К содержанию
Ответить

Eraro en la Vortaro?

от StefKo, 11 декабря 2020 г.

Сообщений: 11

Язык: Esperanto

StefKo (Показать профиль) 11 декабря 2020 г., 17:25:19

El Vortaro.net:
"
(...)
plenigi. Fari ion plena:
1 materiale: plenigi sakon je, per greno;(...)
"
En tiu ĉi frazo probable estas eraro?

sergejm (Показать профиль) 11 декабря 2020 г., 21:43:04

Mi vidas nenian eraron

sudanglo (Показать профиль) 12 декабря 2020 г., 14:42:34

En kio kuŝas la eraro?

StefKo (Показать профиль) 12 декабря 2020 г., 15:48:52

sergejm:Mi vidas nenian eraron
Mi ne komprenas la frazon Plenigi sakon je, per greno. Ĉu vi povus ekspliki ĝin? Kian rolon plenumas la vorto "je"?
Mi komprenus se la frazo estus Plenigi sakon per greno aŭ Plenigi sakon je/por terpomoj per greno.

sergejm (Показать профиль) 12 декабря 2020 г., 17:41:55

Plenigi sakon je greno aŭ Plenigi sakon per greno

Plenigi sakon por terpomoj per greno = Plenigi sakon, ordinare uzata por terpomoj, per greno

StefKo (Показать профиль) 12 декабря 2020 г., 21:46:33

sergejm:Plenigi sakon je greno aŭ Plenigi sakon per greno

Plenigi sakon por terpomoj per greno = Plenigi sakon, ordinare uzata por terpomoj, per greno
Tio signifas: oni devas kompreni "je, per" kiel vortoj alternativaj "je aŭ per"? Se jes, kial oni ekskribis tion? Mi atendis prefere tiel: "je/per" aŭ "je (per)" aŭ "je (aŭ 'per')". La modo kiun uzas PIV ŝajnas al mi (nur al mi?) tre stranga. Mi pensis multe da minutoj kaj mi ne ekkomprenis sencon de la frazo.

Sergejm kaj sudanglo, dankon por la respondoj!

Ĉu en la rusa kaj en la angla oni povas ankaŭ tiel ekskribi alternativon?

sudanglo (Показать профиль) 13 декабря 2020 г., 13:39:03

Se oni fizike plenigus ion, la kutima prepozicio estus 'per', sed eblas plenigi ion metafore - ekzemple mia koro pleniĝis je ĝojo, en tia uzo eble 'je' estas preferinda.

IgorSokoloff (Показать профиль) 13 декабря 2020 г., 14:05:23

Verdire, iom mirindas, ke ŝajne eksperta esperantisto, kiu multjare "paŝtiĝas" ĉi-forume, konsultiĝas pri demando, kiu apenaŭ prezentas iun problemon eĉ por komencantoj.

StefKo (Показать профиль) 13 декабря 2020 г., 17:43:38

sudanglo:Se oni fizike plenigus ion, la kutima prepozicio estus 'per', sed eblas plenigi ion metafore - ekzemple mia koro pleniĝis je ĝojo, en tia uzo eble 'je' estas preferinda.
Jes. Sed mi ne demandis kiun prepozicion uzi (post la klarigo de sergejm) sed kial oni tiel ekskribis la alternativajn vortojn "per" kaj "je". Tiu ĉi modo kaŭzis la miskomprenon. Mi vidas tiun ĉi modon unue, tial mia nekompreno.

@Igor, se tio estas tiel evidenta, klarigu tion, ĉar mi, komencanto, malgraŭ kelkaj klarigoj, plue ne scias. Ja tio estas fadeno de konsultado, kaj ne de memlaŭdado.

PS. Igor, tio ne estas ia persona aludo. Mi vere estas konvinkita pri via bona konado de Esperanto.

sergejm (Показать профиль) 13 декабря 2020 г., 19:34:26

ReVo:
plenigi malplenon, breĉon
Ĉi tie komo signifas 'aŭ', sed tiel oni ordinare ne faras por prepozicioj.

Наверх