Mesaĝoj: 14
Lingvo: Esperanto
Fuzzy (Montri la profilon) 2012-novembro-30 09:08:34
Sed mi scias ke en aliaj landoj oni portas ŝuojn ankaŭ en loĝĉambroj. Mi ne povas tion imagi -- ĉu vere iuj spektas televidilon sidante en fotelo kun botetoj sur siaj piedoj?
Kiel oni kutimas en via lando?
antoniomoya (Montri la profilon) 2012-novembro-30 10:45:05
Fuzzy:En Rusio oni kutimas enirante en loĝejon ĉiam demeti siajn ŝuojn.Kial vi demetas viajn ŝuojn? Ĉu por ne malpurigi la plankon?
Fuzzy:Sed mi scias ke en aliaj landoj oni portas ŝuojn ankaŭ en loĝĉambroj. Mi ne povas tion imagiVi faru imag-penon, ĉar estas vera kutima fakto en mia lando.
Fuzzy:ĉu vere iuj spektas televidilon sidante en fotelo kun botetoj sur siaj piedoj?Tute vere. Precipe se temas pri vizitantoj (amikoj aŭ familianoj kiuj venis vidi vin). Tamen, la dom-gemastroj kutime demetas siajn ŝuojn kaj vestojn, kaj surmetas pantoflojn kaj hejm-vestojn, sed tute simple por esti pli komfortaj, ne por alia kaŭzo. Maloftege oni paŝas interĉambre nudpiede, malgraŭ la agrabla temperaturo de mia lando (sed estas stranguloj por ĉio...)
Amike.
jchthys (Montri la profilon) 2012-novembro-30 12:53:08
Tjeri (Montri la profilon) 2012-novembro-30 13:32:47
Sed en mia hejmo, mi demetas miajn ŝuojn.
darkweasel (Montri la profilon) 2012-novembro-30 13:41:47
Eĉ en iuj lernejoj oni devas surhavi pantoflojn, krom post la eniro en la konstruaĵon kaj antaŭ la eliro el ĝi. Mia lernejo havis tian regulon dum longa tempo, kvankam ĉiuokaze por demeti siajn ŝuojn multaj lernejanoj devis iri tra la duona konstruaĵo (en strataj ŝuoj kompreneble) ... la oficiala kialo estis, ke strataj ŝuoj povas detrui la lignajn plankojn en la klasĉambroj. Iam tio fariĝis ne plu argumentebla, kaj la regulo ŝanĝiĝis tiel, ke nur dum malbona vetero (kiam la ŝuoj plej malpuras, pro neĝo ktp.) estis ĉe la enirejo anonco, ke "hodiaŭ estas pantofla devo" - praktike dum miaj lastaj lernejaj jaroj mi (kaj ne nur mi) eĉ ne plu havis pantoflojn en la lernejo, ĉar preskaŭ neniam iu plendis, se iu ne atentis tiun anoncon.
Mi legis, ke tre specialajn kutimojn tiurilate havas la japanoj, kie ekzistas eĉ specialaj pantofloj por iri en la necesejon (kaj la kompatindaj eŭropanoj akcidente revenintaj al la manĝotablo en necesejaj pantofloj ricevas eble ŝokitajn rigardojn) ... mi ne scias, ĉu tio estas vera. Sed supozeble la aŭstraj kaj rusaj kutimoj ŝajnas same absurdaj al hispanoj, kiel al mi la japanaj.
Aliaj landoj, aliaj kutimoj ... 
dobri (Montri la profilon) 2012-novembro-30 17:26:12
Laŭ mia opinio tio estas bona kutimo, ĉar tiamaniere la piedoj ripozos de la ŝuoj (kiuj eble iomete premas), plu la planko de la loĝejo ne tiom rapide malpuriĝos. Tamen kiam iu longtempe iradis kun ŝuoj ekstere, tiam liaj piedoj ŝvitas kaj malbonodoras. En tiu kazo mi preferus, kiam la gasto restus kun siaj ŝuoj.
Mi scias, ke precipe usonanoj malofte demetas siajn ŝuojn dum vizito. Fakte, kiam min vizitis usonano, li restis en siaj ŝuoj. Estis somero, seka vetero, tial tio ne gravis por mi.
darkweasel (Montri la profilon) 2012-novembro-30 17:55:26
Chainy (Montri la profilon) 2012-novembro-30 18:16:23
Mi loĝis kelkajn jarojn en Rusio, do mi nun alkutimiĝis al la rusia tradicio ĉi-rilate. En Germanio kaj Francio oni ofte surpriziĝas, kiam mi aŭtomate komencas demeti miajn ŝuojn tuj apud la pordo! Ili ĉiam diras al mi, ke ne necesas (supozeble pro ĝentileco ĉar mi estas gasto). Sed por mi, estas jam kiel ia instinkto - mi nepre demetu la ŝuojn, alie mi ne sentas min bone! Mi ofte klarigas al gastigantoj, ke tio estas pro mia tempo en Rusio.En Rusio oni ĉiam havas diversajn pantoflojn speciale por gastoj, ĉar ĉiuj scias, ke oni sen demando nepre demetu la ŝuojn. En Francio kaj Germanio tio ŝajne ne ĉiam estas la kazo, do tio povas kaŭzi ioman embarason por la gastiganto, se la gasto demetis la ŝuojn. Ĉu la gasto nun iru sur malvarma pargeto nur en ŝtrumpetoj?
Eble rusianoj havas tian fortan tradicion ĉi-rilate, ĉar vintre ili havas tian malpuregan neĝkaĉon sur la stratoj, do estas fakte tute neeble eniri la domon en stratŝuoj, krom se oni volas tute detrui la purecon de la domo!
En Anglio, mi pensas, ke estas normale demandi ĉe la gastiganto, ĉu oni demetu la ŝuojn aŭ ne. En Anglio oni preskaŭ ĉiam havas tapiŝon kiu kovras la tutan plankon de muro al muro, do oni iom timas difekti tian tapiŝon. En Francio kaj Germanio pargeto aŭ ia alia surplanka kovraĵo ŝajne estas pli populara, do eble tiaj kovraĵoj ne povas tiel facile difektiĝi. Oni eble povas diri, ke la situacio iom diferencas de domo al domo, do ne estas iu unutipa kutimo por ĉiuj, malkiel en Rusio, kie certe ĉiuj scias la kutimon.
Chainy (Montri la profilon) 2012-novembro-30 18:29:02
darkweasel:Ĉu eble la kutimoj havas iun rilaton al la klimato de la lando?Jes, vi verŝajne pravas. Kaj eble ankaŭ dependas iom de la tipo de plankokovraĵo.
Wilhelm (Montri la profilon) 2012-decembro-01 04:30:45
Kiam mi estas juna, mi ĉiam trovis ĝin stranga kiam, spektante Uson-devenajn televidajn programojn, la aktoroj ne demetis siajn ŝuojn enirinte iun domon.