Kaj tio estas malĝusta.
korekta=ĝusta
Nu, mi fidas la CEED, kaj, laŭ la CEED:

"correct, (not wrong), ĝusta [not 'korekta']..."

La CEED diras klare ke "korekta" kaj "ĝusta" ne signifas same.

Sxak (Å vise profilen) 2007 10 12 15:35:41

RiotNrrd:
Nu, mi fidas la CEED, kaj, laŭ la CEED:

"correct, (not wrong), ĝusta [not 'korekta']..."

La CEED diras klare ke "korekta" kaj "ĝusta" ne signifas same.
Via ceed eraras. Tiu misopinio vere estas en E-a medio sed tio estas eraro

黄鸡蛋 (Å vise profilen) 2007 10 13 02:58:54

Filu: Mi sentas min senhelpa.

Ĉu la antaŭa frazo estas korekta? Ial mi sentas, ke ĝi bonas, sed provante analizi ĝin laŭ la Esperantaj reguloj mi dirus "senhelpan" anstataŭ "senhelpa"... Kion miskomprenis mi pri la Esperanta regularo, kiu igas min pensi, ke uzendus la akuzativo tiukaze?

Mie sentas mi senhelpecon. okulumo.gif
Ĉio estas bona. RiotNrrd jam klarigis kial ne uzi akuzativon tiukaze.

Kaj RiotNrrd, "korekta" vere signifas "correct"(ĝusta) angle, kaj "korekti" signifas "ĝustigi". La radiko havas ambaŭ sencojn.

RiotNrrd (Å vise profilen) 2007 10 13 04:37:41

Kiam oni diras substantivon "estas" adjektivo, tiam oni povas verbigi la adjektivon.

La pilko estas ruĝa.
La pilko ruĝas.

La kato estas feliĉa.
La kato feliĉas.

La tablo estas plata.
La tablo platas.

SED

La diraĵo estas ĝusta.
La diraĵo ĝustas.

La diraĵo estas korekta.
La diraĵo... KOREKTAS?

Ne. La modelo ne funkcias se "ĝusta" kaj "korekta" signifas la saman aferon. "La diraĵo ĝustas" ne signifas "La diraĵo korektas".

Esperanto estas laŭdire regula lingvo. Sed, se ĝi estas regula, kial estas la lasta ekzemplo malsama ol la aliaj? La modelo estas la sama, sed la signifo ne estas.

La kialo devas esti ĉar "ĝusta" kaj "korekta" signifas malsamajn aferojn.

En angla:

Ĝi estas ĝusta = Ĝi ĝustas = It is (passively) correct.
Ĝi estas korekta = Ĝi korektas = It is (actively) correcting.

Simila, sed ne la samo.

Tibake til toppen