Administranto serĉata.

Esperantic Studies Foundation (Montrealo) kaj la Novjorka oficejo (por rilatoj kun Unuiĝintaj Nacioj) de Universala Esperanto-Asocio serĉas part-tempan aŭ volontulan administranton kapablan prizorgi la financan administradon de ESF kaj la Novjorka oficejo. Kvalifikaĵoj: kapablo pri librotenado (prefere kun sperto pri QuickBooks aŭ preteco ĝin lerni), kapablo skribi Esperanton, akurateco. Preferata, kvankam ne necesa, estus loĝanto de la novjorka aŭ montreala regiono. Tiu persono kunlaborus kun la direktoro de ESF, Joel Amis, kaj la reprezentanto de UEA ĉe UN, Humphrey Tonkin. Temus pri ideala laboro por emerito au suplementa laboro por homo kun alia regula posteno. Salajro dependa de horoj laborataj kaj de kvalifikoj. Skribu al tonkin@hartford.edu.