メッセージ: 8
言語: Esperanto
hunne68 (プロフィールを表示) 2012年7月4日 6:51:37
Estas amuze labori. (Amuze estas perverba priskribo de labori.)
Multe maĉi estas necese por bona digesto. (Necese perverbe priskribas multe maĉi.)
Estis ĝojige, ke ili sukcesis. (Ĝojige perverbe priskribas la ke-frazon.)
Kiel vi povas vidi, en tri okazoj oni uzas la e-vorton:
1. Subjekto estas i-verbo
2. Subjekto estas subfrazo
3. Ne estas subjekto
En la lingvoj, kiujn mi parolas (hungara, germana, angla) oni uzas la a-vorton ĉi tie, tial mi trovas stranga la tutan aferon.
Ĉu iu scias el kiu lingvo tiuj konstruoj venas?
N-true (プロフィールを表示) 2012年7月4日 8:49:15
Mi aŭdis, ke ĝi venas el la slavaj lingvoj, precipe el la rusa. Sed mi ne sufiĉe bone parolas la rusan.
En la germana oni fakte ne facile povas diri, ĉu en tiu situacio venas adjektivo aŭ adverbo, ĉar la germana lingvo ne distingas inter ili.
Chainy (プロフィールを表示) 2012年7月4日 22:39:53
Hyperboreus komencis tiun fadenon antaŭnelonge, kaj eble pro tio vi ricevis nur unu respondon al via demando ĉi tie.
hunne68 (プロフィールを表示) 2012年7月5日 7:03:24
PS. Mi "ludis" per la google-tradukilo kaj mi rigardis en miaj rusaj gramatiklibroj: La -e vere ŝajnas veni de la slavaj lingvoj. Ne mirinde: Zamenhof ja parolis la polan; eble li ne konscie elektis tion solvon, ĉar cetere li elektemis ĝermanajn kaj latinidajn elementojn.
hunne68 (プロフィールを表示) 2012年7月5日 7:10:02
N-true:Reale, en la mezgermana adverbia uzado estis markata kaj ĉe kelkaj vortoj la formo restis. Ekz.
En la germana oni fakte ne facile povas diri, ĉu en tiu situacio venas adjektivo aŭ adverbo, ĉar la germana lingvo ne distingas inter ili.
Arbeiten ist schwer.
* Arbeiten ist schwerlich.
Ĉi tie oni povas vidi, ke la germana ankaŭ uzas la a-vorton.
cellus (プロフィールを表示) 2012年7月5日 18:15:10
Mi kredas ke Zamenhof volis simpligi la gramatikon kaj tial dekretis ke verbo kun atendita adjektiva formo devas esti realizita kiel adverbo.
Ĉar mi bone parolis esperanton antaŭ ol mi scipovis la svedan analizon, mi kredis ke ankaŭ la adjektivoj en predikativa pozicio estis adverboj!
Resume: En la esperanta gramatiko meĥanike staras adverbo ĉe verbo se ne estas substantiveca subjekto. Se mi tion bone komprenas, ni do devas havi:
Manĝado estas bona.
Manĝi estas bone.
Laborado estas necesa.
Labori estas necese.
Plej simple oni ne konfesu, ke la infinitivo en multaj gramatikoj estas substantiveca!
Kirilo81 (プロフィールを表示) 2012年7月5日 18:50:15
Tamen oni entute ne devas reiri al slava etimologio, sed al simpla logiko: Kun substantivo aŭ substantiva pronomo kongruas adjektivo, kun ĉio alia adverbo. Infinitivo (en Esperanto) estas antaŭ ĉio verbo, do estas pli logike diri "manĝi estas bone", ĉar "*manĝi estas bona" estus simple escepto al la ĝenerala regulo.
Se ne estus alie en kelkaj niaj lingvoj, ni ne diskutus prie.