İçerik Görüntüleme

Komunuzaj vortoj

başlangıç Daisy454, 20 Mayıs 2015

Mesajlar: 9

Dil: Esperanto

Daisy454 (Profili görüntüle) 20 Mayıs 2015 16:35:16

Bonvolu, iu ajn povas helpi min kun kelkaj vortoj, mi petas?

- Kiel oni respondas gentile kiam oni diras "Mi bedaŭras"?
- Kiel oni respondas gentile kiam oni ternas?
- Kiel oni diras "cool" aŭ "awesome"? (Krom "bonega"?)
- Ĉu vere homoj kutime diras "volapukaĵo"?

Dankon!!

akueck (Profili görüntüle) 20 Mayıs 2015 18:34:44

Daisy454:
- Kiel oni respondas gentile kiam oni diras "Mi bedaŭras"?
"Ne gravas."

Daisy454:- Kiel oni respondas gentile kiam oni ternas?
Au oni entute ne komentas tiajn "korpajn sonojn" au oni deziras: "Sanon!"

Daisy454:- Kiel oni diras "cool" aŭ "awesome"? (Krom "bonega"?)
"Mojose!"

Daisy454:- Ĉu vere homoj kutime diras "volapukaĵo"?
Eble.

Tempodivalse (Profili görüntüle) 20 Mayıs 2015 18:36:23

Daisy454:- Kiel oni respondas gentile kiam oni diras "Mi bedaŭras"?
Se la respondanto volas esprimi ke la bedaŭrita afero estas negrava aŭ forgesinda, li povas diri: "Ne gravas", aŭ eble "Ne bedaŭdrindas", "Ne zorgu".
- Kiel oni respondas gentile kiam oni ternas?
Mi rekomendas Estu sana!Sanon! laŭ la slava kaj latinida kutimoj.
- Kiel oni diras "cool" aŭ "awesome"? (Krom "bonega"?)
Mojose! (devenas de la mallongigo "Moderna Juna Stilo" )
- Ĉu vere homoj kutime diras "volapukaĵo"?
Tiu kunmetaĵo ne estas tre ofta, tamen oni komprenas ĝin; ĝi estas neformala. Pli 'seriozaj' sinonimoj estas: nekompreneblaĵo, konfuzaĵo.

Daisy454 (Profili görüntüle) 20 Mayıs 2015 21:05:20

Mojose! ridulo.gif Dankon!!!

jagr2808 (Profili görüntüle) 8 Haziran 2015 19:48:03

Daisy454:
- Kiel oni diras "cool" aŭ "awesome"? (Krom "bonega"?)
"cool" estas mojose, "awesom" estas mirinda.

erinja (Profili görüntüle) 9 Haziran 2015 15:38:21

"Mojosa" estas vorto kiun nur kelkaj personoj subtenas. Aliaj pensas ke ĝi estas tre "uncool". Mi uzas "Bele!" en situacioj, kiam mi nomus ion "cool" en la angla. Mi foje konis iun kiu uzis la vorton "beluma".

Efektive aferoj kiuj estas "cool" ne nepre estas modernaj, nek junstilaj. Iom stulta kaj nenecesa vorto laŭ mi.

Pri "Mi bedaŭras" -- temas pri la cirkonstanco! Se oni diras "Mia avino mortis", kaj alia respondas "Mi bedaŭras", oni povus simple diri "dankon". Kompreneble "Ne gravas" ne estas bona respondo por tiaj vivaj tragedioj, kiuj ja gravas. Se oni tamen paŝas al via piedo, kaj diras "Mi bedaŭras", tiukaze "Ne gravas" aŭ "Tute enorde!" aŭ "Senprobleme!" estus tauĝaj.

Tempodivalse (Profili görüntüle) 11 Haziran 2015 18:51:59

"Mojosa" estas vorto kiun nur kelkaj personoj subtenas. Aliaj pensas ke ĝi estas tre "uncool". Mi uzas "Bele!" en situacioj, kiam mi nomus ion "cool" en la angla. Mi foje konis iun kiu uzis la vorton "beluma".
Certe "mojosa" ne estas formala aŭ serioza vorto, kiun mi mem esence neniam uzus - tamen ĉu ĝi ne havas sian lokon inter la malmultaj esperantaj slangaĵoj?

Ekzemple, mi skribas fikcian noveleton kun junula dialogo. Al mi iel ŝajnis pli kredeble, kiam la junuloj diras "mosoje!" anstataŭ "bonege!" aŭ "bele!". Eble oni povas utiligi slangon de aliaj lingvoj - "klase!" "ŝike!" ...

Kion vi pensas pri Malaĉe! ? ridulo.gif

auxro (Profili görüntüle) 12 Haziran 2015 08:51:34

erinja:"Mojosa" estas vorto kiun nur kelkaj personoj subtenas. Aliaj pensas ke ĝi estas tre "uncool". Mi uzas "Bele!" en situacioj, kiam mi nomus ion "cool" en la angla. Mi foje konis iun kiu uzis la vorton "beluma".

Efektive aferoj kiuj estas "cool" ne nepre estas modernaj, nek junstilaj. Iom stulta kaj nenecesa vorto laŭ mi.
Vi neniam estis en iu junulara E-aranĝo en Eŭropo se vi opinias ke nur kelkaj uzas "mojose". Ĝi jam plene anstataŭis vorton "amuze" en interjunulara babilado. Eĉ nomoj de Esperanto aranĝoj foje enhavas ĝin (ekz, MIRO en Kroatio).

Oni povas ne subteni la vorton sed pli bone ellernu ĝin se vi ne volas eksenti vin malmoderna kaj maljuna en junulara kompanio ridulo.gif

kvarelcentenorvega (Profili görüntüle) 20 Ağustos 2020 03:07:48

se plene kapti ties ĉi sencon, la traduko de ``cool`` estu malaĉamalfia.

Başa geri dön