Al la enhavo

Fermita
Maks. 500 mesaĝoj.

Anekdotoj

de MikhailMarkeyev, 2009-julio-01

Mesaĝoj: 846

Lingvo: Esperanto

StefKo (Montri la profilon) 2019-februaro-13 11:04:01

Plejgrava estas kuireja ordo.

Unu viro kuŝas sur mortlito. La medicina diagnozo estas, ke li ĝismatene mortos. Subite li sentas la odoron de ĉokoladaj kuketoj bakitaj per lia edzino, alfluanta el la kuirejo. La odoro memoris al li la infanaĝon. Li scias ke povas gustumi ilin lastfoje… Restpove li rampas al la kuirejo, etendas la manon por unu kuketo kaj en tiu momento la edzino ekbatas lin per viŝtuko, dirante:
– Ne tuŝu! Tio por la funebra festeno!

StefKo (Montri la profilon) 2019-februaro-14 13:15:41

Ĉagreno de malgranda Joĉjo

Infanĝardeno. Malgranda Joĉjo sidas sur urinujo kaj ploras… Preterpasas unu patrino kaj demandas:
– Kio okazis, Joĉjo?
– Ĉar sinjorino diris ke kiam ni faros feketon, ni promenos…
– Kaj vi, malfeliĉulo, ne povas feki?
– Mi fekis, sed Malĉjo rabis mian feketon.

StefKo (Montri la profilon) 2019-februaro-15 08:06:24

Kiel penetri edzan sekreton?

Dum kverelo, edzino, por dolori la edzon, diras:
– Kiam vi mortos mi subite edziniĝos!
– Kio interesas min la malfeliĉo de fremda homo? – respondas la edzo.
– Kaj kiam mi mortos vi reedziĝos? – demandas la edzino.
– Ne! Kia stulaĵo!
– Sed se vi edziĝos, ŝi dormados en mia lito...?
– Kvietiĝu, mi ne volas paroli pri tio.
La edzino daŭrigas:
– Kaj ŝi portados miajn vestojn?
– Kvietiĝu! Por kio ŝi bezonos viajn vestojn? Banjo estas pli juna kaj portas vestojn de mezuro M.

sergejm (Montri la profilon) 2019-februaro-16 00:23:06

- Mi finsaltis, - diris Sciuro*, ekvidinte Morton.
- Mi findrinkis, - diris Morto, ekvidinte Sciuron
*en Rusio sciuro (ruse: belka) estas simbolo de alkohola tremdeliro, kies koloron oni opinias blanka (ruse: belaja gorjaĉka), same kiel koloro de vodko.

sergejm (Montri la profilon) 2019-februaro-16 07:29:41

Vivo ne estas ŝako: unu mato* ne sifiĉas
*ruse mato signifas ankaŭ obscenan esprimon

sergejm (Montri la profilon) 2019-februaro-16 07:48:52

La filino ekis manĝi tion, kion ŝi antaŭe ne ŝatis; ŝi iĝis pli peza.
Tio ĉi estis stranga kaj la partino kondukis ŝin al doktoro, kiu diris al la patrino, ke ŝia filino estas graveda. La patrino ne fidis kaj demandis la filinon:
- Ĉu vi estis kun knabo?
- Ne, - respondis la filino.
La doktoro ekstaris ĉe la fenestro kaj ion rigardis tien.
- Kion vi faras? - demandis la patrino al la doktoro.
- Tia evento okazis du mil jarojn antaŭ, kaj mi serĉas stelon, indikantan pri tio ĉi.

StefKo (Montri la profilon) 2019-februaro-16 22:29:34

sergejm:- Mi finsaltis, - diris Sciuro*, ekvidinte Morton.
- Mi findrinkis, - diris Morto, ekvidinte Sciuron
*en Rusio sciuro (ruse: belka) estas simbolo de alkohola tremdeliro, kies koloron oni opinias blanka (ruse: belaja gorjaĉka), same kiel koloro de vodko.
Oni prononcas: "bjeŭka", ĉu ne?
En Polujo en alkohola tremdeliro oni vidas blankajn musojn.

sergejm (Montri la profilon) 2019-februaro-17 07:36:36

Mi rigardis devenon de la vorto 'белка'. Nunaj sciuroj estas ruĝharaj (рыжие), sed estis blanka speco "бѣла вѣверица", pola "wiewiórka" estas samdevena kiel la dua vorto, sed en la ruso restis nur la unua vorto, eĉ por ruĝharaj sciuroj.

En iuj rusaj dialektoj oni prononcas 'л' kiel pola 'ł' sed tio neniam okazas en literatura lingvo.

sergejm (Montri la profilon) 2019-februaro-17 09:41:23

- En via letero estas multe da akvo*.
- Tio ĉi estas por ajna incendia kazo.
*vortoj kiuj signifas nenion.

StefKo (Montri la profilon) 2019-februaro-17 22:20:35

Knabeto ĉe dentisto

Dentistejo. El brakseĝo eliras ploranta knabeto. Lia patrino, kontenta ĉar liaj dentoj resanigitaj, diras al knabeto:
– Fileto, kion vi diros al la dentisto?
– Ci kaco!

Reen al la supro