Al la enhavo
Respondi

Korektado de la paĝo Koko (birdo) el Vikipedio

de Francestral, 2013-aŭgusto-04

Mesaĝoj: 5

Lingvo: Esperanto

Francestral (Montri la profilon) 2013-aŭgusto-04 12:14:45

Gallus gallus domesticus estas subspecio
el la specio Gallus Gallus
el la genro Gallus (koko).

Do la paĝo Koko (birdo) estas erara.
"Vikipedio":Koko (Gallus gallus domesticus) estas genro el la familio de fazanedoj.
Bedaŭrinde, mi ne scias ĉu tiu paĝo rilatas al genro Gallus aŭ al subspecio Gallus gallus domesticus. Do mi ne povas senerarigi ĝin.

Al kio rilatas tiu paĝo?

Tjeri (Montri la profilon) 2013-aŭgusto-04 14:22:00

Wikipedio tre ofte eraras, sed ne pri la klasifiko de Gallus gallus, kiu ja apartenas al ordo galliformes, familio phasianidae,
vidu ekzemple tiun fakan retejon
Tamen vi pravas:Gallus gallus (koko) estas specio, ne genro.
Mi jam delonge ne plu provas korekti la fantaziaĵojn de Wikipedio.

Francestral (Montri la profilon) 2013-aŭgusto-04 14:39:54

"Vikipedio":Koko (Gallus gallus domesticus) estas genro el la familio de fazanedoj.
Tio estas erara, ĉar Gallus gallus domesticus ne estas genro.

"Vikipedio":Koko (Gallus gallus domesticus) estas genro el la familio de fazanedoj.
Tio estas erara, ankaŭ ĉar koko ne signifas Gallus gallus domesticus.
Laŭ PIV, kokoj povas esti Gallus gallus aŭ "aliaj similaj birdoj".
Laŭ ReVo, koko estas la genro Gallus.

Tjeri (Montri la profilon) 2013-aŭgusto-04 15:32:38

PIV estas lingva vortaro, kiu enhavas multajn malprecizaĵojn, eĉ erarojn, pri sciencaj aŭ fakaj aferoj.... same kiel iu ajn ĉiutaga nacia lingvo (ĉiuj parolas pri corbeau kiam temas pri corneille en la franca)
Wikipedio estas fatraso kompilita de ajnuloj.
Se vi deziras liston de birdnomoj en Esperanto, jen.

raffadalbo (Montri la profilon) 2013-aŭgusto-15 17:04:47

Tjeri:Gallus gallus (koko) estas specio, ne genro.
Mi jam delonge ne plu provas korekti la fantaziaĵojn de Wikipedio.
Kial? Vere estas ke vikipedio ofte eraras, sed ĝi ankaŭ kutime utilas kaj ne enhavas nur erarojn. Do mi opinias ke, kiam oni malkovras eraron, indas korekti ĝin tuj. Kompreneble, neeblas serĉi kaj korekti ĉiujn erarojn.

Mi mem korektis tiun eraron hodiaŭ kaj mi dankas, sendube kune kun multaj aliaj uzantoj de vikipedio, Francestral kiu sciigis ĝin.

Reen al la supro