Skip to the content
Reply

Plenigilaj vortoj

by wildweathel, February 21, 2009

Messages: 5

Language: Esperanto

wildweathel (User's profile) February 21, 2009, 6:41:10 PM

Dum parolas, mi ofte (eble, tro ofte) bezonas tempon, por ke serĉu la ĝustan vorton. En anglo, mi uzas vortojn kiel "um," "like," "y'know," kaj tiel, ke plenigu la spacon inter vortoj. En esperanto, kiujn vortojn aŭ frazojn povas uzi por la sama funcio?

Dankon.

jchthys (User's profile) February 21, 2009, 7:40:01 PM

Nu, angle oni devus ne uzi tiajn vortojn.
Oni ja povas uzi "...e..." aŭ iun similan al ĝi. Aŭ simple la vorton, kiun vi uzas angle.
Ankaŭ en Esperanto estas vorto "zozo", kiu signifas iun aĵon, kiun la parolanto ne memoras.

Azulreal (User's profile) February 21, 2009, 8:12:40 PM

Se mi ne scias kiel daŭrigi miajn frazojn, esperante mi kutimas diri "kaj..." Mi ne scias la kialon, mi diras tion senpense. Eble oni ankaŭ povus uzi "nu..." aŭ "do..." Ene de frazo, dum mi serĉas ĝustan vorton, mi kutimas diri "mi ne scias, kiel diri..." hehe, tro longe, ĉu ne?

Aliaflanke, la vorto "zozo" aperas en rakonto ene de e-kurso "Vojaĝo en Esperanto-lando". Mi neniam ĝin aŭskultis aŭ uzis dum parolado, ĉu iu kutime uzas ĝin?

Saluton! sal.gif

horsto (User's profile) February 21, 2009, 9:27:07 PM

Mi ne konas la vorton "zozo". Ĉu ne sonoj kiel "eeeh" aŭ "mmmh" estas universale uzataj en ĉiuj lingvoj? Eble ankaŭ "kaj" taŭgas por montri ke vi volas plu paroli.

jchthys (User's profile) February 22, 2009, 2:37:05 AM

Mi ankaŭ pensis, ke kaj estus bona vorto por tiu kutimaĉo.

Back to the top