Al la enhavo
Respondi

Gramatika demando el Fundamenta Krestomatio

de Demian, 2013-aŭgusto-14

Mesaĝoj: 4

Lingvo: Esperanto

Demian (Montri la profilon) 2013-aŭgusto-14 18:31:57

Kiom da tempo kaj laboroj estas perdata por la ellernado de fremdaj lingvoj, kaj malgraŭ ĉio, elveturante el la limoj de nia patrujo, ni ordinare ne havas la eblon kompreniĝadi kun similaj al ni homoj. Kiom da tempo, laboroj kaj materialaj rimedoj estas perdata por tio, .... estus eble skribataj rekte en ĝi.

Artikoloj pri Esperanto, El la unua libro de la lingvo Esperanto, Fundamenta Krestomatio

Kial Zamenhof uzas "perdata" anstataŭ de "perdataj"?

Kirilo81 (Montri la profilon) 2013-aŭgusto-14 18:58:27

Laŭgramatike oni devus skribi eĉ perdate,ĉar ĝi rilatas al kiom, sed kutime oni rilatigas la predikativon al la laŭsenca prepozicia parto kaj tial uzas adjektivon, kp. la koncernan ĉapitron en PMEG.

En tiu okazo ŝajne temas pri iu speco de kompromisa formo inter adjektivo (-a) kaj adverbo (manko de pluralo), kp. similan ekzemplon en PMEG.

Demian (Montri la profilon) 2013-aŭgusto-15 05:30:08

Kirilo81:Laŭgramatike oni devus skribi eĉ perdate,ĉar ĝi rilatas al kiom, sed kutime oni rilatigas la predikativon al la laŭsenca prepozicia parto kaj tial uzas adjektivon, kp. la koncernan ĉapitron en PMEG.

En tiu okazo ŝajne temas pri iu speco de kompromisa formo inter adjektivo (-a) kaj adverbo (manko de pluralo), kp. similan ekzemplon en PMEG.
Dankon!

sudanglo (Montri la profilon) 2013-aŭgusto-15 08:58:21

Oni konceptas la perditan tempon kune kun la malŝparitaj laboroj kiel unu aferon.

Cetere, eble, se oni dirus 'kiom da tempo kaj laboroj estas perdataj' ne estus tiel klare, ke la tempo ankaŭ estas perdata ĉar la pluraligo nature ligas al tio, kio estas jam esprimata plurale.

Komparu kun 'kiom da horoj estas perdataj' aŭ 'jen ankoraŭ unu pundo kaj 50 pencoj malŝparita'.

Reen al la supro