Tiaj fadenoj aperu ambaŭ en Esperanta parto de la forumo kaj en la nacilingva.
Por ciŭ mesaĝo estu indikita ĝia lingvo.
Defaŭlte, se vi eniras per eo.lernu.net, tiu lingvo estu Esperanto, per en.lernu.net - angla ktp.
En la ĉapo la fadeno havu butonoj de lingvoj de ĝiaj mesaĝoj - presante ilin vi povas elekti lingvojn, kiujn vi volas vidi.
Io simila devus esti se oni skribas ŝangas temon de mesaĝo - sed tiam en longaj fadenoj aperus multaj butonoj en la ĉapo, tio ankaŭ estas malbone.

erinja:

darkweasel:

erinja:
Kion fari se oni afiŝas en Esperanto, sed la aliaj forumanoj respondas en esperanto, en nacilingva forumo?

Klaki "raporti rubmesaĝon" kaj iu teamano/administristo disigos/movos la fadenon al Esperantlingva forumparto. Tiam tamen aperu tiurilata mesaĝo en la loko, kie la fadeno/mesaĝoj estis origine.

Tiukaze mi imagas ke la administrantoj estos ege okupitaj je tiaj movoj.

Mi ne imagas tion. Ke fadenoj subite ŝanĝus sian lingvon, okazos certe malpli ofte, ol ke ili simple ŝanĝus sian temon. Aŭ estis afiŝitaj en malĝusta forumparto.

Por fari pozitivajn sugestojn (kaj ne doni tro da laboro al la administrantoj de la paĝaro, kiujn mi gratulas pri ilia laboro kaj ĝia rezulto), mi proponas ke regularo estu minimuma : ne fari ion kontraŭleĝan kiu povas minaci la pluvivon de la paĝaro ; ne malinstigi homojn pri uzado de la forumo pri vola sendado de trolaĵoj, de spamo aŭ aliaj rubmesaĝoj – (sed oni petu de la rubmesaĝinto ke li klarigu konvinkige kial li opinias ke liaj mesaĝoj estas interesaj antaŭ ol cenzuri lin) ; respekti la lokojn kaj la lingvojn por sendi mesaĝojn . Tial mi aldonus trian sekcion « Diverslingve pri diversaj temoj» por sendi la mesaĝojn kiujn ne strikte eniras en la jam planitajn kategoriojn, sed tamen respektas la spiriton de la paĝaro.

Anstataŭ multobligi la regulojn, mi farus rekomendojn pri praktikaj kazoj : kiel esprimi esperantan vorton kiu mankas al oni, kiel alparoli fremdlingvan komunumon kun malmulte da uzantoj en « lernu ! » pri ilia lingvo kaj kulturo por scii ĉu iu lingva elekto restas komprenebla, ktp.

« Diversa » sekcio ebligas mastrumi la esceptojn -kiuj ĉiam aperas, kiom-ajn oni klopodu por antaŭvidi ilin. Sed tia sekcio ebligus elvidebligi la novajn tendancojn, kaj reguligi ilin kiam ili vere aspektas daŭraj.

Altebrilas:(sed oni petu de la rubmesaĝinto ke li klarigu konvinkige kial li opinias ke liaj mesaĝoj estas interesa antaŭ ol cenzuri lin)

Tio estas ĝuste, kion trolo volas, havi ŝancon pro troli pli kaj pli. Mi neniam vidis ĉi tie, forpeli trolon nur pro esti suspekta pri esti trolo. Oni lasis tiun trolon sprimi sin ĝis momenton, kiam ne ekzistis dubon, kaj eĉ tiam, tiu havis unue averton.

Ĝis, Novatago.

Kompreneble, en la nacilingvaj forumoj oni ja povas trovi 'interesajn' fadenojn, kiujn starigis komencantoj. Eble tiuj komencantoj interesiĝas pri Esperanto, sed ili ankoraŭ ne konas la lingvon sufiĉe bone por skribi pri siaj ideoj en la Esperantlingvaj forumoj. Nun estas tia fadeno en la anglalingva forumo: Esperanto soft power?

Tiu fadeno estas ĝenerala filozofia diskuto pri Esperanto kaj ĝia ebla evoluo. Tiaj diskutoj estu bonvenaj, ĉar intereso pri la afero estas ja multe pli bona ol tuta manko de intereso! Ni ja volas instigi kaj helpi al uzuloj, por ke ili povu partopreni en la Esperantlingvaj forumoj, sed ni eble ne tro stikte limigi la nacilingvajn forumojn, aŭ ni ja povus perdi interesatojn.

Necesas iel kuraĝigi tiujn, kiuj ja sufiĉe bone scipovas skribi en Esperanto, eĉ se tio postulas de ili iom da penado. Tion oni tamen ne vere povas devigi en regularo...

Ĉiuokaze, ŝajnas ke Erin, ene de la triopa estraro, jam decidis ĉion, sed ial tenas la decidon sekreta. Do eble ne indas plu diskuti ĉi tion...?

La novaj reguloj ne estas deciditaj (kaj ankoraŭ kuŝas en dosiero netuŝita, de la antaŭa jaro).

Pri uzo de lingvo la teamo atingis bazan interkonsenton kiu estas meza vojo inter kelkaj ideoj kiuj proponiĝis ĉi tie.

Por ĉiu fadeno eblos elekti ajnan lingvon. Tio signifas ke teorie oni povos diskuti politikon en la pola, kondiĉe ke la fadeno estas ĝuste markita kiel pollingva, kaj "vidpunktoj" aŭ io tia. Se vere estos amasego da fadenoj nacilingvaj pri tute nerilataj temoj, teorie ni povus bloki kelkajn temojn al nacilingvoj kaj lasi ilin nur al Esperanto, sed ni vidos ĉu tio fariĝos problemo antaŭ ol tiel komplikigi la aferon.

Tamen la regulo pri lingvouzo en la fadeno kredeble restos neŝanĝita de la nuna. Kiam oni afiŝas al fadeno, la mesaĝo devas esti en la lingvo de la fadeno (aŭ inkluzivi tradukon en la lingvo de la fadeno).

Teme pri foruma administrado rilate al malĝustlingvaj mesaĝoj, neniuj mesaĝoj estos nuligitaj sed eblos kaŝi mesaĝojn, kaj malĝustlingvaj mesaĝoj estos kaŝitaj. Iliaj skribintoj povas elekti ĉu traduki ilin kaj reafiŝi, aŭ ĉu krei novan fadenon kun la malĝustlingva mesaĝo. Mi kredas ke oni ricevos retpoŝtan atentigon kiam onia mesaĝo estis kaŝita pro malĝustlingveco.

Teorie tiu interkonsento povus ŝanĝiĝi antaŭ la lanĉo sed tio estas pli malpli la ĝisnunaj pensoj.

erinja:Por ĉiu fadeno eblos elekti ajnan lingvon. Tio signifas ke teorie oni povos diskuti politikon en la pola, kondiĉe ke la fadeno estas ĝuste markita kiel pollingva, kaj "vidpunktoj" aŭ io tia. Se vere estos amasego da fadenoj nacilingvaj pri tute nerilataj temoj, teorie ni povus bloki kelkajn temojn al nacilingvoj kaj lasi ilin nur al Esperanto, sed ni vidos ĉu tio fariĝos problemo antaŭ ol tiel komplikigi la aferon.

Mi pensas, ke plaĉas al mi via meza vojo. La forumo do funkcios simile kiel tiu de slovake.eu, kie ĉiu uzanto povas elekti dum afiŝado la lingvon de la fadeno.

Mi esprimis mian opinion, ke homoj kiuj ja scipovas skribi Esperante ja prefere tion faru, se ili havas elekton inter afiŝado en sia nacia lingvo aŭ en Esperanto. Tio estas por helpi al la celo de la retpaĝaro, nome lernado de Esperanto. Sed ne eblas tion devigi en la reguloj - oni povas nur rekomendi tion.

Mi pensas, ke estus bone uzi ankaŭ la ĝeneralan aranĝon de la forumo de slovake.eu, kie oni havas unu grandan unuiĝintan forumon, kaj uzantoj povas elekti la lingvojn de fadenoj, kiujn ili volas sekvi. En tia sistemo, forumparto kiel 'Vidpunktoj' enhavus ĉiujn lingvojn (Esperanton kaj ankaŭ naciajn lingvojn) - ni do ne havus apartajn forumojn por ĉiu nacia lingvo. Tiam ne necesus tiel ofte aŭdi pri sensencaj asertoj pri tio, ke iu nacia forumo enhavas pli da mesaĝoj ol ĉiu unuopa Esperantlingva forumparto, ktp. Se ni ja havos diversajn forumpartojn (rubrikojn), tiam ankaŭ nacilingvaj fadenoj estu enmetitaj en la koncernaj forumpartoj, depende de iliaj temoj.

erinja:Tamen la regulo pri lingvouzo en la fadeno kredeble restos neŝanĝita de la nuna. Kiam oni afiŝas al fadeno, la mesaĝo devas esti en la lingvo de la fadeno (aŭ inkluzivi tradukon en la lingvo de la fadeno).

Mi konsentas.

erinja:Teme pri foruma administrado rilate al malĝustlingvaj mesaĝoj, neniuj mesaĝoj estos nuligitaj sed eblos kaŝi mesaĝojn, kaj malĝustlingvaj mesaĝoj estos kaŝitaj. Iliaj skribintoj povas elekti ĉu traduki ilin kaj reafiŝi, aŭ ĉu krei novan fadenon kun la malĝustlingva mesaĝo. Mi kredas ke oni ricevos retpoŝtan atentigon kiam onia mesaĝo estis kaŝita pro malĝustlingveco.

Tio certe estas bonega ideo. Multe pli bona ol la nuna sistemo, kie administranto de tempo al tempo simple forigas mesaĝon, kaj la tuta mesaĝo estas por ĉiam perdita!

Chainy:En la nuna Lernu-forumo, oni povus eble miskompreni, kvazaŭ "Vidpunktoj" kaj ankaŭ forumo por nacia lingvo ambaŭ estas 'forumpartoj'!

Kial miskompreni?! Tiel ja fakte estas.

Chainy:Mi pensas, ke estus pli bone, se naciaj lingvoj estus 'kategorioj' same kiel 'En Esperanto' - tio estus pli klara aranĝo.

Nur se tiuj kategorioj tiam enhavus plurajn forumpartojn; havi kategorion nur por unu forumparto ne estas tre sencohave.

erinja:La ĉefaj celoj de la lernu-forumoj estas
- instigi konversaciadon en Esperanto inter lernantoj kaj parolanto

Kreiu kategorion de forumo nomiĝus 'kelo' aŭ 'katakombo'. Al tie oni povus igu iu de mesaĝo kio 1.) ne temas esperanto kaj ne skribis esperante 2.) ne temas planlingvoj en ĝenerale kaj ne skribis esperante. Mi ankaŭ legis ie ĉi-tie. Oni volus kreii iu de karmosolvo. Pri tio. Iam oni devas(?) igu mesaĝon al foruma kategorio kelo/katakombo. Dum tiel de proceco la karmo de pria uzanto ricevos negativan impulson.

erinja:La reguloj devus, klare kaj koncize:
- certiĝi ke diskutado en ĉiu fadeno okazas en la ĝusta lingvo por tiu fadeno
- subteni amikan kaj helpeman etoson en la forumoj

Igu trolemajn mesaĝojn al foruma kategorio gumvanda ĉelo. Sed uzanto povas sendi peton por eligu al normala spaco de forumo.

La kategorioj de 'kelo', 'katakombo' kaj 'gumvanda ĉelo' Guglo ne rajtas indeksigas. Ili ankaŭ ne altnombrigas la nombro de mesaĝoj la uzanto skribas.

erinja:Interalie, la reguloj devus doni firman bazon por trakti tre diversan situaciojn en kiuj uzantoj ĝenas aliajn uzantojn - ekzemple, kiam uzantoj kiuj ankoraŭ ne parolas Esperanton venas al nacilingvaj forumoj kun proponoj reformi la lingvon kiun ili eĉ ne parolas, aŭ por propagandi por iu alia planlingvo.

Do, ĉu estos problemo varbu por alian planlingvon, sed esperantlingve?