შინაარსის ნახვა
პასუხი

Lingvo kiel libera spaco

cellus-ისა და 1 მაისი, 2012-ის მიერ

შეტყობინებები: 7

ენა: Esperanto

cellus (მომხმარებლის პროფილი) 1 მაისი, 2012 05:43:00

En multaj landoj ekzistas malgrandaj anglalingvaj ĵurnaloj kiujn legas la eksterlandanoj en la lando. Mia impreso kiam mi legis raportojn kie tiaj ĵurnaloj estas cititaj, estis ke tiuj ĵurnaloj povis esti multe pli informivaj ol la publikaĵoj en la nacia lingvo de la lando. En tiu kazo oni povis vidi la anglan lingvon kiel la libera lingvo.

Similan rolon ŝajne ludis la latina lingvo kiam ĝi estis reskaŭ la sola lingvo uzata por informado kaj scienco en la eŭropaj landoj. Interesa kaj sufiĉe amuza ekzemplo de tio estas mia lerneja vortlibro de la latina lingvo. Ĝi estas, se mi bone memoras, adapto de latina-germana vortaro de la 19-a jarcento. Tie ekzistas tradukoj kaj vortoj kiujn oni en pasintaj jardekoj vere ne menciis al lernejanoj! En multaj landoj oni uzis la latinan lingvon por priskribi seksajn agojn. Ŝajnas ke la latina lingvo longe estis privilegio de la viroj. Nur dum la lasta jarcento ŝajnas al mi ke virinoj povis lerni ĝin (kaj estis ofte pli sukcesaj en tio ol la viroj!).

Kaj kial mi skribas en esperantlingva forumo la demando estas "Ĉu esperanto povas funkcii kiel libera spaco?"

Paquillo (მომხმარებლის პროფილი) 1 მაისი, 2012 07:07:25

Ne, nur la angla povas, kaj la latina .

Paquillo (მომხმარებლის პროფილი) 1 მაისი, 2012 07:07:26

........

AlfRoland (მომხმარებლის პროფილი) 1 მაისი, 2012 08:04:12

cellus:
Kaj kial mi skribas en esperantlingva forumo la demando estas "Ĉu esperanto povas funkcii kiel libera spaco?"
Probable jes, ĉefe dependas de kiel ni uzas la lingvon, ne de la lingvo mem.

cellus (მომხმარებლის პროფილი) 4 მაისი, 2012 09:27:41

Paquillo:Ne, nur la angla povas, kaj la latina .
Kiuj estas viaj racioj por tiu opinio. ĉu estas sociologiaj faktoroj? Kiuj, tiukaze?

Paquillo (მომხმარებლის პროფილი) 6 მაისი, 2012 20:32:49

cellus:
Paquillo:Ne, nur la angla povas, kaj la latina .
Kiuj estas viaj racioj por tiu opinio. ĉu estas sociologiaj faktoroj? Kiuj, tiukaze?
Ĉu vi ne diris tion?

Altebrilas (მომხმარებლის პროფილი) 8 მაისი, 2012 22:07:58

Se mi trarigardas le mesaĝojn de tiu forumo, mi konstatas, ke esperanto pli estas spaco de respekto ol spaco de libereco. Plejofte - krom kelkaj troluloj - forumanoj memcenzuras por ne riski ofendi alilandanojn aŭ aliideanojn.

Ekzemple estas nun krizo en Eŭropunio, kaj balotoj en pluraj landoj kies rezulto povas ŝanĝi ĝian politikon, sed preskaŭ neniu parolas pri tio.

Tial estas malmultaj informoj kiujn oni povas ekscii dank'al esperanto, krom tiujn kiujn oni jam ricevis en sia nacia lingvo aŭ en la angla legante naciajn aŭ internaciajn gazetojn.

ზემოთ დაბრუნება