К содержанию

krom akuzativo

от alonsososo, 3 декабря 2015 г.

Сообщений: 6

Язык: Esperanto

alonsososo (Показать профиль) 3 декабря 2015 г., 21:48:28

Du frazoj el la Reta Vortaro: ... la pioniroj de novaj ideoj renkontas nenion krom mokoj kaj atakoj (Z);
... la garnizono ne konas ian glavon krom la kuirejan trapikilon (Z);

Mi ne komprenas, kial unu frazo enhavas akuzativon kaj la alia ne.

nornen (Показать профиль) 3 декабря 2015 г., 22:03:14

Ŝajnas ke la uzo de "krom" ne estas tute stabila.

PMEG eldiras, ke oni povas enŝovi i-vorton en la duan ekzemplon por pravigi la akuzativon. "La garnizono ne konas ian glavon krom koni la kuirejan trapikilon". Tamen tio sonas malbone kaj estas miaopinie nur fuŝa peno trovi pravigon de la kontraŭdirantaj uzoj de la vorto "krom".

En la fundamento Z ĝin uzas kiel prepozicion sekvatan de nominativo, eĉ kiam la krom-aĵo estas akuzativa:
FE:ekzemple rusoj aŭ poloj, kiuj ne scias alian lingvon krom sia propra
Mi persone uzus ĝin tiel.

sudanglo (Показать профиль) 5 декабря 2015 г., 11:11:02

Ĉiuj virinoj portis ĉapelon krom la plej belaj

(nur la plej belaj virinoj lasis nudaj siajn harojn

La virinoj prenis ĉiujn ĉapelojn de mia stoko krom la plej malbelajn.

(Ili lasis ne-prenitaj la plej malbelajn ĉapelojn).

DuckFiasco (Показать профиль) 6 декабря 2015 г., 1:39:56

sudanglo:Ĉiuj virinoj portis ĉapelon krom la plej belaj

(nur la plej belaj virinoj lasis nudaj siajn harojn

La virinoj prenis ĉiujn ĉapelojn de mia stoko krom la plej malbelajn.

(Ili lasis ne-prenitaj la plej malbelajn ĉapelojn).
+1. Same kiel laŭbezona akuzativo post "kiel".

alonsososo (Показать профиль) 7 декабря 2015 г., 21:51:24

Tiu afero estas efektive tro granda por mia malgranda kapo.
Dankon pro viaj komentoj.

Altebrilas (Показать профиль) 13 декабря 2015 г., 17:20:56

sudanglo:Ĉiuj virinoj portis ĉapelon krom la plej belaj

(nur la plej belaj virinoj lasis nudaj siajn harojn

La virinoj prenis ĉiujn ĉapelojn de mia stoko krom la plej malbelajn.

(Ili lasis ne-prenitaj la plej malbelajn ĉapelojn).
Sudanglo, via analizo ŝajnas prava. Krom la plej (mal)belaj(n) estas komplemento ne de la verbo, sed de la nomo: ili precizigas la aron kiu estas subjekto aŭ objekto.

Oni povas bedaŭri, ke la sama regulo ne validu pri la esprimoj kiel "iom da", post kiu akuzativo mistere malaperas, eĉ kaze de objekto.

Наверх