Mergi la conținut

Dependi de aŭ pro?

de Terurĉjo, 31 iulie 2007

Contribuții/Mesaje: 13

Limbă: Esperanto

Terurĉjo (Arată profil) 31 iulie 2007, 04:27:34

Ŝajne, ke Zamenhof prenis la formon "dependi de..." el la rusa lingvo, kiun li ne malbone posedis (ĉar ĝi estis lia gepatra), kaj tiu ĉi esprimo estas tre kutima al rusoj.
Sed, LMMO, pli logika estus esprimo "dependi pro...".

mnlg (Arată profil) 31 iulie 2007, 07:25:44

Terurĉjo:Sed, LMMO, pli logika estus esprimo "dependi pro...".
Mi uzas "dependi je". Mi uzas "je" tre ofte.

Matthieu (Arată profil) 31 iulie 2007, 10:00:13

Terurĉjo:Ŝajne, ke Zamenhof prenis la formon "dependi de..." el la rusa lingvo
Mi kredis, ke tiu formon venas de la franca lingvo (“dépendre de”). rideto.gif
Sed vi pravas, “pro” estus pli logika.

Mendacapote (Arată profil) 31 iulie 2007, 10:51:47

Latine: Dependere
Hispane: depender de

"Dependi" laŭlitere signifas "pendi de" kaj eble "dependi de" estus iom redunda, sed sufiĉe ĝusta.

Kial "Dependi pro" estus pli logika? Bonvole, ekspliku tion al mi.

white knight (Arată profil) 31 iulie 2007, 11:08:12

Laŭ mia vortaro estu "dependi de". Kaj pro mi tio estas logika.
Ankaŭ germane estas "abhängen von".

Terurĉjo (Arată profil) 31 iulie 2007, 20:33:03

Mendacapote:Kial "Dependi pro" estus pli logika? Bonvole, ekspliku tion al mi.
La vorto post la prepozicio "pro" estas kialo, kaŭzo, alveniginta al rezulto.
Jen kelkaj ekzemploj, kiujn mi volus montri:

1. Akcidento okazis pro kelkaj kialoj. Ĉu estas logike? Mi opinias, ke jes.
2. Bubo pendas sur arbo pro sia maldiskreteco. Ĉu estas logike? Mi ankaŭ opinias, ke jes.
3. Sukceso en mia laboro dependas pro miaj specialaj fakaj scioj kaj kvalifiko. Mi ankaŭ opinias, ke ĉio estas logika kaj ne tute sensenca.
Strangaĵo estas, ke en la rusa lingvo la frazo "dependi de..." ankaŭ ekzistas en sama formo - "зависеть от...", kaj la vorto "за-висеть - ""de-pendi" havas la saman radikon kiel la vorto "висеть" - "pendi".
Sed, malgraŭ ĉio, mi kalkulas, ke pli logike estus uzi prepozicion "pro" anstataŭ "de". lango.gif
Sendepende, via Terurĉjo sal.gif

Urho (Arată profil) 1 august 2007, 06:56:13

Miaopinie, la formo "dependi de" estas korekta.

white knight (Arată profil) 1 august 2007, 08:43:04

Urho:Miaopinie, la formo "dependi de" estas korekta.
Vi tute pravas. sal.gif

Terurĉjo (Arată profil) 1 august 2007, 10:21:36

Rimarkinde, ke mi neniam diris, ke la formo "dependi de" ne estas korekta. Male, ĝi estas uzenda. Mi nur esprimis mian opinion, ke pli logike estus diri "dependi pro".

wessel (Arată profil) 3 august 2007, 17:36:37

Terurĉjo:Ŝajne, ke Zamenhof prenis la formon "dependi de..." el la rusa lingvo, kiun li ne malbone posedis (ĉar ĝi estis lia gepatra), kaj tiu ĉi esprimo estas tre kutima al rusoj.
Sed, LMMO, pli logika estus esprimo "dependi pro...".
En Nederlanda lingvo oni ankaù diras: dependi DE

Înapoi mai sus