Till sidans innehåll

Ĉu la seksneŭtrala pronomo "ri" estas kontraŭfundamenta?

av Jxusteno, 13 januari 2020

Meddelanden: 4

Språk: Esperanto

Jxusteno (Visa profilen) 13 januari 2020 14:09:32

Ĉu la Fundamento de Esperanto malpermesas uzi la neoficialan seksneŭtralan pronomon ri? Ja estis enkondukita la sveda pronomo hen! Bonvolu doni la citaĵon se tia malpermeso ekzistas. Ekzemploj de uzo la pronomon ri:
hieraŭ mi vidis homon, sed mi ne scias ĉu ri estas virseksulo aŭ ino;
ĉiu amas ordinare personon, kiu estas simila al ri;
ri estas nek virseksulo, nek ino;
ri ne volas ke oni rivelu rian sekson.

Zam_franca (Visa profilen) 13 januari 2020 17:33:12

Nu, interalie tio :
Antaŭparolo
Por ke lingvo internacia povu bone kaj regule progresadi kaj por ke ĝi havu plenan certecon, ke ĝi neniam disfalos kaj ia facilanima paŝo de ĝiaj amikoj estontaj ne detruos la laborojn de ĝiaj amikoj estintaj, ― estas plej necesa antaŭ ĉio unu kondiĉo: la ekzistado de klare difinita, neniam tuŝebla kaj neniam ŝanĝebla Fundamento de la lingvo. Kiam nia lingvo estos oficiale akceptita de la registaroj de la plej ĉefaj regnoj kaj tiuj ĉi registaroj per speciala leĝo garantios al Esperanto tute certan vivon kaj uzatecon kaj plenan sendanĝerecon kontraŭ ĉiuj personaj kapricoj aŭ disputoj, tiam aŭtoritata komitato, interkonsente elektita de tiuj registaroj, havos la rajton fari en la fundamento de la lingvo unu fojon por ĉiam ĉiujn deziritajn ŝanĝojn, se tiaj ŝanĝoj montriĝos necesaj; sed ĝis tiu tempo la fundamento de Esperanto devas plej severe resti absolute senŝanĝa, ĉar severa netuŝebleco de nia fundamento estas la plej grava kaŭzo de nia ĝisnuna progresado kaj la plej grava kondiĉo por nia regula kaj paca progresado estonta. Neniu persono kaj neniu societo devas havi la rajton arbitre fari en nia Fundamento iun eĉ plej malgrandan ŝanĝon! Tiun ĉi tre gravan principon la esperantistoj volu ĉiam bone memori kaj kontraŭ la ektuŝo de tiu ĉi principo ili volu ĉiam energie batali, ĉar la momento, en kiu ni ektuŝus tiun principon, estus la komenco de nia morto.

Laŭ silenta interkonsento de ĉiuj esperantistoj jam de tre longa tempo la sekvantaj tri verkoj estas rigardataj kiel fundamento de Esperanto: 1.) La 16-regula gramatiko; 2) la « Universala Vortaro »; 3) la « Ekzercaro ». Tiujn ĉi tri verkojn la aŭtoro de Esperanto rigardadis ĉiam kiel leĝojn por li, kaj malgraŭ oftaj tentoj kaj delogoj li neniam permesis al si (almenaŭ konscie) eĉ la plej malgrandan pekon kontraŭ tiuj ĉi leĝoj; li esperas, ke pro la bono de nia afero ankaŭ ĉiuj aliaj esperantistoj ĉiam rigardados tiujn ĉi tri verkojn kiel la solan leĝan kaj netuŝeblan fundamenton de Esperanto.
Riĉigadi la lingvon per novaj vortoj oni povas jam nun, per konsiliĝado kun tiuj personoj, kiuj estas rigardataj kiel la plej aŭtoritataj
T.e. la Akademio.
Ni respektu ĝin! La plejparto de la Akademio ne deziras reformon.

Jxusteno (Visa profilen) 13 januari 2020 18:32:19

Dankon pro la citaĵo. Aliflanke, tie ne estas skribite ke oni konsiliĝu kun ĉiuj personoj, kiuj estas rigardataj kiel la plej aŭtoritataj. Por mi Venergreno, Kramero kaj Broŝo (eble ankaŭ aliaj akademianoj estas por la pronomo) sufiĉas. Des pli, la akademianoj, estantaj kontraŭ la pronomo ri, kredeble estas kontraŭ ĝi nur pro blinda konservemo sed ne pro ĝia utileco, nek neutileco. Unuj generacioj anstataŭas la aliajn, kaj juĝante laŭ anoj de TEJO, mi supozas ke postkelkjardeka oficialigo de la pronomo ri estas preskaŭ neevitebla.

Zam_franca (Visa profilen) 13 januari 2020 20:19:30

Kramer kaj Brosh estas teoriuloj.
Ili proponas multe pli da lernendaj vortoj, kiuj simplas por la plejparto de la eŭropanoj, sed ne por aliaj!
Ili volas oferi la simplecon de Esperanto al perfekteco!

Tiaj homoj ne komprenas, ke Esperanto estas tamen iomete priatentata de la mondo : aktivuloj volas, ke EU-civitanoj ekpovu kontinentskale uzi ĝin, ĈRI proponas elsendojn preskaŭ ĉiutage, UEA deziras montri al Unesko lingvon pretan kiu pretas kaj taŭgas, kiu ne plu estas al stadio de memperfektiĝo!!!

Ne forgesu!!
Esperanto preskaŭ nur taŭgas pro sia simpla gramatiko, ne pro siaj "internaciaj vortoj".

Reformistoj estas teoriuloj.
Anstataŭ provi diskonigi la lingvon, vi provas diskonigi reformojn.
Vi do ne amas Esperanton senreforme. Vi uzas la lingvon viailuzie, pensante ke homoj kiuj deziras stabilan kaj normalan Esperanton estas aĉaj konservativuloj, pensante ke 3 = 23.

Jen estas alia ideo de reformo pli taŭga pri la pronomoj, laŭ viaj kriterioj : tie.

Mi pensas, ke logike ĉiaokaze vi legos tiun artikolon, do jen estis ĝi.

Tillbaka till toppen