Mi rimarkis ke la pola forumo estas tre vigla en lernu, kaj proporcie kun aliaj lingvoj pli nombraj, ĝi enhavas pli da fadenoj kaj mesaĝoj.
Mi supozas ke en ĉi tiu lando estos iom pli da Esperanta intereso ol en aliaj landoj, sed ĉu estas ĉi tio vera?, kia impreso estas en Pollando pri Esperanto?, ĉu estas malsama al tiu de aliaj landoj?, ĉu polaj sentas ke ĉi tiu lingvo iom plie apartenas al ili ol al aliaj, aŭ tute ne?
Estus interese scii pri ĝi, eble niaj amikoj el Pollando povas respondi pli bone tiun ĉi demandon, (aŭ tiuj kiuj konas Pollandon).

Aliflanke, mi revenas al la fadentitolo, ĉu estas iu lernua forumano el Bjalistoko ? (naskiĝurbo de Zamenhof por tiuj kiuj ne scias ĝin), kaj ĉu specife en tiu urbo oni rimarkas specialan influon/aktivecon de Esperanto?

(Eble ĉe lernu ne estas iu bjalistokano por respondi, sed ja iu pola, aŭ iu kiu scias pri ĉi tiu urbo, lando, kaj/aŭ temo)

Amike (mi estas scivolema, ĉar mi estas planante vojaĝon al Pollando baldaŭ).

Mi ne loĝas en Bjalistoko, sed mi povas diri ke ĉiuj poloj scias kion estas esperanto , ĉar en ĉiuj lernejoj en pollando estas unu leciono pri esperanto kaj doktoro zamenhof, ankaŭ mi havis tia, kaj ĉiuj miaj amikoj scias kion estas esperanto kaj kiom havas jarojn. Esperanto ne estas jam tia tre interesa kiel antaŭe, sed daŭrige iel iom estas. Mi pensas ke poloj sentas ke esperanto estas 'nia' , ĉar ĉiuj miaj amikoj pensis antaŭe ke zamenhof estis tipa polo. Tio estas TV Esperanto Bjalistoko http://tvbialystok.pl/tvesperanto/, mi ne konas neniajn forumojn kaj mi ne scias ĉu tiaj ekzistas.

BartexXx310:Mi ne loĝas en Bjalistoko, sed mi povas diri ke ĉiuj poloj scias kion estas esperanto , ĉar en ĉiuj lernejoj en pollando estas unu leciono pri esperanto kaj doktoro zamenhof

Ĉu vere? Ĉu iu alia povas konfirmi? Kial malgraŭe tiel malmultaj poloj lernas Esperanton?

BartexXx310:Mi ne loĝas en Bjalistoko, sed mi povas diri ke ĉiuj poloj scias kion estas esperanto , ĉar en ĉiuj lernejoj en pollando estas unu leciono pri esperanto kaj doktoro zamenhof, ankaŭ mi havis tia, kaj ĉiuj miaj amikoj scias kion estas esperanto kaj kiom havas jarojn. Esperanto ne estas jam tia tre interesa kiel antaŭe, sed daŭrige iel iom estas. Mi pensas ke poloj sentas ke esperanto estas 'nia' , ĉar ĉiuj miaj amikoj pensis antaŭe ke zamenhof estis tipa polo. Tio estas TV Esperanto Bjalistoko http://tvbialystok.pl/tvesperanto/, mi ne konas neniajn forumojn kaj mi ne scias ĉu tiaj ekzistas.

Dankon Bartex. Via respondo estas tre interesa. Estus grave ke en ciuj mondlernejoj oni havus almenaŭ unu lecionon pri Esperanto, aŭ bazan informon pri ĝi (ankaŭ kiel ĝenerala kulturo almenaŭ, ĉar ĝi jam estas parto de la homarhistorio).

Ĉi tie en Hispanio ne estas tiel, kaj multaj homoj eĉ ne scias ke Esperanto ekzistas (fakte mi, unufoje ke mi konis Esperanton, ne estis en lernejo, sed kiam mi estis 9 aŭ 10 jara tra manlibro pri skoltoj, poste mi ne sciis plu, kaj postege mi retuŝis la temon estante ĉirkaŭ 40jara, kaj danke al interreto).

Mi ĝojas ke vi havas la senton ke Esperanto estas "via" (de poloj), ĉar tial estas unu plena lando kiu povus progresigi nian lingvon (kaj krome, mi pensas ke tiu devus esti Pollando, honore al Zamenhof).

BartexXx310:ĉiuj poloj scias kio estas esperanto

Ĉu en Pollando Esperanto estas plenrajta fremdlingvo en lernejoj, egalrajta al la angla, franca, germana ktp.?

maratonisto:

BartexXx310:ĉiuj poloj scias kio estas esperanto

Ĉu en Pollando Esperanto estas plenrajta fremdlingvo en lernejoj, egalrajta al la angla, franca, germana ktp.?

Bedaŭringe tiel ne estas, fojfoje okazas ke iu esperantisto havas siajn lecionojn en lernejo, ( sed tiu esperantisto devas esti instruiston en tiu lernejo, kaj ankaŭ tiuj lecionoj estas nur por volontuloj, tamen tiam esperanto ne estas sur sama nivelo kiel modernaj lingvoj). Mi pensas ke esperanto ne havas prestiĝon(ekzemple kiel latino), plue ĉefe homoj pensas ke esperanto estas iom malaperanta, kvankam estas inverse

Ĉu vere ĉiuj en Pollando scias, kio estas Esperanto? Ŝajnas al mi, ke ne. Ekzemple, kiam mi diris en laborejo, ke mi lernas Esperanton, unu homo demandis min: "Kio estas tio? Ĉu tio estas danco?". Do mi ne konsentas, ke ĉiuj ion scias pri ĝi, tamen sufiĉe multaj almenaŭ scias, ke tio estas lingvo aŭ aŭdis pri Zamenhof.
Pri lecionoj pri Esperanto mi ankaŭ ne aŭdis, do eble nur en unu aŭ kelkaj lernejoj tiel estas. Fakte mi eksciis pri la lingvo en lernejo, sed tio ne estis normala leciono, nur postlecionaj okupoj, mi legis tekston pri Zamenhof kaj ekvolis lerni la lingvon, sed dum jaroj tion mi ne faris. En mia universitato dum prelego aperis vorto Esperanto, sed estis nur unu frazo pri ĝi: "Krom naturaj lingvoj ekzistas ankaŭ artefaritaj lingvoj, kiel Esperanto aŭ lingvoj de komputila programado". Malfacilas diri, ke en ĉiuj polaj lernejoj oni intruas pri Esperanto. Eble en Bjalistoko estas iomete alie, tamen certe ne ĉie homoj scias pri la lingvo.

En Bjalistoko mem estas multaj lokoj ligitaj al Esperanto. Mi vizitin urbon januare. Ekzemple sur la domo, kie loĝis Zamenhof, estas granda pentraĵo kun li. Funkcias ankaŭ Centro Ludoviko Zamenhof, kie eblas spekti ekspozicion pri junaj jaroj de Zamĉjo. Krom tio centro okupiĝas ne nur pri esperantaj aferoj, sed entute pri kultura kaj loka agado, ekzemple ĝi kolektas memoraĵojn de maljunaj loĝantoj. Eblas ankaŭ manĝi en restoracio "Esperanto", ĝi troviĝas en urboplaco, sed mi ne certas, ĉu ili parolas Esperante ene. Menuo estis nur pole kaj angle. Almenaŭ mi ne provis. Estas ankaŭ monumento de Zamenhof kaj kelkaj memortabuloj. Laŭ mi indas viziti Bjalistokon, kelkaj fotoj vi povas rigardi ĉi tie: Fotoj de esperantaj lokoj en Bjalistoko

Krom Bjalistoko en Varsovio ankaŭ estas lokoj ligitaj kun Esperanto. Apud domo, en kiu loĝis Zamenhof troviĝas granda pentraĵo kun li kaj famaj homoj aŭ herooj de filmoj. Pentraĵo estas dulingva, citaĵoj estas skribitaj en esperanto kaj en pola lingvo. Estas ankaŭ memortabuloj pri Zamenhof, ĉe juda tombejo estas lia tombo. Estas eĉ aŭtobuŝhaltejo, kiu nomiĝas Esperanto. Kelkaj fotoj estas tie: Varsoviaj spuroj de Zamenhof

Tamen indas antaŭe kontroli, kiam fukcias ekzemple tombejo aŭ Centro en Bjalistoko, ĉar mi tion ne faris kaj tombejo estis fermita kiam mi vizitis Varsovion kaj same neniu estis en esperanta biblioteko en Bjalistoko, kiam mi venis tien dimanĉe. Do kontrolu antaŭe, se vi ne volas havi malagrablan surprizon.

Multan dankon Anno pro via informa mesaĝo!

Nedankinde. Ankaŭ en aliaj urboj estas lokoj, kie oni almenaŭ mencias Esperanton. Ekzemple en malgranda kuracurbo Szczawno-Zdrój (Ŝĉavno-Zdruj) en Silezio estas kelkaj memortabuloj pri Zamenhof kaj vi povas loĝi en sama domo, en kiu li loĝis dum sia vizito en Szczawno.

En Vroclavo ankaŭ estas kelkaj memortabuloj, ekzemple pri Antoni Grabowski. Eblas ankaŭ viziti famegan polan pentraĵon Panorama Racławicka kun esperanta komento, preparis ĝin vroclavaj esperantistoj antaŭ kelkaj jaroj, sed ne multaj scias, ke eblas aŭskulti pri Panoramo en Esperanto.

Pri aliaj urboj en Pollando mi ne scias, sed certe en preskaŭ ĉiuj estas strato, placo aŭ ia objekto je la nomo de Esperanto, Zamenhof aŭ Esperantistoj. Multaj tiaj lokoj estas en Świdnica, estas eĉ hotelo "Esperanto", sed mi ne scias, ĉu ene ili parolas Esperante.