Mesaĝoj: 7
Lingvo: Esperanto
noureddin (Montri la profilon) 2015-oktobro-31 09:51:21
Ĉu la frazo "Kion vi faras estas grava." estas anglisma aŭ ĝusta?
Ĉar ŝajnas al mi, ke ĝi estas anglisma.
Dankon!
sudanglo (Montri la profilon) 2015-oktobro-31 12:01:28
Insisti ke oni ne rajtas ellasi 'tio' ŝajnas al mi iom tro severa.
Ĉu vi ne dirus ekz:
Kion mi volas, estas taso da kafo
Kion mi volas, estas, ke vi silentu
Ĉu vi nature antaŭ-irigus 'tio'?
Tamen mi estas denaska anglalingvano.
Kirilo81 (Montri la profilon) 2015-oktobro-31 12:13:29
Oni povas, se oni volas, ĉiam aldoni klarigan tio en la ĉeffrazo: Tio, kion vi faras, estas bona.
akueck (Montri la profilon) 2015-oktobro-31 16:30:14
noureddin:En la Fundamento mi ne trovis modelon. Tial mi konsultis la Tekstaron lau la Zamenhofa lingvo-uzo kaj trovis interalie:
Ĉu la frazo "Kion vi faras estas grava." estas anglisma aŭ ĝusta?
"Kion la patro faras, estas chiam ghusta" (en: Fabelo de Andersen).
Do via frazo estas ghusta.
(Antaue mi ne estis certa, chu post "grav'" estu a- au e-finajho. Chi lasta devas esti okaze de subfrazo kun "ke" au "se".)
noureddin (Montri la profilon) 2015-novembro-01 13:52:21
![ridulo.gif](/images/smileys/ridulo.gif)
Altebrilas (Montri la profilon) 2015-novembro-01 19:51:25
tio, kion vi faras = la agoj, kiujn vi faras (kion: relativa pronomo)
kion vi faras = la informo respondante al la demando "kion vi faras?" (kion: demanda pronomo)
ekz:
Kion vi faras estas grava demando.
Kion vi faras interesas viajn scivolemajn najbarojn, sed tio, kion vi faras ne plaĉas al viaj gepatroj.
Тerurĉjo (Montri la profilon) 2015-novembro-01 21:18:40
tio, kion vi faras, estas ĝusta.