Skip to the content
Reply

nek dika nek maldika

by Francestral, March 26, 2013

Messages: 12

Language: Esperanto

Francestral (User's profile) March 26, 2013, 12:25:11 AM

Ĉu ekzistas A-vorto, kiu signifas "nek dika nek maldika"?
Ĉu mezdika estas korekta?

Kirilo81 (User's profile) March 26, 2013, 7:37:32 AM

svelta

antoniomoya (User's profile) March 26, 2013, 9:06:53 AM

Francestral:Ĉu ekzistas A-vorto, kiu signifas "nek dika nek maldika"?
Ĉu mezdika estas korekta?
Laŭ mi, perfekte korekta, same kiel "nedika", "iom dika" aŭ "diketa".

Amike.

Francestral (User's profile) March 26, 2013, 10:14:11 AM

Laŭ PIV:
dika = Granda laŭ la tria direkto, kiu estas nek larĝo nek longo
maldika = Havanta malgrandan dimension, en direkto alia ol larĝo k longo
svelta = Harmonie aŭ elegante maldika
diketa = iom dika

Ĉu ekzistas A-vorto, kiu signifas "Havanta dimension nek grandan nek malgrandan, en direkto alia ol larĝo k longo"?
Mi supozas, ke mezdika estas korekta.

Same, ĉu mezgranda signifas "nek granda nek malgranda"?

dombola (User's profile) March 26, 2013, 10:43:26 AM

Francestral:Ĉu ekzistas A-vorto, kiu signifas "nek dika nek maldika"?
Ĉu mezdika estas korekta?
Mezdika estas korekta, sed prefere oni ne uzu ĝin, por eviti konfuzon, ĉar teorie mezdika signifas tion: "inter diketa kaj dikega".

Prefere oni uzu la formulon de F.E.§33

Mia frato ne estas granda, sed li ne estas ankaŭ malgranda: li estas de meza kresko.

efilzeo (User's profile) March 26, 2013, 9:57:57 PM

Ankaŭ normdika povus funkcii.

robbkvasnak (User's profile) March 26, 2013, 10:03:48 PM

Ekzistas du grupoj da adjektivoj: relativ-adjektivoj kaj absolut-adjektivoj. Se mi estas en ĉambro kun bebo, mi estas granda kaj la bebo malgranda. Se envenas nun giganto, li/ŝi estas granda kaj mi mezgranda. Se la bebo foriras, mi nun estas malgranda kaj la giganto granda. SED oni estas aŭ morta aŭ viva. Virinoj estas aŭ negravedaj aŭ gravedaj.

sudanglo (User's profile) March 27, 2013, 1:00:05 PM

Francestral:Ĉu ekzistas A-vorto, kiu signifas "nek dika nek maldika"?
Averaĝa

Urho (User's profile) March 28, 2013, 10:43:39 AM

sudanglo:
Francestral:Ĉu ekzistas A-vorto, kiu signifas "nek dika nek maldika"?
Averaĝa
Por cerbumi: dika – nedika – maldika (bv. kompari kun: plena – neplena – malplena).

Rugxdoma (User's profile) March 29, 2013, 8:13:33 PM

Francestral:Ĉu ekzistas A-vorto, kiu signifas "nek dika nek maldika"?
Ĉu mezdika estas korekta?
Mezdikeca?

Back to the top