关闭的
最多显示 500 条消息。
讯息： 661
语言: 简体中文
Flago (显示个人资料) 2011年4月5日下午11:55:59
La kuracisto pansis unu, kaj tuj duan. Tiam tiu lasta montris al sia najbaro per la tremanta maldekstra mano kiun li mem bandaĝis mallerte, kaj diris:
-S-ro militkuracisto, bonvole vidu tiun ĉi viron.
Nun, povus esti, li mortis.
La kuracisto senvorte malfermis la palpebron de la montrita, enrigardis lian pupilon, alproksimigante sian frunton, malbutonumis lian veston, kaj metis sian maonn sur lian bruston. Kaj li revenis al la alia.
-Jam senespere？
La kuracisto ne respondis, kaj komencis kuraci lin. Tiu, eltenante la doloron de la tuŝata vundo, turnis sin vizaĝe al la najbaro. Li fikse rigardis lian vizaĝon. Kiel nomata estas tiu, kaj el kiu roto？ -li ne sciis. Eble li eĉ unu fojon ne parolis kun li dum li vivis.
...
医生包扎一个，接着包扎第二个...
Flago (显示个人资料) 2011年4月6日下午11:55:53
Tamen nun li deziris memori bone la vizaĝon de tiu ĉi soldato. La vizaĝo estis ankoraŭ juna kaj bela, sed kun maldensa longa barbo, kaj laco daŭra batalvivo kovris la blankan frunton kiel nigra ombro.
Iu soldato havis koksan artikon rompitan de kugleroj. Dum la kuracado li demandis la kuraciston.
-Post kiom da tempo mi povos reiri frunten？
La kuracisto, per sovaĝaj vortoj, tamen kun tre amoplena tono, respondis:
-Ne estu azeno! Vidu la vundon!
-Ĉu mi fariĝos kripla？
-Certe.
La soldato perdis esperon, ridetis senforte, kaj imagis sin en malsanula vesto revenigota al japanio, kaj imagis pri la homoj de la hejmloko.
Tamen, li ankoraŭ tute ne pripensis, ke li devos travivi dum kelkdek jaroj kiel kriplulo.
Vere en la batalejo ili malrespektis sian vivon kvazaŭ rubon, same kiel ili malestimis la malamikan, pri kio ofte meditis unuaranga saldato Kondoo. Ĉu ili devigis al si tiun ideon konsciante pri la senvaloreco de sia vivo？
...
然而，现在他希望回忆起这个士兵的面孔...
Flago (显示个人资料) 2011年4月7日下午11:36:57
Ne. Efektive, ili iom post iom emis malŝati ankaŭ sian vivon, sekve de la malrespekto al malamika vivo. Ili forgesis ie ilia vivo kaj korpo valoras. Tio similis al la stato de neŭrastenio, ankaŭ de somnambulismo, el kiu ili neniam vekiĝos, kiom ajn da kamaradoj pereus, se nur ili senvundaj batalas.
Ju pli furiozis la batalo, des pli profundis ilia stuporo. Kaj en la momento, kiam malamika kuglo enpenetris ilian korpon, tiam ili ektrovis sin ankoraŭ vivanta kaj ekkonsciis sin alfrontanta kontraŭ morto.
Unuaranga soldato Hirao spertis tiun ĉi strangan vekiĝon, kiam oni forbalais la restintajn malamikojn apud Changzhou la sekvintan tagon.
La batalejo apud la urbo estis nur kampoj. La viclinio de soldatoj en disa ordo sin etendis sur la ebeno de tiuj kampoj tute sen ŝirmaĵo. Hirao kuŝis en sulko de kampo kaj pafadis. La sulko profundis nur 15 centimetrojn. Do, ĝi, kompreneble, ne kaŝis lian korpon.
...
不，实际上，他们渐渐地不喜欢自己的生活了...
Flago (显示个人资料) 2011年4月8日下午11:49:33
Akre preteriris lian ferkaskon malamika kuglo, trapasis horizontale sur la dorso kaj traboris la kalkanumon. Lia dekstra kruro ĝisfemure sentis fortan impulson.
-Trafite!
Li memkonsciis, ke frostaj tremoj trakuris lian korpon, kaj la haroj estus kvazaŭ paralizitaj.
Tiam li ricevis impreson, kiel se la batalejo etendita antaŭ la okuloj subite fariiiĝis nekonata nova vidiĝo, kiun li abrupte renkontus en la momento de eltuneliĝo. Li klare aŭdis la bruon de kugloj, distinginte ĉiun apartan sonon de fusilo elsonis ke ĝis nun li troviĝis en loko plene sensona.
-Stranga vekiĝo. Li unuafoje sentis sin kuŝanta sur la kampo, ektremis konsciante kiel multaj danĝeroj ĉirkaŭas lin.
Li laŭeble sin lkinis kaj altiris la piedartikon. La kalkanumo estis oblikve trapafita, kaj montriĝis la malpura ŝtrumpeto. Sed nenia vundo.
...
敌人的子弹呼啸着在他的头盔旁穿过...
Flago (显示个人资料) 2011年4月9日下午10:53:50
Li elspiris varman spiron, kaj kuŝigis sur la tero la kapon pulse dolorantan je l' tempio. Se la kalkanumo estus ankoraŭ 3 centimetrojn pli alta, por la tuta vivo li devus paŝi malfacile. Se la kapo estus ankoraŭ 3 centimetrojn pli alta, nun li kuŝus sur la kampo kiel senkonscia kadavro.
Malvarmaj ŝvitoj fluis de la frunto kaj akseloj. Neniel eldireblan teruron li sentis, kaj eĉ leveti la kapon plu li ne povis. Tian teruron li sentis jam kelkfoje, kiam li, alteriĝinte ĉe Dagu kaj forlasinte Tianjin, en la komenco de la Ziya-rivero. Poste li tute forgesis tiun teruron, sed nun ĝi subite reviviĝis.
La unuan de dec., la Nisizawa-rigimento postiris la amikan trupon kiu batalis kaj okupis, kaj sekvan antaŭtagmezon ili marŝis plu, tranoktis en Lucheng, kaj la 3-an tagon eniris Danyang-on, akcetite de la amika trupo.
Dume, iu granda amika taĉmento norde prenis la fortikaĵon de Zhenjiang kaj alten levis la sun-flagon; sude alia trupo, kiu transvadis la Taihu-lagon, jam okupis Yixing, Liyang kaj Jintan kaj plu antaŭeniris okcidenten. Tiel tagon post tago ordiĝis la formacio de granda sieĝo kontraŭ Nankino.
...
他呼出一股热气，把头躺着地上，太阳穴处脉跳痛疼...
Flago (显示个人资料) 2011年4月10日下午10:07:15
Jen baldaŭ Nankino! La soldatoj varmigante la femurojn antaŭ vespera fajro ĉiuj esprimis al si:
-Ne mortu antaŭ al atingi Nankinon.
Kiam ili tranoktis en popolanaj domoj en Dalian, kaporalo Kasahara estis forte ĉarmita de iu aktorina foto sur gazeto, kaj skribis al ŝi petante nepran sendon de subskribita foto.
Senpacience li atendis ĝin.
-Ha, nun mi devas zorgi pri mia sano. Alvenante Nankinon, mi ripozos, venos la letero. Estos skribite: al kara s-ro Kasahara Syoozoo, kaj sur alia flanko: Takakusu Sayuri, kun varma saluto. Tremos mano mia. Aperos foto. Subskribita. Mi ĝin ĉirkaŭprenos, kuŝos kune. Aha-ha-ha!
Ĝis Nankino, malgraŭ ĉio! -ĉiuj pensis. Aŭ vivaj aŭ mortaj ĉe la enurbiĝo, tamen ili devas ĝisvivi atakon de Nankino. Se feliĉe vivaj ili eniros la urbon, tiam ili senĝene. Se per la okupo de la ĉefurbo oni finos la militon, tiam ili povos ĝui brilan tagon de triumfa hejmeniro.
...
哝，不久就要到南京了...
Flago (显示个人资料) 2011年4月11日下午10:40:40
Ili komencis havi tian esperon kaj revon. Ĝuste tiam, la 2-an tagon de la restado en Danyang, nome la 4-an de dec., tagmeze okazis akcideto, kiu certagrade tremigis ilin. Oni mortigis subleŭtenanton Kaname de la 3-a bataliono, sur lia revenvojo de inspekto pri la garda stato de sia trupo.
Sur iu kurbiĝo de strateto li pasis antaŭ knabino 11-aŭ 12-jara gape staranta en sunplena loko. La knabino levis la kapon, fikse ragardis al la pasanta subleŭtenanto en la vizaĝon. Sed kaname ne atentis kaj preteriris tuj antaŭ ŝi. Antaŭ ol li faris 3 paŝojn, li ricevis pistolan pafon de poste, falis sur la pavimitan strateton surventre, kaj tuj mortis.
La knabino forkuris en domon. Aŭdinte la pafbruon, senprokraste alkuris soldatoj, sieĝis la domon, batrompis la pordon. Ili senĉese surverŝis fusilkuglojn al la knabino, kiu kapokline kaŭris malantaŭ ĉineca lito kun reliefa arabesko, kaj pereigis ŝin sur la loko.
他们开始有了那些希望和梦想...
Flago (显示个人资料) 2011年4月12日下午10:10:52
En la domo troviĝis ankoraŭ unu maljunulino, ankaŭ kiun same ili mortigis.
Tia akcidento ofte okazis en okupitaj lokoj, tial tute ne eksterordinara por ili, sed ke ĉi-foje la koncernato estas perfekta neb atalanto kaj krome 11-12-jara knabino, kaŭzis flaman indignon al la soldatoj.
-Bone. Ili estas tiaj. Ne gravas, do, ekstermu ĉiun ĉinon. Sindetenemaj, ni mem perdos. Kuraĝu!
Efektive oni ne povis distingi kiom da ĉinoj estis mortigitaj pro tre malgranda suspekto aŭ ne klara kialo.
Kaj tiu malklara diferenco inter batalantoj kaj nebatalantoj neevitebligis tian teruran akcedenton.
Ekzemploj ankaŭ de tia kanbino ne mankis. Precipe la senton de la soldatoj incitis tio, ke la ĉinaj soldatoj pelitaj en senelirejon ofte formetis la militan uniformon ka enmiksiĝis inter la popolamasoj. Eĉ inter tiel nomataj "bonaj civiluloj" kun brakbend de suno troviĝis fuĝantaj regulsoldatoj.
...
在一间屋子里还发现了一个老太太，他们也同样杀死了她...
Flago (显示个人资料) 2011年4月14日上午12:11:36
Aliflanke, oni supozis, ke ju pli proksime de Nankino, des pli disvastigita estas la antijapana ideo, sekve ili devis pli profunde suspekti la popolamasojn.
"Okcidente de tie ĉi ankaŭ popojanoj havas fortan ideon antijapanan.
Sin gardu eĉ kontraŭ virinoj kaj infanoj.
Estas permesite pafmortigi rezistanton eĉ simplulan."
La estraro de la armeo donis tian instrukcion tuj post la apero de sublaŭtenanto Kaname.
Perdinte Changshu, Wuxi kaj Changzhou, la malamikoj ne havis alian rimedon por defendi la ĉefurbon krom fortikigi la Zijin-monton kaj firme teni la montetajn regionojn ĉirkaŭ Nankino kaj la solidajn urbomurojn. Tial, la ĉinaj trupoj evakuintaj Changzhou kaj Danyang entorentis en Nankinon, kaj okcidente de Danyang, en la iom post iom montoza regiono, la plejfrontaj trupoj de amika armeo eĉ unu grandan batalon ne spertis.
...
另一方面，有些人猜想距离南京越近，抗日的思想就越广...
Flago (显示个人资料) 2011年4月15日上午12:03:35
La 1-a bataliono de la Nisizawa-regimento antaŭiris kaj atakis Jurong, kie estis infanteria lernejo, artileria lernejo kaj ankaŭ aerodromo. La malamikoj respondis al la atako per ĉiuj taktikoj. Minoj senĉese eksplodis. Trafite de mino je fundo la malgranda tanko faris kelkajn ruliĝojn, kaj la soldatoj interne renkontis tragikan morton.
Kvankam la forto de la malamikaj trupoj ne estis granda, tamen, ju pli oni proksimiĝis al Nankino, des pli energie rezistis ili.
Fine oni konkeris Jurong. La Takasima-divizio lokis la stabon en la artileria lernjo. Tiam eĉ la diviziestro devis transrajdi malamikajn kadavrojn.
En tia persekutado la japanaj trupoj trovis malfacile trakti kaptitojn. Oni ne povis kunpreni kaptitojn, kiam oni devis sin okupi per vivoriska batalo. Plej simple estus mortigi ilin. Sed kunpreninte ilin poste mortigi estis tre ĝene. "Se vi kaptas malamikojn do tuj mortigu ilin ĉe la okazo."
...
Nisizawa联队的第一营向前攻击句荣...