Mesaĝoj: 7
Lingvo: Esperanto
Eddycgn (Montri la profilon) 2010-decembro-31 11:21:33
Gratulojn!
Kun Estonio estas dek sep landoj kiuj uzas eŭron...
vidas vandenis (Montri la profilon) 2010-decembro-31 17:05:52
Eddycgn:Morgaŭ Estonio enmetas la eŭron. Ili ne havas problemojn pri ŝuldoj.Vivu Estonio!
Gratulojn!
Kun Estonio estas dek sep landoj kiuj uzas eŭron...
Morgaŭ Vi skribu,kio pliboniĝis, aŭ male.
Feliĉan 2011!
Eddycgn (Montri la profilon) 2010-decembro-31 17:28:53
Feliĉan novan jaron al la tri baltaj landoj!
cellus (Montri la profilon) 2011-januaro-01 10:36:26
Mi ne scias kian sukceson oni havus se oni rigardus tian karigon kiel fraŭdo, sed la ideo estas interesa, laŭ mi!
Rilate al la Europa Unio kiel tia, mia impreso estas ke la publika opinio en Svedio estas same anti-unia, kiel niaj svedaj amaskomunikiloj diras ke la brita publika opinio estas.
Estas tamen interesa afero ke en la lando, ekzemple Svedio, oni kurağigas la civitanojn esti membroj de sindikatoj kaj aliaj organizoj, ĉar kune, solidare, oni povas atingi multe pli ol la unuopaj homoj individue, sed tiu opinio ne ŝajnas laŭdinda kiam temas pri la internaciaj rilatoj, kiam oni pli favoras la ideon ke ĉiu lando estu sendependa kaj absolute ne cedu sian liberecon al iu alia lando!
Ju pli kune la eŭropaj popoloj povus agi, des pli fortan voĉon ili povus havi en la monda politiko, kaj tio eble ne estus malbonaĵo.
antoniomoya (Montri la profilon) 2011-januaro-01 11:41:16
cellus: Ju pli kune la eŭropaj popoloj povus agi, des pli fortan voĉon ili povus havi en la monda politiko, kaj tio eble ne estus malbonaĵo.Mi tute konsentas kun vi, ne nur en tiu frazo, sed ankaŭ en la aliaj. La nacia sendependenco estas nur teoria, ĉar fakte, ĉiu nacio DEPENDAS de alia(j) nacio(j) por senfinaj bezonoj. Kaj tio, laŭ mi, estas bona. Kiel vi diras, kune, solidare, oni atingas multe pli ol individue. Se tio validas por sindikatoj kaj organizoj, tio ankaŭ validas por ŝtatoj kaj nacioj.
Ju pli da nacioj kune, des malpli da militoj kaj konfliktoj.
Aliparte, mi ankaŭ pensas ke la enkonduko de la eŭro altigis prezojn, sed ne salajrojn, bedaŭrinde.
Amike el Hispanujo.
ceigered (Montri la profilon) 2011-januaro-01 13:01:45
antoniomoya:Ju pli da nacioj kune, des malpli da militoj kaj konfliktoj.Mi kredas ke bedaŭrinde tiu frazo ne estas tre ĝusta - Militoj kaj konfliktoj inter nacioj, jes, sed inter popoloj (kiel triboj, familioj, bandoj, politikaj organizaĵoj kaj eĉ individuoj) bedaŭrinde ne. Tamen la problemo pri tio mi kredas estas ke ne estas sufiĉe empation en la koroj de homoj en la hodiaŭaj urbegoj. Kiam homo vidas tro da homoj antaŭ li, li ne povas kompreni la vidaĵo kiel indivuduoj sed nur kiel grupo da objektoj.
Sed, se ne estus la ideo ke eĉ homoj, kiujn oni ja konus, estas ie "strangaj" aŭ "malbonaj" aŭ "nehomaj", tio estus bonega. Tio estas duono de la batalo, ĉu ne?
Gratulojn al Eŭropo, pro la progreso al la espero ke homoj, de historie malsamaj nacioj, povas unuiĝi sen mortigo.
Andreo Jankovskij (Montri la profilon) 2011-januaro-01 13:28:59
Kaj tio estas bona ekzemplo por mia lando.
Gratulojn por Estonio!