目次へ

araba alfabeto por esperantistoj

juangarciadelrio,2021年5月27日の

メッセージ: 8

言語: Esperanto

juangarciadelrio (プロフィールを表示) 2021年5月27日 17:20:47

Saluton, karaj: antaŭ kelkaj tagoj mi finverkis serion de 5 artikolojn per kiuj mi instruas la araban alfabeton al esperantistoj kiuj, pro iu ajn kialo, ŝatus ĝin lerni. Jen la ligilo al la unua leciono (kiu inkludas antaŭparolon kaj la 3 unuajn lecionojn). Dankon.
https://pacamondo.blogspot.com/2021/05/araba-alfab...

juangarciadelrio (プロフィールを表示) 2021年5月27日 17:22:19

Kaj jen la sesa leciono (antaŭlasta): https://pacamondo.blogspot.com/2021/05/araba-alfab...

amigueo (プロフィールを表示) 2021年5月29日 8:31:55

dankegon Juangarciadelrio

Altebrilas (プロフィールを表示) 2021年5月29日 13:43:54

Interesa kurseto.

Pri la diversformaj literoj -laŭ pozicioj- ĉu tio ne estas simila al desegno de latinaj literoj far la kaligrafiistoj, kiuj aldonas vostegoj al la majuskloj aŭ finaj literoj? Ŝajnas, ke en la araba, tiuj ornamaĵoj estas laŭnormaj, dum en la latina ili dependas de la skribista imago.

juangarciadelrio (プロフィールを表示) 2021年5月29日 19:05:48

Altebrilas:Interesa kurseto.

Pri la diversformaj literoj -laŭ pozicioj- ĉu tio ne estas simila al desegno de latinaj literoj far la kaligrafiistoj, kiuj aldonas vostegoj al la majuskloj aŭ finaj literoj? Ŝajnas, ke en la araba, tiuj ornamaĵoj estas laŭnormaj, dum en la latina ili dependas de la skribista imago.
Jes, vi pravas. En la araba alfabeto tio okazas laŭnorme. Tamen, direndas ke arabaj kaligrafiistoj tre ofte- kaj kutime nur pro ornamaj celoj- kreas novajn formojn por literoj. Eĉ arablingvanoj tre ofte ne kapablas legi tiajn tro-ornamajn literojn. Same okazas al ni, okcidentanoj, kiam oni provas legi mezepokajn tekstojn aŭ literojn. Oni devas malkovri aŭ deĉifri kio estas skribita.

Altebrilas (プロフィールを表示) 2021年5月30日 21:35:51

Dankon pri via respondo.

Alia demando, kiu tiklas mian scivolemon: Kial la arabaj literoj preskaŭ ĉiam estas ligitaj? Ĉu ne ekzistas (por krucvortoj, reklamo, presado, skrablo, ktp. ) kazoj kie tiuj literoj estas izolitaj? La latina havas ambaŭ sistemojn, kaj majusklojn , do almenaŭ 104 diversaj formoj por literoj, sen kalkuli la diakritikaĵojn.

Kiel funkcias skribmaŝinoj aŭ pli ekzakte, kiel ili funkciis, kiam komputiloj ne ekzistis??

juangarciadelrio (プロフィールを表示) 2021年5月31日 7:55:43

Altebrilas:Dankon pri via respondo.

Alia demando, kiu tiklas mian scivolemon: Kial la arabaj literoj preskaŭ ĉiam estas ligitaj? Ĉu ne ekzistas (por krucvortoj, reklamo, presado, skrablo, ktp. ) kazoj kie tiuj literoj estas izolitaj? La latina havas ambaŭ sistemojn, kaj majusklojn , do almenaŭ 104 diversaj formoj por literoj, sen kalkuli la diakritikaĵojn.

Kiel funkcias skribmaŝinoj aŭ pli ekzakte, kiel ili funkciis, kiam komputiloj ne ekzistis??
Saluton denove. Unue, mi devas diri, ke miaj scioj pri la araba lingvo estas tre bazaj. Mi memlernis ĝin antaŭ multaj jaroj kaj nur havas kelkajn bazajn metodojn kaj etajn vortarojn en mia domo. Certe, mi havas du amikojn kiuj estas veraj fakuloj, kaj al kiuj mi kelkfoje demandis/as. Sed ja la fakulo ne estas mi mem!

Ĉiukaze, jen la respondo al viaj demandoj:
- Kiel jam dirite, ĉiu araba litero havas 4 formojn : komenca, meza, fina kaj izola. Do, por krucvortoj, skrablo ktp, oni uzas la izolajn formojn.
- Pri la antikvaj skribmaŝinoj, mi nur vidis unu tian antaŭ multaj jaroj (ĉe unu miaj “fakulaj amikoj”). Danke al tio, ke ne ekzistas distingo majusklaj/minusklaj estas sufiĉajn klavojn por enmeti ĉiujn literajn formojn. Tiel, premante sur nia “por majusklan klavon” oni atingas multajn komencajn, mezajn kaj finajn literojn.
- Pri la demando “kial la arabaj literoj devas esti ligitaj por skribi tekstojn?”: mi ne scias. La origino estas por mi tute nekonata. Ja la hebrea alfabeto havas kelkajn finajn literojn (sed ne mezaj, ktp). Kaj ligado ne nepras. Do, pli bone, mi demandos tion al miaj amikoj...)
Mi ne scias kiamaniere aldoni bildojn en ĉi tiu komentejo. Se vi donas al mi vian retpoŝtadreson, mi povos sendi al vi bildojn pri arablingvaj krucvortoj, skribmaŝinoj, ktp. (Kvankam vi mem povus trovi ilin inter-rete, mi povus iom helpi)

juangarciadelrio (プロフィールを表示) 2021年6月1日 19:07:43

linedd963, Kio...?

先頭にもどる