Mesaĝoj: 69
Lingvo: Esperanto
erinja (Montri la profilon) 2011-decembro-02 13:19:08
La artikolaro ŝajnas ege komplika. Kaj ĉiukaze estos artikoloj en la lernu-biblioteko. Efektive ĉiam ekzistos skribaĵoj en bona Esperanto, sed se oni volas legi diskutojn pri aktualaj temoj en bona Esperanto, tio estas problemo.
Altebrilas (Montri la profilon) 2011-decembro-03 17:27:29
erinja:se oni volas legi diskutojn pri aktualaj temoj en bona Esperanto, ....Jen la celo bone resumita. Mi opinias, ke la plej bona rimedo por atingi tion estas ebligi al korektantoj modifi la mesaĝojn por forigi erarojn, citante la originalan mesagon.
Tiam, la skribinto povas akcepti aŭ malakcepti ŝanĝojn, kaj modifi sian tekston laŭe.
Kompreneble, korektanto ne rajtus ŝanĝi la signifon de teksto, aŭ ridindigi opinion kiu ne plaĉas al li.
Tiel la legontoj povos legi bonan lingvon, kaj la skribintoj, kiuj ne havos senton pri cenzuro aŭ elitismo, lernos per pozitivaj ekzemploj, prefere al kritikoj.
erinja (Montri la profilon) 2011-decembro-03 18:00:57
Altebrilas:Jen la celo bone resumita. Mi opinias, ke la plej bona rimedo por atingi tion estas ebligi al korektantoj modifi la mesaĝojn por forigi erarojn, citante la originalan mesagon.En perfekta mondo, do, ni kreus forumon en kiu rajtas esti nur sen-eraraj mesaĝoj. Spertaj parolantoj skribus siajn mesaĝojn, kiuj devus jam esti sen-eraraj. Aliaj kiuj volus afiŝi tie rajtus, sed oni korektus la erarojn en iliaj mesaĝoj.
Tamen tiu dua parto estas la problemo. Kiu volas pasigi sian tempon en korektado de la eraroj de aliaj? Mi ne. Mi pasigas sufiĉe da tempo en tiu okupo, pro mia laboro kiel lingvohelpanto, kaj verdire, mi ne volas fari tion ankaŭ en forumoj. Por efektivigi tian forumon kiun mi priskribis supre, ni bezonus moderatorojn kiuj estus (a) lingve altnivelaj; (b) fidindaj - regule legus la forumon kaj korektus la erarojn, tiel ke oni ĉiam havu certecon pri la ĝusteco de la enhavo; (c) honestaj - korektus nur lingvajn erarojn en la teksto, kaj tenus la tekston fidela al la celo de la verkinto.
Praktike, povus esti ke nomi tiun forumon "Forumo por diskutoj en altnivela Esperanto" (aŭ io tia) jam havus la efikon malinstigi kontribuojn de tiuj kiuj ne regas la lingvon. Oni povus do ne bari la eniron de tiuj kiuj ne havas (ekzamene-montritan) altan lingvonivelon, sed simple nomi la forumon akurate, tiel ke tiuj kiuj ne regas la lingvon ne emus afiŝi tie. Sed se la forumo estus tiel malfermita, kiel mi diskutis supre, ni bezonus fortan teamon de korektantoj.
darkweasel (Montri la profilon) 2011-decembro-03 19:50:03
vidas vandenis:Kiel mi komprenas, Lernu teamo tralegasTion vi laŭ mi miskomprenas, ĉar tiam ne estus neceso por la butono "raporti rubmesaĝon".
ĉiujn skribitajn kaj senditajn fare de partoprenantoj mesaĝojn.
erinja (Montri la profilon) 2011-decembro-03 20:34:31
Aldone, eĉ se ni povus marki ĉiun mesaĝon kiu enhavas erarojn, tio ne estus tre utila al la persono kiu skribis la mesaĝon kun eraroj. Lernantoj ne povas trovi kaj korekti ĉiujn erarojn en siaj mesaĝoj, sen helpo; alie, ili jam estus spertuloj!
darkweasel (Montri la profilon) 2011-decembro-03 20:37:58
erinja:Estas nur tri teamanojHa, vere - kio okazis al la resto?
Ĉiuokaze ŝajnas al mi bona ideo iel distingi novajn forumajn mesaĝojn de korektoj de ekzistantaj. Nuntempe forumanoj ofte korektas mesaĝojn en nova mesaĝo - sed tiu nova mesaĝo ja ne vere aldonas ion novan al la diskuto. Do eble oni instalu butonon "Lingva korekto", kie ĉiu povas skribi lingvajn komentojn pri tiu mesaĝo - simple ĉar tiuj lingvaj komentoj ne nepre interesas pli spertajn Esperantistojn, kiuj fakte volas nur diskuti la aferon mem.
TatuLe (Montri la profilon) 2011-decembro-03 21:22:55
darkweasel:Ĉiuokaze ŝajnas al mi bona ideo iel distingi novajn forumajn mesaĝojn de korektoj de ekzistantaj. Nuntempe forumanoj ofte korektas mesaĝojn en nova mesaĝo - sed tiu nova mesaĝo ja ne vere aldonas ion novan al la diskuto. Do eble oni instalu butonon "Lingva korekto", kie ĉiu povas skribi lingvajn komentojn pri tiu mesaĝo - simple ĉar tiuj lingvaj komentoj ne nepre interesas pli spertajn Esperantistojn, kiuj fakte volas nur diskuti la aferon mem.Tio estas tre bona ideo! Mi tamen ne certas ĉu ĉiuj povu skribi korektojn, aŭ nur lingvohelpantoj. Eble al la komencantoj, kiuj la korektojn bezonas, pli konvenus mallongaj kaj fidindaj korektoj.
Lingvaj korektoj fare de ĉiuj iĝus diskutoj kun multaj malsamaj opinioj (kiuj ja povus esti fruktodonaj, sed eble ne bone utilaj al komencanto). Sed se oni limigus la rajton korekti, pli da mesaĝoj certe restus nekorektitaj.
Do, dependas de kion prioritatas la formantoj de lernu.
darkweasel (Montri la profilon) 2011-decembro-03 22:07:55
TatuLe:Laŭ mi, ĉiuj.
Tio estas tre bona ideo! Mi tamen ne certas ĉu ĉiuj povu skribi korektojn, aŭ nur lingvohelpantoj.
TatuLe:Evidente, sed jam en la nuna sistemo, kie multaj korektas per nova foruma mesaĝo, tio povas fojfoje okazi - sed ŝajne ne estas gravega praktika problemo.
Lingvaj korektoj fare de ĉiuj iĝus diskutoj kun multaj malsamaj opinioj (kiuj ja povus esti fruktodonaj, sed eble ne bone utilaj al komencanto).
La celo de mia propono ne estas plimultigi la korektojn en la forumo (kvankam tio eble estos kromefiko), sed apartigi ilin (kiuj jam ekzistas) disde la normalaj diskutmesaĝoj.
Altebrilas (Montri la profilon) 2011-decembro-03 22:42:47
Mi proponas nur limigitajn rajtojn por la okazaj korektantoj: kopii la originalan mesaĝon kiel citaĵo, ruĝigi partojn de la originala mesaĝo kiuj enhavas erarojn, kaj modifi la kopion de la mesaĝo.
La aŭtoro povos poste forigi la originalan mesaĝon, se li konsentas pri la nova versio, aŭ redakti ĝin alimaniere se ĝia signifo estis malklara kaj la korektado ne fidela.
Mi aldonas ekzemplon per sekvantaj mesaĝoj - bv. preteratenti la unuan linion inter parentezoj, kiu estas nur klarigo.
La lernantoj povos vidi sian nomon apud korekta teksto esprimanta siajn ideojn, kaj tio povas esti instigo al verkado. Kaj se iuj korektantoj trouzas siajn rajtojn (ekz. por trudi siajn proprajn ideojn pri la lingvo) la moderantoj, post ricevo de plendoj, povas forpreni tiujn rajtojn.
Altebrilas (Montri la profilon) 2011-decembro-03 22:44:11
Zamenhof kreis Esperanto. Vivas la internacia lingvon!