შინაარსის ნახვა
პასუხი

Enigmo: La vojforkiĝo

Martinbr-ისა და 17 სექტემბერი, 2008-ის მიერ

შეტყობინებები: 9

ენა: Esperanto

Martinbr (მომხმარებლის პროფილი) 17 სექტემბერი, 2008 09:54:59

Saluton!

Jen enigmo:
Post longa migrado vi atingas vojforkiĝon kaj ne scias, kiun el la du vojoj vi prenu. Vi ja scias, ke unu el la vojoj estas la ĝusta kaj ke, se vi prenos la alian, vi neeviteble havos akcidenton.

Apud la vojforkiĝo staras domo, en kiu loĝas du ĝemelaj fratoj, kiujn oni povas neniel distingi. Sed estas konate, ke unu el ili ĝiam diras la veron kaj la alia ĉiam mensogas.

Vi decidas iri al la domo por demandi pri la vojo. Kiun demandon vi devas starigi por eltrovi la ĝustan vojon (sen scii, kiu el la fratoj staras antaŭ vi)?

Ĝuu la solvadon!
Martin

Miland (მომხმარებლის პროფილი) 17 სექტემბერი, 2008 10:06:40

Saluton, Martin. Jen bona, klasika enigmo! Mi ne rivelos la solvon. Sed mi esperas ke ni vidos ankoraŭ bonajn enigmojn el vi!

Hispanio (მომხმარებლის პროფილი) 17 სექტემბერი, 2008 10:42:20

Mia propra solvo:

Vi devas demandi al ili, ĉu la greso estas verda (la greso povas esti verda aŭ ne), kaj poste, demandi al la knabino kiu diris la veron.

Sed mi ne scias se la enigmo diras, ĉu oni povas fari nur unu demandon, kaj mi skribis du.

demando.gif demando.gif demando.gif

horsto (მომხმარებლის პროფილი) 17 სექტემბერი, 2008 11:51:45

Hispanio pravas, se oni havas pli ol nur unu demandon tiam vi simple demandas: La kioma estas? kaj vi tuj scias kiu ĉiam mensogas.
Se vi nur havas unu demandon tiam vi devas demandi: Kiun vojon rekomendus via frato kiel la ĝustan?
Ambaŭ dirus la malĝustan vojon!

Ĉu mi nun ankaŭ ricevos verdan stelon de Miland? lango.gif

Martinbr (მომხმარებლის პროფილი) 17 სექტემბერი, 2008 12:42:29

Saluton, horsto!

Mi ne estas Miland kaj do ne disdonas verdajn stelojn. okulumo.gif

Sed via solvo estas ĝusta. Jes, estis serĉata ununura demando, kaj tio estis: "Kiun vojon rekomendus via frato kiel la ĝustan?". La verdiremuloj menciis la malĝustan (kiel la frato mensoge rekomendus), sed ankaŭ la mensogemulo (mensoge).

Ĝis,
Martin

Filu (მომხმარებლის პროფილი) 18 სექტემბერი, 2008 12:49:03

"Se vojaĝanto estus alveninta ĉi tie kaj demandus al vi, kiun vojon oni sekvu por eviti akcidenton, kiun vojon vi al tiu vojaĝanto rekomendus?"

Ambaŭ fratoj indikos la taŭgan vojon, vojon laŭirindan kiun vi poste povos trankvile kaj sentime sekvi.

Rogir (მომხმარებლის პროფილი) 22 სექტემბერი, 2008 17:12:27

Simple: vi devas bati unu el la fratoj sur la kapon, kaj se li krias 'Kial vi batis min?!', tiu estas la verdiranto, kaj aliakaze la aliu estas la verdiranto. Vi nun ankoraŭ havas unun demandon, demandu kiu vojoj vi prenu.

Martinbr (მომხმარებლის პროფილი) 23 სექტემბერი, 2008 10:06:17

Sed demandoj estas nek la vero nek mensogoj, ĉu ne?

horsto (მომხმარებლის პროფილი) 23 სექტემბერი, 2008 10:46:14

Ĉu eble Rogir kredas ke la verdiranto krius "ve" kaj la mensogulo krius "malve"?

ზემოთ დაბრუნება