Elkoran dankon pro la tradukoj (kaj opinioj)! Mi jam sendis ilin al la respektivaj forumoj.

Parenteze, mi volas notigi ke tiun ĉi enketon mi ne konsideras science "serioza", kompreneble. Temas nur pri kelkaj opinioj, sed laŭ mi ja estas iom grava datumo, ke la plejmulto da homoj kiuj lernas ambaŭ lingvojn kredas ke Esperanto estas multe pli facile lernebla ol la angla. Malgaja fakto estas ke kelkaj skeptikuloj eĉ tion rifuzas kredi!

crescence:

oksigeno:Laŭ mia opinio:
Esperanto estas ĉirkaŭe 15-foje pli facila ol la angla.

Per kiu kalkulo vi akiris numeron tiel precizan ?
Ĉiaokaze, vi estas optimista kaj kuraĝiga...

Mia kalkulo estas tute ne preciza, sed mi kalkulis ekzemple bazite de mia propra kono pri Eo kaj pri la angla, kaj de la sama rilate al miaj kunuloj. Mi konas ekzemple personojn kiuj pasis siajn tutajn vivojn praktikante la anglan preskaŭ ĝi estus religio (inklude miaj geonkloj kiuj estis en angla kolegio) kaj mi venkis facile defiojn al ĉiuj ili jam kun nur 6 monatoj da esperanta studo.

La anglan mi legas sufiĉe flue, kaj angle mi konas pli da vortoj ol Esperante.
Sed Esperante, mi esprimas min pli komforte, komprenas parole pli facile, havas pli bonan akĉenton kaj malpli eraras.
Mi dirus, ke mi parolas ambaŭ linvojn pli-malpli samnivele.

La anglan mi komencis lerni antaŭ tiel longe, ke mi ne scias kiam precize (certe en la bazlernejo, antaŭ pli ol dek jaroj). Mi spektis multajn filmojn kaj televidseriojn kaj legis plurajn librojn angle.

Konsiderante, ke antaŭ tri jaroj mi konis neniun Esperantan vorton, ke mi lernis ĝin nur meminstrue sen vera kurso kaj nur interrete, mi dirus, ke “almenaŭ okoble pli facila ol la angla” estas miakaze realisma takso.