Ĉu vi jam pensis kiel kunigi fortojn por krei pli por kaj per Esperanto? En TEJO estas multaj tiaj ebloj, rigardu la retpaĝon: http://tejo.org/partoprenu/aktivu/.

Aŭ jen kelkaj ideoj:
ĉe TEJO disponeblas nova rettrejnado kies temo estas: Subvencipetado – skribu al at@tejo.org se vi interesiĝas aŭ emas mem krei aŭ gvidi trejnadojn;
serĉu vian landan sekcion (http://tejo.org/organizo/strukturo/landaj-sekcioj/) kaj aktivu en ĝi (aŭ se ĝi ne ekzistas, kreu novan; skribu al landa.agado@tejo.org por ricevi helpon);
se vi emas engaĝiĝi, sed ne scias kion fari, skribu al hr@tejo.org.

Estu reprezentanto de TEJO en la Eŭropa Parlamento en EYE 2016*! Entuziasmaj kaj politikemaj junuloj el Eŭropo estas serĉataj por partopreni la plej grandan aranĝon de la Forumo Junulara Eŭropa, la venontan majon en Strasburgo, Francio.

Kandidatiĝu ĝis la 10-a de decembro 2015!

Pli da detaloj trovu ĉe: http://tejo.org/2015/11/politikumu-dum-eye-2016-ki...

* EYE (European Youth Event = Eŭropa Junulara Okazaĵo) estas okazaĵo por 7000 eŭropaj junuloj, kiuj prezentas diversajn junularajn organizojn. La celo de la okazaĵo estas konvinki politikistojn kaj politikajn partiojn doni pli da atento al temoj kiuj gravas por junuloj (kiel edukado, moviĝeblo, senlaboreco, daŭripoveco).