Al la enhavo

"Memoru la akuzativon, filino!" Ŝerco?

de werechick, 2008-julio-12

Mesaĝoj: 5

Lingvo: Esperanto

werechick (Montri la profilon) 2008-julio-12 08:20:37

Mi aŭdas ke la ŝerco ekzistas, sed mi ne konas ĝin. Ĉu vi povas diri ĝin al mi? Bonvolu?

dobri (Montri la profilon) 2008-julio-13 19:26:16

werechick:Mi aŭdas ke la ŝerco ekzistas, sed mi ne konas ĝin. Ĉu vi povas diri ĝin al mi? Bonvolu?
Jes, mi konas ĝin. Jen ĝi:
Filino revenis de junulara kongreso, kaj la patro alportis ŝin hejmen de la flughaveno per aŭto.

La filino silentis dum la tuta veturado, kaj ŝia patro demandis, "Filino, kio maltrankviligas vin? Vi povas diri al mi pri io ajn."

"Kara Paĉjo, mi ne plu estas virgulinon."

La patro suspiris kaj diris, "Mi elspezis tiom da mono por sendi vin al Esperanta kunveno kaj vi ankoraŭ ne uzas ĝuste la akuzativon."

novatago (Montri la profilon) 2008-aŭgusto-01 09:40:50

Du esperantistoj ĉe la plaĝo rigardas trian esperantiston, kiu dronas kaj krias "helpo".

-Ni kuru, li petas helpon.
-Ne, ne. Li ĉiam uzas bone akuzativon. Certe Helpo estas lia amiko kaj li vokas lin.

diogotux (Montri la profilon) 2008-aŭgusto-02 15:38:37

novatago:Du esperantistoj ĉe la plaĝo rigardas trian esperantiston, kiu dronas kaj krias "helpo".

-Ni kuru, li petas helpon.
-Ne, ne. Li ĉiam uzas bone akuzativon. Certe Helpo estas lia amiko kaj li vokas lin.
aŭ li pretas helpi iun en tiu situacio. Tre bona ŝerco rido.gif

werechick (Montri la profilon) 2008-septembro-18 20:03:49

Multajn dankojn! Estas amuzega.

Reen al la supro