Ĉu vi jam voĉdonis? Se ne, tiam bonvolu ankaŭ vi ankoraŭ subteni la agadon de la gazeto „Hallo Mittwoch“ kaj elektu la Esperanto-grupon Hameleno kiel Superklubon 2015: http://www.hallo-hameln-pyrmont.de/voting.html . Pli da informoj en Esperanto jen: http://www.esperanto.de/eo/enhavo/hameln/esperanto... . Voĉdoni nur eblas ĝis merkredo, la 14-an de oktobro! Do, tuj donu vian voĉon por ni. Bedaŭrinde oni ne plu povas vidi, kiom da voĉoj ĉiu klubo jam havas. Ĉar iu de alia klubo provis trompi per aldono de 11100 voĉoj ene de unu minuto, nun sur la paĝo nur estas legebla la indiko, ke tiaj manipuladoj estas vanaj, ĉar oni poste filtras ilin. Sed pasintan lundon ni jam havis pli ol 720 voĉoj (ene de du tagoj) kaj atingis jam la 8-a rangon el 29 kluboj. Multan dankon al ĉiuj, kiuj jam voĉdonis por ni!
https://www.facebook.com/events/1117103588307457/
Kore salutas vin
Heinz

Koran dankon al ĉiuj, kiuj voĉdonis por La Ratkaptista Bando Esperanto-grupo Hameleno kiel Superklubo 2015!
La voĉdonado de la gazeto „Hallo Mittwoch“ / „Hallo zum Sonntag“ („Saluton merkredo“ / „Saluton al dimanĉo“) jam finiĝis la 14-an de oktobro. La ĵurio decidis kaj transdonis la premiojn al tri kluboj, kiuj ĉefe faras gravan laboron kun infanoj kaj junuloj: remklubo, sportklubo, arbara infanĝardeno. Jen raporto pri tio en la germana: http://www.hallo-hameln-pyrmont.de/artikel/2273/ru...
La nombro de la voĉoj por ĉiuj unuopaj kluboj ne estis publikigita kaj ĝis nun ni ne povis ekscii iajn detalojn pri tio.
Koran dankon al ĉiuj subtenantoj!

Por ekscii pliajn detalojn mi sendis retpoŝton kun demandoj al la organizanto de la gazeto kaj nun ricevis ne tiom detalan (celante la nombron de la voĉoj kaj la rangon), sed tamen bonan respondon:

Sehr geehrter Herr Spick,
entschuldigen Sie meine späte Antwort (ich war eine Woche im Urlaub). Über die Beteiligung Ihres Vereins an unserem Wettbewerb habe ich mich gefreut.
Beim Voting landete die Esperanto-Gruppe im oberen Drittel. Das kann sich – so meine ich – durchaus sehen lassen. Da der Wettbewerb sehr gut angenommen worden ist, könnte es vielleicht eine Neuauflage geben.
Beste Grüße und einen schönen Feierabend
Dr. G. H.-Ö.

Traduko:
Estimata sinjoro Sprick,
bonvolu pardonpeti mian malfruan respondon (mi feriis dum unu semajno). Pri la partopreno de via klubo ĉe nia konkurso mi tre ĝojis.
Dum la voĉdonado la Esperanto-grupo atingis rangon en la supra triono. Tio estas – laŭ mia opinio – bona sukceso. Ĉar la konkurso estis frekventita tre bone, eble povus okazi nova konkurso.
Plej bonajn salutojn kaj belan laborfinon
Dr. G. H.-Ö.

Do, en ĉiu kazo la partopreno ĉe la konkurso estis sukceso por nia klubo, ĉar ni kaptis la ŝancon kaj povis bone prezenti Esperanton, kaj multaj homoj legis pri tio.

Ni dankas al ĉiuj, kiuj voĉdonis por ni. Sen via helpo ni certe ne estus atinginta tiun bonan rezulton, eniri la supran trionon inter 29 kluboj.

„KORAN DANKON!“ diras nome de la Ratkaptista Bando
Heinz W. Sprick