mihxil:

Paquillo:Ŝajnas ke se nia lingvo estas la mondlingvo, tio donas povon, kaj prestiĝon (eĉ se por tio estis necese masakri milionojn da homoj). Ankaŭ faras nin senti kiel superuloj, kompare al tiuj kompatindaj ekskolonizitoj. Krom la praktika avantaĝo kiun tio donas...

Vi fakte ŝajnas opinii ke internacia lingvo estu latineca. Ĉu tio ne donus similajn, kvankam eble malpli klarajn, avantaĝojn al anoj de tiaj lingvoj?

Ne, mi diris ke planlingvoj similas al la hispana, reage al via diro ke eo sililas ĝin, sed ne ke mi ŝatas tion.

Se estas avantaĝoj, latinoj ne kulpas. Z estis juddevena ruso.

Homoj, ne forgesu ke en la mondo ekzistas ne nur esperantistoj. Certe, ĉiuj esperantistoj ne volus ke ilia nacia lingvo estu internacia, ĉar oni jam komprenas malbonaĵojn de nacia lingvo kiel internacia kaj avantaĝo de Esperanto. Sed tiuj, kiuj ne scias pri esperanto aŭ ne provis lerni ĝin aŭ simple estas nacistoj ja volas ke ilia lingvo estu internacia, kaj ne nur tiuj, kiuj scias iun popularan lingvon kiel hispana, germana aŭ franca. Inter miaj samlandanoj mi renkontis multajn kiuj volis ke rusa estu internacia, kaj fakte kialo estas tre simpla - oni pigras lerni la anglan kaj plendas, sed pensas ke ĉiuj aliaj devas ne pigri lerni rusan, ĉar rusa estas bela kaj riĉa. Krom tio, tiuj kiuj neniam sciis bone iun alian lingvon kaj ne parolis kun eksterlandanoj, ofte havas senton ke eksterlandanoj estas malpli estimindaj.
Kiun mi volis diri?
1. Nur kiam pli multe da homoj scios esperanton foriros tiu deziro
2. Necesas batali kontraŭ nacismo por ne estu tia deziro.
3. Sed ĉiu nacio devas esti estimata kaj ne forgesi sian propran lingvon, belan kaj riĉan, kaj memori ke alia nacio ankaŭ havas lingvon belan kaj riĉan, kiun eble estus interese lerni.

vidas vandenis:Mi dubas. L.L.Z. estis rusimperia judo.

Ho, kia malkaŝiga aserto, kaj mi, stultulo, pensis, ke li nepre naskiĝis sur Marso.

Kial ni ne dezirus ke nia denaska lingvo estus la mondlingvo? Kial ni ne dezirus paroli la mondlingvon denaske? Kial ni dezirus lerni la mondlingvon kun multaj penoj?

Ni komprenu la neesperantisman mondon...

Kiaj lingvoj iĝas internaciajn? Ĉu facilaj, belaj aŭ riĉaj? Ne, bedaŭrinde por ni esperantistoj, tio simple ne povas okazi. Kiam ia nacio dominas aliajn naciojn politike, ekonomie aŭ kulture, ĝia lingvo iĝas internacian, eĉ se tia lingvo estas tute aĉa kaj malfacila. Do, homoj, kiuj volus, ke ilia lingvo internaciĝus, vere volus, ke ilia nacio dominus la aliajn, kaj unu el la efektoj estus disvastiĝo de la lingvo.

Mi tutcerte ne volas ke la angla estu la monda lingvo. Mi instruas ĝin kaj eĉ denaskuloj "batalas" kun ĝi. Mi ankoraŭ havas dubojn pri la skribmaniero de multaj vortoj kaj devas rigardi en vortaro ofte. Mi legas la New York Times (unu el la plej prestiĝaj tagĵurnaloj en Usono) kaj ĉiutage trovas vortojn kiojn mi ne komprenas. La angla estas bonega ekzemplo de neologismemaj lingvoj, la malo de Esperanto. Niaj infanoj perdas multan tempon dum la unuaj jaroj en la lernejo por lerni vortprovizoron kaj skribmaieron. Kaj eĉ post tio ili havas problemojn.