Mesaĝoj: 11
Lingvo: Esperanto
zan (Montri la profilon) 2011-junio-30 09:22:39
La nombro de la ĉinaj signoj estas tiom granda, ke eĉ japanoj memoras ne ĉiujn. Koreoj kaj vjetnamoj jam forlasis ilin. Krome la formoj estas malsamaj inter Ĉinio, Tajvano kaj Japanio. Sed tamen la ĉinaj signoj povas interesi homojn. Ĉar oni komprenas la signifon de iu signo, kiam oni nur vidas ĝin, kvankam oni ne scias la sonon. ekz:山=monto
Se oni kreus novajn hànzì-jn, kiuj estu malmultaj, ofte uzeblaj kaj internacie samformaj, ĉu ne utilus?
darkweasel (Montri la profilon) 2011-junio-30 09:32:00
zan:Ĉar oni komprenas la signifon de iu signo, kiam oni nur vidas ĝin, kvankam oni ne scias la sonon. ekz:山=montoPor mi, kiu nenion scias pri ĉinaj signoj, tio povus same bone simboli "urbon kun altaj konstruaĵoj", "forkon", "manon", aŭ kion ajn. Komprenado de tiuj signoj do ne vere estas tre intuicia.
Abusonhhoson (Montri la profilon) 2011-junio-30 13:14:00
田 estas kampo...
木 estas ligno
林 estas arbaro
森 estas arbarego.
Multaj ĉinoj volas literigi la ĉinan lingvon nun,tial ke la ideografia lingvo estas tro malfacila por memoro.Sed mi ne konsentas kun ili,Ni ĉina lingvo havas nian meman sistemon,kulturon.Kaj la ĉina lingvo helpas al mi kompreni nian historion
ni povus kompreni la ideografiaĵon skribita antaŭ du-mil jaroj. 
utku (Montri la profilon) 2011-julio-01 06:42:36
zan:Se oni kreus novajn hànzì-jn, kiuj estu malmultaj, ofte uzeblaj kaj internacie samformaj, ĉu ne utilus?Ekzistas "Blisa skribo" (blissymbolics). Sed ĝiaj signoj estas tre malbela kompare kun ĉinaj signoj.
zan (Montri la profilon) 2011-julio-01 08:50:07
utku:Ekzistas "Blisa skribo" (blissymbolics). Sed ĝiaj signoj estas tre malbela kompare kun ĉinaj signoj."Blisa skribo" ŝajnas interesa. Mi celis same kiel Bliss, kiun inspiris la ĉina skribo.
ekzemple
urbo=市 alta=高 konstru-aĵo=建-物
市高建物 aŭ 高建物市 signifus "urbo kun alta konstruaĵo".
Mi certas, ke ĉi tiuj signoj estas strangaj por tiuj, kiuj unuafoje vidas ilin. Precipe "建物" estas tre malfacila, kaj oni povus ŝanĝi ĝin al pli simpla formo, se oni celus internacian uzon.
alta arbo=高木(木 estas japane arbo, kaj ĉine ligno)
mano=手
Se 手 signifus 'mani'(havi), 手 伞 estus "havi ombrelon".
Signoj ne havas gramatikon. Oni povus solvi tion per Esperanta gramatiko, kiel "手as 伞on". alta arbo = 高a 木o
Ĉu bona ideo, aŭ ne?
Altebrilas (Montri la profilon) 2011-julio-01 10:34:56
Mi ŝatus provlerni ilin en du etapoj:
- signifo de la signoj
- signifo de la kunmetitaj signoj, el la signifo de la elementaj signoj.
Ekzemple, en unua listo, la signifo de elementaj signoj:
urbo=市
alta=高
konstrui=建
aĵo=物
Kaj en la dua la signifo de la kunmetaĵoj, sed anstataŭante la signojn per iliaj nomoj:
Urbo Alta Konstrui Aĵo = Urbego (urbo kun altaj konstruaĵoj)
Mi pensas, ke tiel la lernado estus pli facila.
Mi provis uzi la lernu-an Eo-ĉinan vortaron por trovi la signifon de la partoj de kunmetita vorto. estas interese, sed tio postulas tempon... Tial tiaj listoj estus bonvenaj
zan (Montri la profilon) 2011-julio-02 03:36:06
口=buŝo,目=okulo,耳=orelo,雨=pluvo
川=rivero,車=ĉaro,aŭto,k.s.
馬=ĉevalo(imagu kurantan ĉevalon kun kolharoj)
牛=bovo(imagu vizaĝon de bovo)
羊=ŝafo(vizaĝo kun kurbaj kornoj)
鳥=birdo(ĉu la plej supra streketo estas beko?)
魚=fiŝo(ĉu la kvar streketoj estas naĝilo?)
Ne nur mi sed ankaŭ aliaj japanoj fojfoje proponas, ke oni uzu kanji-on en Esperantaj tekstoj. Tio estas alloga ideo por ni. Ĉu ne same proponas ankaŭ ĉinoj?
Kion pensas aliaj landanoj, kiuj ne scias hànzì-on? Ĉu sensencaĵo?
Demando: ĉu vizaĝo de besto estas "vizaĝo"?
Laŭ vortaro: vizaĝo=antaŭa parto de l' homa kapo
darkweasel (Montri la profilon) 2011-julio-02 07:29:39
zan:Kvankam la vortaroj donas tiun ĉi difinon, min absolute ne ĝenus legi pri la vizaĝo de kato, hundo, porko, ...
Demando: ĉu vizaĝo de besto estas "vizaĝo"?
Laŭ vortaro: vizaĝo=antaŭa parto de l' homa kapo
黄鸡蛋 (Montri la profilon) 2011-julio-02 11:57:43
Mi volas aldoni, ke ekzistas ĉinaj signoj, kiuj ricevis siajn sencojn nur pro tio, ke oni uzis la sonojn de tiuj signoj por tiuj abstraktaj signifoj. Fakte tiuj signoj originale havis aliajn sencojn, sed oni ekuzis aliajn signojn por la originalaj sencoj. Ekzemple, "又" originale signifis "dekstra mano", kaj plue "dekstra", sed nun oni uzas "右" por "dekstra", kaj "又" por "denove". La senco "denove" ne venas de la originala senco de tiu signo; Oni donis al ĝi tiun sencon nur ĉar oni uzis la sonon (kompreneble, en la pratempo) de tiu signo por tiu signifo. (Rigardu ankaŭ la bildon por antikva formo de tiu signo. )
Alia afero estas ke estis neregulaj transformoj kiam oni ŝanĝis la signojn de antikvaj formoj en la formojn iel proksimajn al la modernaj. Ekzemple, "赤"(ruĝa) konsistis el "大"(granda) kaj "火"(fajro). Oni konstruis ĝin tiel, eble ĉar granda fajro estas ruĝa. Rigardu la bildon por trovi "大" kaj "火" en antikva formo de tiu signo. Tamen, kiel vi vidas, ne troviĝas "大" kaj "火" en ĝia moderna formo.
maratonisto (Montri la profilon) 2011-julio-03 11:21:38