Viestejä: 7
Kieli: Esperanto
noureddin (Näytä profiilli) 31. lokakuuta 2015 9.51.21
Ĉu la frazo "Kion vi faras estas grava." estas anglisma aŭ ĝusta?
Ĉar ŝajnas al mi, ke ĝi estas anglisma.
Dankon!
sudanglo (Näytä profiilli) 31. lokakuuta 2015 12.01.28
Insisti ke oni ne rajtas ellasi 'tio' ŝajnas al mi iom tro severa.
Ĉu vi ne dirus ekz:
Kion mi volas, estas taso da kafo
Kion mi volas, estas, ke vi silentu
Ĉu vi nature antaŭ-irigus 'tio'?
Tamen mi estas denaska anglalingvano.
Kirilo81 (Näytä profiilli) 31. lokakuuta 2015 12.13.29
Oni povas, se oni volas, ĉiam aldoni klarigan tio en la ĉeffrazo: Tio, kion vi faras, estas bona.
akueck (Näytä profiilli) 31. lokakuuta 2015 16.30.14
noureddin:En la Fundamento mi ne trovis modelon. Tial mi konsultis la Tekstaron lau la Zamenhofa lingvo-uzo kaj trovis interalie:
Ĉu la frazo "Kion vi faras estas grava." estas anglisma aŭ ĝusta?
"Kion la patro faras, estas chiam ghusta" (en: Fabelo de Andersen).
Do via frazo estas ghusta.
(Antaue mi ne estis certa, chu post "grav'" estu a- au e-finajho. Chi lasta devas esti okaze de subfrazo kun "ke" au "se".)
noureddin (Näytä profiilli) 1. marraskuuta 2015 13.52.21
Altebrilas (Näytä profiilli) 1. marraskuuta 2015 19.51.25
tio, kion vi faras = la agoj, kiujn vi faras (kion: relativa pronomo)
kion vi faras = la informo respondante al la demando "kion vi faras?" (kion: demanda pronomo)
ekz:
Kion vi faras estas grava demando.
Kion vi faras interesas viajn scivolemajn najbarojn, sed tio, kion vi faras ne plaĉas al viaj gepatroj.
Тerurĉjo (Näytä profiilli) 1. marraskuuta 2015 21.18.40
tio, kion vi faras, estas ĝusta.