Sisu juurde

Virbovido

by Zam_franca, 23. august 2020

Messages: 8

Language: Esperanto

Zam_franca (User's profile) 23. august 2020 16:28.39

Kion signifas "virbovido"? Ĉu "vira bovido" aŭ "ido de virbovo"? Mi emus elekti la unuan respondon, sed fakte mi ne estas plene certa.

sergejm (User's profile) 24. august 2020 5:35.31

Formale, povas esti ambaŭ sencoj. Sed vi ja komprenas, ke la dua estas rida?

Zam_franca (User's profile) 24. august 2020 11:36.16

sergejm:Sed vi ja komprenas, ke la dua estas rida?
Nu, se virbovo kaj bovino generas bovidon, laŭ mi tiu bovido estas kaj la ido de la bovino, kaj la ido de la virbovo, ĉu ne?

StefKo (User's profile) 24. august 2020 15:50.16

Povas esti tiel.

Se la vorto "virbovido" estas kun "la", tio signifas ke antaŭe oni uzis la vortojn "virbovo" aŭ "bovido". Tiel ni ekkonas kion signifas la vorto "virbovido". Se la vorto estas sen "la" tio signifas ke al vortkunmeto "virbovo" oni aldonis la sufikson "ido" do ni ankaŭ ekkonas kion ĝi signifas (sufikson ni aldonas ĉiam al ekzistanta vorto aŭ kunmeto de vortoj).
Sume ni ekkonas la signfon per kunteksto. Se vorto estas sen kunteksto, ĝi povas havi ambaŭ signifon.

Tiel mi kombinas.

Altebrilas (User's profile) 24. august 2020 21:00.58

Por mi estas vira bovido, kiu plu povas esperi iĝi virbovo - kaj naskigi bovidojn, ĉar la arena lukto ne estas tiel esperinda sorto.

Zam_franca (User's profile) 24. august 2020 22:35.24

Dankon al ĉiuj pro respondi.

La respondo de Stefko ŝajnas al mi esti la plej taŭga, kiun mi povas esperi havi: mi supozas ke por kelkaj vortoj, kiel "virbovido" do, kunteksto havendas.

Krome, ĉu pli bonus kruele morti pro arena lukto aŭ pro la ĉi-monda neceso produkti MakDonadajn hamburgerojn? Jen filozofia demando.

Altebrilas (User's profile) 28. august 2020 18:03.42

Ĉu ambaŭ estas nekongruigeblaj?

StefKo (User's profile) 29. august 2020 8:30.30

Altebrilas:Ĉu ambaŭ estas nekongruigeblaj?
1. Ni konstatas ke tiu ĉi bovido (pri kiu ni parolas) havas viran sekson - vir'bovido.
2. Ni konstatas ke tiu ĉi bovido estas ido de virbovo (ne estas ia ĥimero aŭ klonaĵo) - virbov'ido.

Tagasi üles