글: 5
언어: Esperanto
trojo (프로필 보기) 2011년 12월 20일 오전 7:51:11
Kio estas tio? Inform 7 estas sistemo por programi tekstajn aventur-ludojn, kiujn oni povas ludi enrete aŭ ekster la reto (per komputilo aŭ poŝtelefono). Kion mi volas beta-testi, estas etendaĵo, kiun mi kreis por I7, kiu ebligas verki ludojn en Esperanto.
Kiel tio funkcias? Provizore, mi nur eldonas du ekzemplajn ludojn por testado, ne la etendaĵon mem. Mi eldonos la fontkodon de la Esperanto-etendaĵo, kiam mi pensos, ke la plejmulto da misfunkciaĵoj en la kodo estas riparitaj.
Se vi volas helpi, bonvolu ludi unu aŭ ambaŭ el la du ludoj sube. Konservu kopion de la eligo de la ludo kaj viaj enigoj per kopii kaj alglui ĝin de la retpaĝo en tekst-redaktilon kaj sendu ĝin al mi: troyjonesiii -ĈE- g mail -PUNKTO- com. Vi povas ankaŭ sendi komentojn al mi aŭ afiŝi komentojn en ĉi tiu fadeno. Ĉiu ludo estas tre, tre mallonga; mi programis ilin pli kiel demonstraĵojn pri la kapabloj de I7 kaj por testi mian Esperanto-etendaĵon, ol ke ili estu serioze mojosaj ludoj pro si mem.
La mantelo de mallumo
La golfeto
Problemojn oni serĉu:
[LISTO]eligon de la ludo, kiu aperas en la angla anstataŭ en Esperanto (jes, mi scias ke la retpaĝoj diras "Home Page", ktp, sed se vi trovas iun alian anglan eligon, bonvolu sciigi al mi);
malĝustajn gramatikon aŭ vortuzadon en la eligo de la ludo (multe da la mesaĝoj de la ludo estas kunmetitaj iom aŭtomate el teksteroj, kiuj povas varii, kaj antaŭvidi/kontroli kiel ĉio aspektos en ĉia cirkonstanco estas malfacile por unu homo);
agojn, kiuj funkciu por progresigi la ludon, sed ne funkcias (tio ĝenerale temas pri problemoj en la ekzemplaj ludoj ol en la etendaĵo mem, sed mi tamen volas, ke la ludoj estu ludeblaj).[/list]Jen kelkaj memorindaj avizoj:
[LISTO]
Inform 7 havas nur partan unikodan subtenon. La ludoj povas eligi unikodaĵojn, sed ne povas akcepti unikodan enigon de la ludanato (plue, la titolo de ludo ne povas enteni unikodaĵojn, kaj estas kelkaj pliaj ĝenaj limigoj en Inform). Vi devas malŝalti EK!-on (kaj similajn programojn), kaj entajpi ordonojn per la x-sistemo.
Verbojn oni tajpu imperative, t.e. per la finaĵo -U.
La plejmulton da substantivoj oni devas enigi akuzative. En la ludoj troviĝas kelkaj substantivoj, kiuj ebligas la nominativan; mi donis al substantivo nominativajn sinonimojn, kiam mi pensis, ke la ludanto eble volus nomi ĝin nominative dum ordinara ludado, ekzemple PRENU PANON EL LA FORNO (notu, ke FORNO estas nominativa tie). Sed la plejmulto da substantivoj ne havas nominativajn formojn. Vi povas ĉiam uzi la akuzativon, eĉ kiam estas gramatike malĝuste tion fari, tamen. Mi volas, ke la ludo eligu ĝustan gramatikon, sed mi ne interesiĝas pri korekti la gramatikon de la ludanto.
Ordonoj devas komenci per la verbo, ne per substantivo, ekzemple MALFERMU LA PORDON funkciu, sed LA PORDON MALFERMU certe ne funkcios. Tio estas, ĉar la Esperanto-etendaĵo efektive estas pli-malpli surbaze de angla gramatiko (la "vera" lingvo de I7), do bedaŭrinde iom da la limigoj de la angla ni heredas.[/list]
Kiel tio funkcias? Provizore, mi nur eldonas du ekzemplajn ludojn por testado, ne la etendaĵon mem. Mi eldonos la fontkodon de la Esperanto-etendaĵo, kiam mi pensos, ke la plejmulto da misfunkciaĵoj en la kodo estas riparitaj.
Se vi volas helpi, bonvolu ludi unu aŭ ambaŭ el la du ludoj sube. Konservu kopion de la eligo de la ludo kaj viaj enigoj per kopii kaj alglui ĝin de la retpaĝo en tekst-redaktilon kaj sendu ĝin al mi: troyjonesiii -ĈE- g mail -PUNKTO- com. Vi povas ankaŭ sendi komentojn al mi aŭ afiŝi komentojn en ĉi tiu fadeno. Ĉiu ludo estas tre, tre mallonga; mi programis ilin pli kiel demonstraĵojn pri la kapabloj de I7 kaj por testi mian Esperanto-etendaĵon, ol ke ili estu serioze mojosaj ludoj pro si mem.
La mantelo de mallumo
La golfeto
Problemojn oni serĉu:
[LISTO]eligon de la ludo, kiu aperas en la angla anstataŭ en Esperanto (jes, mi scias ke la retpaĝoj diras "Home Page", ktp, sed se vi trovas iun alian anglan eligon, bonvolu sciigi al mi);
malĝustajn gramatikon aŭ vortuzadon en la eligo de la ludo (multe da la mesaĝoj de la ludo estas kunmetitaj iom aŭtomate el teksteroj, kiuj povas varii, kaj antaŭvidi/kontroli kiel ĉio aspektos en ĉia cirkonstanco estas malfacile por unu homo);
agojn, kiuj funkciu por progresigi la ludon, sed ne funkcias (tio ĝenerale temas pri problemoj en la ekzemplaj ludoj ol en la etendaĵo mem, sed mi tamen volas, ke la ludoj estu ludeblaj).[/list]Jen kelkaj memorindaj avizoj:
[LISTO]
Inform 7 havas nur partan unikodan subtenon. La ludoj povas eligi unikodaĵojn, sed ne povas akcepti unikodan enigon de la ludanato (plue, la titolo de ludo ne povas enteni unikodaĵojn, kaj estas kelkaj pliaj ĝenaj limigoj en Inform). Vi devas malŝalti EK!-on (kaj similajn programojn), kaj entajpi ordonojn per la x-sistemo.
Verbojn oni tajpu imperative, t.e. per la finaĵo -U.
La plejmulton da substantivoj oni devas enigi akuzative. En la ludoj troviĝas kelkaj substantivoj, kiuj ebligas la nominativan; mi donis al substantivo nominativajn sinonimojn, kiam mi pensis, ke la ludanto eble volus nomi ĝin nominative dum ordinara ludado, ekzemple PRENU PANON EL LA FORNO (notu, ke FORNO estas nominativa tie). Sed la plejmulto da substantivoj ne havas nominativajn formojn. Vi povas ĉiam uzi la akuzativon, eĉ kiam estas gramatike malĝuste tion fari, tamen. Mi volas, ke la ludo eligu ĝustan gramatikon, sed mi ne interesiĝas pri korekti la gramatikon de la ludanto.
Ordonoj devas komenci per la verbo, ne per substantivo, ekzemple MALFERMU LA PORDON funkciu, sed LA PORDON MALFERMU certe ne funkcios. Tio estas, ĉar la Esperanto-etendaĵo efektive estas pli-malpli surbaze de angla gramatiko (la "vera" lingvo de I7), do bedaŭrinde iom da la limigoj de la angla ni heredas.[/list]
trojo (프로필 보기) 2011년 12월 20일 오후 10:33:13
TatuLe:En La golfeto, mi sribis "sidu", kaj ricevis respondon kun tre amuza vortordo:Dankon! Riparite. Nun la ludo demandos "Vi sidu sur kion?". Fakte mi preferus "Sur kion vi sidu?", sed ŝajnas, ke ne eblas disigi la verbon kaj prepozicion en la gramatiko de Inform 7.Kion vi sidu sur?
Ankaŭ mi aldonis kodon tiel ke, nun se vi provas sidi (sen tajpi objekton), kie troviĝas sursidebla objekto, vi sidos sur ĝin. Do, tajpi SIDU en la kajuto (de la ludo La golfeto), sidigos la rolulon sur la benko.
darkweasel (프로필 보기) 2011년 12월 21일 오전 6:04:12
trojo:Tio devas tamen esti kio kaj ne kion.TatuLe:En La golfeto, mi sribis "sidu", kaj ricevis respondon kun tre amuza vortordo:Dankon! Riparite. Nun la ludo demandos "Vi sidu sur kion?". Fakte mi preferus "Sur kion vi sidu?", sed ŝajnas, ke ne eblas disigi la verbon kaj prepozicion en la gramatiko de Inform 7.Kion vi sidu sur?
trojo (프로필 보기) 2011년 12월 21일 오후 10:02:24
darkweasel:Tio devas tamen esti kio kaj ne kion.Estas malfacile por la ludo eltrovi, ĉu ĝi uzu la akuzativon post prepozicio. Ĝenerala erarmesaĝo ne povas antaŭscii, ĉu temas pri direkto.
Tamen la du ludoj nun demandas Sur kio vi volas sidi? responde al la ordono SIDU, kiam ne evidentas, kion la ludanto volas sursidi. Kaj simile por STARU kaj KUŜU.