Chainy:

raffadalbo:... mi pensas ke miksitaj forumoj Esperanto + nacia lingvo (ne Esperanto + multaj naciaj lingvoj) povas esti tre bonaj.

Ĝis nun ne ekzistas tiaj forumoj

Ĉu la studgrupan forumparton vi konas?

Mi provos tie ĉi iomete resumi la komentojn de uzantoj de la germanlingva forumo.

swar0g skribas, ke ju pli strikte oni aplikas la regulojn, des pli rapide lernu! perdos uzantojn.

Hermann trovas, ke la nuna stato de la germanlingva forumparto, kun relative malmultaj reguloj, estas bona, kaj ne vidas neceson por novaj reguloj. Li opinias tamen, ke demandoj en Esperanto aŭ alia lingvo, kiuj direktiĝas al germanlingvanoj, estu permesitaj en la germanlingva forumparto kaj markitaj per "bonvolu traduki" (supozeble simile al tio, kion mi proponis en la anglalingva fadeno).

Demando por tiuj kiuj volas indiki 'bonvolu traduki' ĉe e-lingvaj mesaĝoj en nacilingvaj forumoj:

Ĉu ne estus pli simpla apliko de la reguloj se ni permesus tion ankaŭ en la esperanto-forumoj?

Kion fari se iu indikas 'bonvolu traduki' ĉe mesaĝo, kaj neniu tradukas ĝin?

erinja:Interalie, la reguloj devus doni firman bazon por trakti tre diversan situaciojn en kiuj uzantoj ĝenas aliajn uzantojn - ekzemple, kiam uzantoj kiuj ankoraŭ ne parolas Esperanton venas al nacilingvaj forumoj kun proponoj reformi la lingvon kiun ili eĉ ne parolas, aŭ por propagandi por iu alia planlingvo.

Oni devus tre klare specifi ke la forumoj de lernu! ne estas ejo, por grupe, aŭ negrupe, agi kontraŭ Esperanto. Mi malfacile forgesos, kiam kontraŭesperantisto decidis partopreni en la hispana forumo, nur por senĉese instigi ne lerni la lingvon.

Laŭ mi, oni povu havi opinion kontraŭa al Esparanto, sed oni ne povu igi tiujn ĉi forumojn, sidejo por propagandi kontraŭ esperanto.

Ĝis, Novatago.
Cuando uno aprende un idioma, se adapta a como lo hablan los que ya lo hablan; no les obliga a cambiarlo por una cuestión de opinión. Hay que recordar y entender que el esperanto solo tiene sentido de existir si todos aprendemos y hablamos el mismo esperanto.

Chainy:

raffadalbo:... mi pensas ke miksitaj forumoj Esperanto + nacia lingvo (ne Esperanto + multaj naciaj lingvoj) povas esti tre bonaj.

Ĝis nun ne ekzistas tiaj forumoj, ĉar la nacilingvaj forumoj devas esti ĉefe por komencantoj, kiuj ankoraŭ ne komprenas Esperanton. Tute ne helpas al tiaj komencantoj, se ili ne komprenas la Esperantlingvajn respondojn al iliaj demandoj, do kial afiŝi en Esperanto por tiaj komencantoj?

Nu, rigardu kiuj estas la partoprenantoj de la naciaj forumoj! Mi vidis malmultajn komencantojn kaj multajn homojn kiuj povas tre bone paroli Esperanton. Ekzemple: en la angla fadeno "Dependi DE", kiuj estas la veraj komencantoj inter Roberto12, Evildela, Sudanglo, Chainy, Darkweasel, Hyperboreus kaj iu ĉinio kun pli ol 500 mesaĝoj?

Chainy:Eble vi intencas diri, ke forumoj en unu nacia lingvo ja devas plu ekzisti por helpi al ne-parolantoj de Esperanto, kaj samtempe devas esti certa alia loko, kie ja estas permesate afiŝi en Esperanto kaj en unu nacia lingvo. Sed tiuokaze, mi ne tute komprenas la celon...

Fakte, mi ne komprenas la celon de la naciaj forumoj, krom se ili estas por homoj kiuj ŝatas lerni Esperanton. Fakte, multaj homoj uzas ilin ĉar ili konas Esperanton, sed ne ĉiuj sufiĉe bone por klarigi la temon - aŭ nur por skribi pli rapide.

Mi opinias ke oni devas ::kutime permesi:: kelkajn frazojn en Esperanto en la naciaj forumoj - tion ŝatos, laŭ mi, multaj komencantoj,

Pli taŭgas, laŭ mi, en la naciaj forumoj malrigoraj reguloj kiujn mi ŝatus nomi "etiketo". Ekzemple: uzi nur bazan Esperanton; ĉiam traduki se iu partoprenanto demandas ĝin; doni tradukon ĉiam kiam esperantaj frazoj estas longaj aŭ komplikaj; ktp

Jen la malgranda perspektivo-ŝanĝo kiun mi ŝatas: Lernu! estas Esperanto-organizo, do Esperanto estas generale ĉiam permesita - sed prudente. Oni rezignos sian uzon en apartaj okazoj - ne laŭ regulo sed laŭ prudento/bonvolo/konsilo.

Espereble mi klarigis mian vidpunkton.

Vilius:Ĉi tiu fadeno estas pruvo, ke Esperantujo vere bezonas ĝeneralan forumejon, kie homoj povus veni por sia dozo de trolado, venenoplenaj diskutbataloj kaj iom da saĝaj vortoj. Tiam eble Lernu finfine restus al lernantoj, al kiuj ĝi vere devus aparteni.
Fakte, en fejsbuka grupo "Esperanto" de tempo al tempo okazas sufiĉe (almenaŭ laŭ mia gusto) venenaj "diskutoj" (kaj la saĝajn vortojn, kompreneble skribas mi mem ). Nuntempe trolado mankas, tamen mi sentas, ke baldaŭ komencos, ĉar kvanto da larĝokulaj iluziuloj vere petegas esti primokataj

Mi konsentas pri tiu ideo: se esperanto estas lingvo de paco, oni de devas antaŭsupozi ke homoj jam estas pacaj. Mi legis pluraj debatoj kie esperantistoj pacience respondis al troluloj. Estas manierio montri kiaj estas esperantistoj. Se la kontraŭanto estas sincera, lia opinio povas evolui. Se li nur estas malamiko de esperanto kiu nur deziras perdigi nian tempon, tio rapide manifestiĝos, kaj la forumestroj povas senbedaŭre cenzuri ilin.

Viglaj debatoj ilustras la situaciojn, kiu ekzistas en la reala mondo, kaj la lingvo devas esti taŭga por mastrumi tiajn situaciojn.

erinja:
Ĉu ne estus pli simpla apliko de la reguloj se ni permesus tion ankaŭ en la esperanto-forumoj?

Nu, Esperanto estas tiu lingvo, kiun ni ĉiuj provas lerni tie ĉi, do ĝi ja havu specialan statuson kaj povas esti pli vaste permesita.

erinja:
Kion fari se iu indikas 'bonvolu traduki' ĉe mesaĝo, kaj neniu tradukas ĝin?

Certe eblas programi, ke ĝi estu aŭtomate forigita ekzemple post semajno.

Tamen mi rediru, ke al mi mem ne treege gravas tio ĉi. Mi povas akcepti fakte ĉiun ajn regulon koncerne lingvojn. Almenaŭ dum en la germanlingvan forumparton ne venas ruslingvaj mesaĝoj ...

raffadalbo:Pli taŭgas, laŭ mi, en la naciaj forumoj malrigoraj reguloj kiujn mi ŝatus nomi "etiketo". Ekzemple: uzi nur bazan Esperanton; ĉiam traduki se iu partoprenanto demandas ĝin; doni tradukon ĉiam kiam esperantaj frazoj estas longaj aŭ komplikaj; ktp

Jen la malgranda perspektivo-ŝanĝo kiun mi ŝatas: Lernu! estas Esperanto-organizo, do Esperanto estas generale ĉiam permesita - sed prudente. Oni rezignos sian uzon en apartaj okazoj - ne laŭ regulo sed laŭ prudento/bonvolo/konsilo.

Kion fari se oni afiŝas en Esperanto, sed la aliaj forumanoj respondas en esperanto, en nacilingva forumo? La tuta fadeno povus ŝanĝi lingvon, same facile kiel tutaj fadenoj nun ŝanĝas temon. Nun la komencantoj ne nur perdis unu komenton, ili perdis ankaŭ sinsekvon de respondoj. Ĉu komencanto devus ĉiam peti tradukon, en la 'propra' forumo? Se mi estus komencanto kiu ne komprenus, mi kredeble ne aŭdacus demandi; mi simple akceptus ke mi ne komprenas tiun parton, kaj ke mi perdas parton de la diskuto.

La dividlinio inter "prudenta" kaj "malprudenta" uzo de Esperanto en nacilingvaj forumoj estas ŝanĝema kaj malklara. Tio kio ŝajnas al sperta esperantisto esti facila frazo (kaj facila e-lingva respondo al facila frazo) povas ŝajni plene nekomprenebla al komencanto.

erinja:
Kion fari se oni afiŝas en Esperanto, sed la aliaj forumanoj respondas en esperanto, en nacilingva forumo?

Klaki "raporti rubmesaĝon" kaj iu teamano/administristo disigos/movos la fadenon al Esperantlingva forumparto. Tiam tamen aperu tiurilata mesaĝo en la loko, kie la fadeno/mesaĝoj estis origine.

darkweasel:

erinja:
Kion fari se oni afiŝas en Esperanto, sed la aliaj forumanoj respondas en esperanto, en nacilingva forumo?

Klaki "raporti rubmesaĝon" kaj iu teamano/administristo disigos/movos la fadenon al Esperantlingva forumparto. Tiam tamen aperu tiurilata mesaĝo en la loko, kie la fadeno/mesaĝoj estis origine.

Tiukaze mi imagas ke la administrantoj estos ege okupitaj je tiaj movoj.