İçerik Görüntüleme

Nova iniciato de E@I - http://blogo.ikso.net

başlangıç Jev, 16 Ekim 2008

Mesajlar: 3

Dil: Esperanto

Jev (Profili görüntüle) 16 Ekim 2008 20:47:30

Saluton!

Interreto daŭre restas unu el la plej ĉefaj komunikiloj en la mondo. Ĝi estas tre grava ankaŭ por Esperanto-parolantoj, ĉar ili loĝas dise en la mondo kaj dank’ al la retaj teknikoj ili havas eblon facile kontakti unu la alian. Interreto kaj komputilo helpas venki landajn limojn kaj longajn distancojn. Krom tio novaj teknikoj ofte faciligas nian ĉiutagan vivon - ili ŝparas nian tempon, faciligas laborojn, helpas aŭtomatigi rutinajn taskojn kaj fari aferojn multe pli rapide kaj en multe pli bona kvalito.

En la nuntempa mondo ofte ju pli sperta vi estas pri komputilaj aferoj, des pli efike vi povas funkcii en diversaj okazoj. Kaj ne eblas per unu fojo ĉion ellerni. Se vi vere volas fruktodone labori kaj havi altkvalitajn rezultojn, vi devas konstante sekvi la progreson - kiuj novaj teknikoj ekzistas? kiel tiuj teknikoj povas esti utilaj al mi? kiel plej efike eblas eluzi ĉiujn ekzistantajn eblojn? - estas multe da respondindaj demandoj. Bedaŭrinde oni ne ĉiam havas sufiĉe da tempo por serĉado de tiuj respondoj. Estus bone, se ili troveblus en unu loko. Ĝuste pro tio E@I decidis lanĉi novan projekton - blogon (http://blogo.ikso.net) , en kiu oni povus trovi multajn interesajn informojn pri la komputilaj kaj retaj teknikoj, pri evoluo de diversaj retaj projektoj ks. Laŭplane en la blogo aperos diverstipaj informoj, iuj celos nur spertajn komputil-uzantojn, iuj taŭgos ankaŭ por homoj, kiuj havas nur bazajn sciojn pri uzado de komputilo.

Se vi estas sperta ret- aŭ komputil-uzanto kaj volas dividi viajn sciojn kun aliaj Esperanto-parolantoj, vi estas tre bonvena al la projekto. Ni volas kolekti grandan komunumon de redaktantoj de la blogo, ĉar ju pli da homoj kunlaboros pri ĝi, des pli interesa kaj bunta ĝi estos. Ankaŭ estas bonvenaj homoj, kiuj okupiĝas pri iuj projektoj, rilataj al la temoj de nia blogo (ekz. retaj projektoj, tradukado de iu programaro ks.). En la nova E@I-blogo vi havos bonan eblon informi la Esperanto-parolantan publikon pri via agado. Se vi volas kontribui al la projekto, sendu al blogo@ikso.net etan sinprezenton kun indiko de tiuj temoj, pri kiuj vi povas/volas helpi. Ni esperas, ke se ni kunligos niajn fortojn kaj bone informos esperantistojn pri la nuntempa mondo, malgrandiĝos distancoj inter retaj kaj ekster-retaj komunumoj de esperantistoj kaj tio signifas, ke la movado iĝos multe pli forta kaj efika. Kiom da esperantistoj daŭre ne kapablas skribi supersignojn!!! Ni devas
tion ŝanĝi.

Bonvolu disvastigi tiun ĉi informon inter viaj amikoj kaj konatoj. Grandan antaŭdankon.

Atenton! La blogo ankoraŭ ne estas tute preta, ĝi daŭre estas plibonigata kaj viaj komentoj estas tre bonvenaj.

Amike,
E@I-uloj rideto.gif

KienLi (Profili görüntüle) 16 Ekim 2008 21:29:44

Bonega afero. Gratulojn kaj sukcesojn!

Razeno (Profili görüntüle) 1 Aralık 2008 00:53:04

Karaj,
Saluton. Mi tre ĝojas legi vian mesaĝon pri blogo.
Mi etastas kaprica bloganto. kaj mi nun uzas blogger.com por blogi. Jen mia adreso: www.razeno.blogspot.com

Mi opinias ke estus pli bona loko por ni Esperanto-blogantoj.
Mi baldaŭ skribos al blogo(ĉe)ikso.net por reservi lokon. Ĉu estas tio la maniero por aliĝi?

Deziras al vi ĉion bonon el Nepalo.

Razen Manandhar

Başa geri dön