Kwa maudhui

Mi refarbis la flavajn seĝojn blankaj

ya Kriketo, 7 Oktoba 2019

Ujumbe: 18

hugha: Esperanto

Kriketo (Wasifu wa mtumiaji) 7 Oktoba 2019 8:22:52 alasiri

Ni analizu la frazon Mi refarbis la flavajn seĝojn blankaj (PMEG). Kiel klarigi ke blankaj ne estas n-vorto (akuzativo)? Mi akceptas la regulon, sed ne komprenas ĝian kialon.

nornen (Wasifu wa mtumiaji) 7 Oktoba 2019 8:30:10 alasiri

Gxi ne havas n-finajxon por esti perverba priskribo. La cxeesto kaj foresto de n-finajxo distingas rektan priskribon (de rekta objekto) de perverba priskribo (de rekta objekto).

Komparu:
Mi pentris la vandojn flavajan. = Ich habe die gelben Wände gestrichen.
Mi pentris la vandojn flavaj. = Ich habe die Wände gelb gestrichen.

Metsis (Wasifu wa mtumiaji) 9 Oktoba 2019 11:30:52 asubuhi

Kriketo

Temas pri tio, ke la espa malhavas propran montrilon por la gramatika kazo translativo. La kazo indikas staton aŭ kvaliton kiel rezulto de antaŭa ago aŭ ŝanĝigo. Do en via ekzemplo la seĝojn estis antaŭ la refarbado flavaj kaj post ĝi blankaj.

Mi jam skribis kelkfoje pri ĉi tiu manko ĉi tie en Lernu. Sume la problemo estas, ke estas pluraj manieroj en la espa montri ĉi tiun rezulton. Rigardu ĉi tiun fadenon.

StefKo (Wasifu wa mtumiaji) 9 Oktoba 2019 6:07:27 alasiri

Kial ne:

Mi farbis la muron je flavo. La ministro nomumis la kolonelon Novak je generalo.
Mi farbis la muron flave.
Mi farbis la muron per flavo.

En la pola mi skribus:

Mi farbis la muron je flave.
Mi farbis la muron je flava koloro.
Mi farbis la muron per flavo.

sergejm (Wasifu wa mtumiaji) 9 Oktoba 2019 6:19:45 alasiri

Mi dubas ke en la pola ekzistas ekvivalento de Esperanta "je".
Ruse ĉi tio estas:
Я покрасил стену в жёлтый цвет = Mi farbis la muron en flavan koloron
Я покрасил стену жёлтым (цветом) = Mi farbis la muron flave/per flava koloro

MiMalamasLaAnglan (Wasifu wa mtumiaji) 9 Oktoba 2019 6:20:06 alasiri

StefKo:Kial ne:

Mi farbis la muron je flavo. La ministro nomumis la kolonelon Novak je generalo.
Mi farbis la muron flave.
Mi farbis la muron per flavo.

En la pola mi skribus:

Mi farbis la muron je flave.
Mi farbis la muron je flava koloro.
Mi farbis la muron per flavo.
Je = akuzativo, kiel la nova vorto "na". "Flave" aŭ "per flavo" havas je pli da senco (oni tie bezonas la akuzativon, do mi uzis la vorton je).

StefKo (Wasifu wa mtumiaji) 9 Oktoba 2019 9:24:57 alasiri

sergejm:Mi dubas ke en la pola ekzistas ekvivalento de Esperanta "je".
Ruse ĉi tio estas:
Я покрасил стену в жёлтый цвет = Mi farbis la muron en flavan koloron
Я покрасил стену жёлтым (цветом) = Mi farbis la muron flave/per flava koloro
Jes, parte. Pola NA - se ĝi ne signifas lokon aŭ direkton. Tiam similas esperantan JE. Ĝia senco dependas de antaŭa verbo kaj kazo de sekva vorto, ekz. Na oko 20 km, Chory na serce, Długi na metr, Na co mi to? Zależy mi na niej, Polegam na nim, Na bakier. Ĉu la rusa на ĉiam signifas lokon aŭ direkton?

Vinisus (Wasifu wa mtumiaji) 9 Oktoba 2019 11:40:29 alasiri

Kriketo:Ni analizu la frazon Mi refarbis la flavajn seĝojn blankaj (PMEG). Kiel klarigi ke blankaj ne estas n-vorto (akuzativo)? Mi akceptas la regulon, sed ne komprenas ĝian kialon.
Blankaj estas predikativo de la objekto, antaŭ la seĝoj estis flavaj nun ili estas blankaj. "Refarbis" Oni povas diri: Mi farbis la seĝojn flavajn kaj blankajn, aŭ flavajn blankajn. Refarbi per alia koloro estas la kialo, kiun kelkfoje oni ne komprenas.

Plej amike!

sergejm (Wasifu wa mtumiaji) 10 Oktoba 2019 12:35:58 asubuhi

StefKo:Jes, parte. Pola NA - se ĝi ne signifas lokon aŭ direkton. Tiam similas esperantan JE. Ĝia senco dependas de antaŭa verbo kaj kazo de sekva vorto, ekz. Na oko 20 km, Chory na serce, Długi na metr, Na co mi to? Zależy mi na niej, Polegam na nim, Na bakier. Ĉu la rusa на ĉiam signifas lokon aŭ direkton?
Jes, rusa на ne ĉiam signifas lokon aŭ direkton, same в kaj aliaj.
Высотой в 2 метра - 2 metrojn alta - ne "per alteco en 2 metrojn"
На 2 метра шире - 2 metrojn pli larĝa.
В 2 часа - je dua horo
Первого сентября - unuan de septembro - Esperanto estas ne sinsekva.
100 километров в час - 100 km/h
На глаз - proksimume - ne "sur okulon"
За 2 часа - dum 2 horoj - ne "malantaŭ 2 horojn"
Do mi povas diri pri nenia rusa propozicio, ke ĝi estas simila al "je"

StefKo (Wasifu wa mtumiaji) 10 Oktoba 2019 7:48:16 asubuhi

sergejm:
StefKo:Jes, parte. Pola NA - se ĝi ne signifas lokon aŭ direkton. Tiam similas esperantan JE. Ĝia senco dependas de antaŭa verbo kaj kazo de sekva vorto, ekz. Na oko 20 km, Chory na serce, Długi na metr, Na co mi to? Zależy mi na niej, Polegam na nim, Na bakier. Ĉu la rusa на ĉiam signifas lokon aŭ direkton?
Jes, rusa на ne ĉiam signifas lokon aŭ direkton, same в kaj aliaj.
Do mi povas diri pri nenia rusa propozicio, ke ĝi estas simila al "je"
Vi pravas, sed nur parte.
Laŭ vortaro.net: “JE. Prep., kies senco estas nedifinita k. kiun oni ĉiam povas uzi, kiam la senco ne montras klare, kia prep. konvenas”. Tia ĝuste estas NA kiu ne havas precizan sencon (kiam ne signifas lokon aŭ direkton).

Ekzemploj el vortaro.net:

lama je unu membro = kulawy NA jedną nogę, je tritaga vojaĝo = NA trzydniową podróż, malsaniĝi je lepro = zachorować NA trąd, la pozon duonkuŝan ŝi ŝanĝis je pozo sida = … NA pozycję siedzącą, ties karnon mi disŝiros je pecetoj = ... NA kawałki, je la tria matene = NA trzecią rano.

En multaj aliaj kazoj, kiel en la rusa, oni uzas aliajn prepozicioj (do, w, o) kun adekvata kazo, en signifo de la esperanta JE.
„Simila” ne signifas „la sama, identa”.

Kurudi juu