Tin nhắn: 8
Nội dung: Esperanto
123xyz (Xem thông tin cá nhân) 16:28:27 Ngày 07 tháng 4 năm 2015
Ĉu iu povas informi min, kiel oni nomas en Esperanto la maldikajn kotonajn stangetojn kun kiuj oni purigas la orelojn, interalie? Jen foto. Bedaŭrinde, mi ne sukcesis trovi nenion en la interreto. Kiel domaĝe, ke vortaroj tradukas obskurajn, vere malofte utilajn vortojn kiel "junipero", "fermiono", aŭ "ulno", sed ne vortojn kiuj indikas bazajn aĵojn de la ĉiutaga vivo kiel "cotton swab".
Antaŭdankon
robbkvasnak (Xem thông tin cá nhân) 17:41:33 Ngày 07 tháng 4 năm 2015
Simon_Gauvain (Xem thông tin cá nhân) 17:43:49 Ngày 07 tháng 4 năm 2015
Ankaŭ "orelpurigilo" taŭgas.
mi ne sukcesis trovi nenion en la interreto.Atentu pri la duobla neado: legindaĵo
dbob (Xem thông tin cá nhân) 20:50:07 Ngày 07 tháng 4 năm 2015
Elektu “English-Eo”.
Skribu “cotton swab”.
Alklaku la butonon “Ek!” (aŭ premu la enen-klavon en via klavaro)
Rezulto: cotton swab = vatbastoneto
Iafoje solvo estas pli proksima ol oni suspektas.
123xyz (Xem thông tin cá nhân) 06:34:52 Ngày 08 tháng 4 năm 2015
Simon_Gauvain, dankon por la korekto - ricevi tiajn rimarkojn tre helpas en mia procezo de lernado.
dbob, mi bedaŭras ke mi trovis nenion en ĉi tiu vortaro - en ĝi, mi iel supraĵe serĉis "Q-tip", anstataŭ "cotton swab/bud", kiun mi serĉis en aliaj vortaroj.
dbob (Xem thông tin cá nhân) 11:28:35 Ngày 08 tháng 4 năm 2015
Tie troveblas vortojn kiel “slipper”, “cotton swab”, “Q-tip”, “Tipp-ex”, ktp.
Ekz. la vorto “cotton” donas:
cotton bud N (for ear) - vatbastoneto HV, orelpuriga bastoneto IK
cotton candy N - sukervato PIV
cotton swab N (for ear) - vatbastoneto HV, orelpuriga bastoneto IK
cotton wool - vato
sweater N (sweater) - pulovero, (cotton sweatshirt) kotona pulovero
Parenteze, la vorto “slides” ne estas en ĝi, sed eblas sendi proponojn por aldoni novajn vortojn aŭ por korekti ion.
Mi malkovris tiun vortaron dank’ al viaj demandoj.
sudanglo (Xem thông tin cá nhân) 12:31:46 Ngày 08 tháng 4 năm 2015
Kiel domaĝe, ke vortaroj tradukas obskurajn, vere malofte utilajn vortojn kiel "junipero", "fermiono", aŭ "ulno", sed ne vortojn kiuj indikas bazajn aĵojn de la ĉiutaga vivo kiel "cotton swab".Unuavide tio povas ŝajni stranga.
Parte, la klarigo estus ke kelkaj vortoj estas jam internaciaj do estas sufiĉe evidente, kio devas est la traduko en Esperanto; parte, pro tio, ke la vorttrezoro de Esperanto pli kreskis per la klopodoj de 'literaturistoj' ol per la uzado en ĉiutagaj situacioj; kaj ankaŭ parte ĉar la vortkonstrua libero permesas elturniĝon kiam oni frontas al la neceso trovi rimedon por esprimi aferojn kiuj estas malofte priparolataj en la Esperantista vivo.
PS Bravo, Bob. Korekto-farbo estas tre plaĉa por Tippex.
123xyz (Xem thông tin cá nhân) 12:39:11 Ngày 08 tháng 4 năm 2015
Intertempe, mi scias ke mi povas proponi aldonojn, tiu estas raporti ke io mankas, sed mi ne sukcesas kun ĉi tio, ĉar antaŭe mi devas indiki, kia koloro estas en iu bildo (por pruvi ke mi ne estas roboto sed homo), dum mi vidas nenian bildon! Mia ekrano ne montras ion ĝuste. Tamen eble la aliaj, kiuj vidas la bildon en ordo, povas proponi la aldonon de la vortoj pri kiuj mi jam estas demandinta en ĉi tiu forumo, por la estontaj serĉantoj/lernantoj.
Sudanglo, mi konsentas kun Via logiko.