Neantaŭlonge mi hazarde trovis historion de lingvo hindustana (hinda kaj urdua). Legis mi ke la nuntempa dialekto, Khaṛī Bolī, sur kiu baziĝas la lingvo-variantoj hinda kaj urdua, iam estis regardata kiel dialekto de mallertaj personoj. Oni malalte estimis ĝin, ĉar ĝi estis ĉefe parolata de personoj ne alte edukitaj. Tiam la estimata dialekto estis: Braj Bhāṣā.

Pro iuj kialoj, kiujn mi ne scias, hindustana ŝanĝis sian ĉefan dialekton dum la lastaj du jarcentoj. Braj Bhāṣā nun estas unu el la multaj dialektoj, kaj Khaṛī Bolī estas la normaligita lingvo-formo.

Mi scivolemas, ĉu iu simila iam okazis aliloke?