Lukket
Max. 500 messages.
Meddelelser: 661
Sprog: 简体中文
Flago (Vise profilen) 27. maj 2011 21.22.36
Unu vesperon, en la ĉambroj de la urbodomo subite ekbrilis elektraj lampoj. Ili ĝojkriis. Tamen ili devis kovri la fenestrojn per nigra tuko, ĉar oni severe limigis lampolumon.
En la du aerdromoj de la urbo venis ĉiutage kelkdek aeroplanoj, kaj ĉirkaŭflugis.
Malamikaj aeroplanoj plurfoje noktoatakis, sed estis ĉiufoje forpelitaj.
Ĉe la angulo de Zhongshan-strato oni malfermis kantinon, kun ladmanĝaĵoj, sakeo kaj jokano. Garnizonantoj en Xiaguan alv eturis per ŝarĝaŭto speciale por tio de 8 kilometroj fore.
Ili aĉetis pogrande, ekzemple, 50 botelojn da sakeo kaj 100 skatolojn da jokano.
Garnizonantoj eksterurbe tiam sin okupis per la elterigado de minoj, sed ili tion faris per ĉinaj kulioj. La ĉinoj fosis la teron timeme. La soldatoj alrigardis de malproksime ridetante.
...
一天晚上，市政府的一些房间突然亮起了电灯...
Flago (Vise profilen) 29. maj 2011 08.49.41
Ĉiujn urbanojn restantajn en Nankino oni enfermis en rifuĝula kvartalo. Tiuj nombris 200 000, oni diris sed inter ili eble sin miksis ankaŭ 1000 regulaj soldatoj. En aliaj kvartaloj preskaŭ ne troviĝis figuroj de ĉinoj, nur japanaj militistoj iradis tien ĉi tien por aĉeti ĉe la kantino kaj rekvizicii aĵojn.
Kaporalo Kasanara ofte iris kun interpretisto Nakahasi por rekvizicio. Ili deziris havi lanugan litkusenon ĉar pro malvarmego ili ne povis dormi, pantoflojn por porti en la kazerno, aŭ, se eble, foton de bela knabino. Certe ankaŭ ne mankis tia luksa deziro.
Ĉiuj vendjoj sur la ĉefaj stratoj vidigis terurajn postsignojn de prirabado. Ĉiuj provizoj de granda Nankino estis elrabitaj, malordigitaj, aŭ brulinte aliformiĝis en masojn da tegoloj kaj brikoj.
Porfunde kortuŝita estis subleŭtenanto Kurata, irante tra la tiel ruinigitaj stratoj Dum vespermanĝo li diris, trinkante sakeon el glaso kun la plotonestroj.
...
滞留在南京的市民被禁闭在避难的街区...
Flago (Vise profilen) 30. maj 2011 02.32.57
-Kiel multege da riĉaĵoj perdis Nankino! Ĉu ni venku aŭ malvenku, mi tamen elkore ĝojas, ke tiu ĉi milito ne havas lokon en Japanio. La nacia riĉeco estas perdita, al popolanoj mankas eĉ manĝaĵo kaj vestaĵo. Virinoj suferas terure. Imagu, se tio okazus en Japanio mem!
Tiam unu plotonestro opiniis:
-Mi pensas, ke Nankino ne povos reviviĝi. Preskaŭ du trionoj jam brulis. Kion oni povus fari kun la brulruino？ Mizeraj estas milit-venkitoj. Nenio ja helpas. Militon oni ne devas senprudente fari, mi pensas, sed se oni komencis, do nepre gajnu ĝin. Gajni oni devas, eĉ se ŝuldoj restos al la nepoj.
Frapinte la pordon eniris soldato. Li sin tenis senmova, riverencis, kaj alparolis: -S-ro rotestro.
Subleŭtenanto Kurata tuj stariĝis kaj ankaŭ sin rektigis.
-Raporto unua: hodiaŭ oni ordonis unuarangan soldaton Mimauti Saburoo forlasi la hospitalon.
...
南京丢失了如此多的财宝！...
Flago (Vise profilen) 30. maj 2011 22.03.39
-Bone. -Raporto dua: en la 22-a tago de decembro oni promociis unuarangan soldaton Mimauti Saburoo al aupera soldato.
-Ho, gratulon! -Subleŭtenanto Kurata la unuan fojon prenis ĝojan mienon kaj diris. -Ĉu la vundo jam cikatriĝis？
La soldato movis la artikon de la dekstra brako kaj respondis: -Ankoraŭ ne sufiĉe libera gi estas. S-ro militkuracisto tamen diris, ke mi movu ĝin kaj ĝi iom post iom reboniĝos. -Tio min ĝojias. Vi estas grenadisto, ĉu ne？ -Jes,s-ro rotestro.
-Por kelka tempo vi ne portu pezan objekton kaj petu kamaradojn. -Jes.
-Nu, trinku por gratulo.
Subleŭtenanto Kurata mem donis al li glason kaj enverŝis sakeon. La soldato staranta akceptis ĝin, kaj subite en libeera senĝena tono komencis rakonti.
...
-好得很。-第二次报告：在12月22日...
Flago (Vise profilen) 31. maj 2011 22.23.06
Li vundiĝis dum la batalo antaŭ la Qilin-pordego. Samtempe kun la preno de Nankino, oni okupis grandan hospitalon apud la Oficira Akademio kaj enlasis ĉiujn vunditajn soldatojn.
Tiun tagon li ĝemadis de febro kaj doloro pro la vundo.
Sed aŭdinte de fleg-soldato ke oni kaptis 50 malamikojn kaj tiuj nun aperis antaŭ la pordego, li kriis, "Bone, mi mortigu ilin!", salte leviĝis, malsupren iris de la dua etaĝo ekster la pordegon. En blua vesto la venkitoj sinsekve venis. Armilon li ne havis. Li petis glavon de soldato gardanta la pordegon, kiu tamen ne pruntis.
Per la maldekstra mano li donis survangon al unu el la ĉinaj soldatoj, piedbatis lian tibion kaj iris returne.
-Revenvoje mi jam ne havis forton iri duaetaĝen. Mi rampis supren helpite de kamarado.
...
他在麒麟门前的战斗中负伤...
Flago (Vise profilen) 2. jun. 2011 00.01.43
Li ridis, rektigis sin, riverencis kaj foriris. Subleŭtenanto Kurata denove prenis krajonon, kaj komencis tagnoton, kiun li dum tempero interrompis. Li ege miris, kial li povas ankoraŭ vivi kaj ĝui en la ĉambro de la urbodomo pacajn tagojn kaj skribi taglibron, dume vundiĝis rotestro Huruya, kiu mokis lin:
Kiam li ĝin revidus, -kaj multaj soldatoj jam mortis. Nun li ne plu inklinis al morto, nek suferis neelteneblan maltrankvion de la animo. Li fariiiiiĝis kvieta, milda kaj kompatema. Li trovis sian koron pli sia agado. Li ellernis alproprigi al si tiun malmoderan animstaton, kiu estas necesa, kiam oni kondutas kun grava devo kiel militisto kaj naciano.
Tio ne estis kompromiso kun la vivo sur batalkampo, kiel tion faris unuaranga soldato Kondoo, sed aprobo de la vivo sur btalkampo. Tiam jam revenis al li la anima stabileco. Plie, neniigis la malpacienca inklino al morto, kiu devenis de instinkta maltrankvilo pri morto, t.e., se tiel diri, neniiĝis la amo al la vivo, kiun li vivis ĝis nun.
...
他冲着自己笑了起来，接着鞠躬离开...
Flago (Vise profilen) 2. jun. 2011 22.41.43
Ĝi ne estis teoria travido super la vivo kaj morto, sed intuicia natura mensostato naskiĝinta el la malestimo al sia propra vivo kaŭze de la malestimo al la malamika vivo. Malgraŭ ĉio, dank' al tiu granda mensa ŝanĝo, li sukcesis fariĝi majesta militisto kaj anstataŭi retestron estante subleŭtenanto, gajnante dignon indan je la fido kaj estimo de la soldatoj.
Permesite de la armeo malfermi kantinojn en Nankino, alvenis unu post alia japanaj komercistoj el Ŝanhajo. Oni koncesiis al ili ĉinajn butikojn ĉirkaŭ la angulo de kla Zhongshan-strato, kaj ili komencis vendi zenzajo iuj eĉ iris kelkajn kilometrojn.
En Nankino tiel vasta troviĝis neniu ĉina vendejo. Krom regule manĝi en la kazerno, la soldatoj povis nenie preni manĝajon ol ĉe kantinoj. Profitante tion, la komercistoj donis al ili malbonegajn. Profitante tion, la komercistoj donis al ili malbonegajn. Multaj soldatoj ne toleris elsuĉi tason da zenzajo por 10 senoj.
...
它不是超越生存与死亡的理论上透析...
Flago (Vise profilen) 3. jun. 2011 22.57.10
Al la ĉinoj en la rifuĝula kvartalo mankis ĉiutagaj necesaĵoj, kaj pli kaj pli multiĝis tiuj, kiuj petinte por si ateston pri civitaneco eliris aĉeti. Ili elŝovis la monpaperon kaj petis al la komercistoj vendi al ili. Tamen, la lastaj neniel konsentis, svingante la manon, ke ili foriĝu.
La rufuzitaj ĉinoj embarasiĝis kaj staris antaŭ la kantinoj deprimite. En longa robo, kun lana ĉapo kaj pendantaj longaj manikoj, ili gapis al soldatoj kiuj mordas jokanon kaj trinkas cidron. Vere, en tio kuŝis la mizero de la venkitaj nacianoj.
Sed la granda arĝenta dolaro altiris la intereson de la soldatoj, ĉar ĝi povus esti memorinda donaco. Ili diris ke ili interŝanĝos ĝin por 50-sena monero, kaj la ĉinoj kapjesis, etendis sian manon, kaj aĉetis per tiu 50-sena monero cigaredojn de "Ora Vesperto". Ili aĉetis 10 skatoletojn da ili, po 5 senoj por unu, riverncis kaj revenis al la rifuĝula kvartalo.
...
在躲难区域的中国人缺少每天的生活必需品...
Flago (Vise profilen) 4. jun. 2011 22.17.45
Tie ili tuj negocon komencis. Ili vendis ilin po 12 senoj por unu. En la rifuĝula kvartalo, kie oni havis monon sed nenion por aĉeti, ĉio ajn estis vendebla, kaj kara. Oni mantenis vitran glason starante sur vojkruco kaj kriis: Nu, por 20 senoj. Kiu volas aĉeti？
-Aŭ ili elmetis velkintajn legomojn sur pavimita vojo por vendi. La kvartalo, kvankam ĝiaj loĝantoj havis monon, aspektis kiel foiro de almozuloj.
La kvartalo estis sub internacia administrado. Sur la limoj staris gardosoldatoj.
Rifuĝintoj povis liberiĝi, se ili jam havas ateston pri civitaneco kaj brakbendon de suno. Ili trairis la stratojn, kaj trovinte ke ili havas nek ĉambron por loĝi nek panon por manĝi, ili revenis vespere al la rifuĝula kvartalo. -"Ho, ĉielo! Pli bone estas ĉi tie." -Kaj ili malgaje skuis la kapon.
...
在那里，他们立刻开始交易...
Flago (Vise profilen) 5. jun. 2011 22.19.32
Por la japanaj militistoj oni malfermis du amuzejojn en Nankino.
Kaporalo Kasahara kaj unuarnaga soldato Kondoo kune iris el la kazerno, la urbodomo. En la urbo jam estis tiel trankvile, ke oni ne bezonis porti fusilon. Krom ke foje kaj foje oni eltrovis malantaŭ ditruita domo 1-2 ĉinajn regul-soldatojn vizaĝe makulitajn de malpuraĵo kaj polvo kaj kun gapa mieno, kiujn oni tuj forkondukis.
Sur la stratoj estis preskaŭ nenia danĝero kaj neniu homo. Ĝi ja estis malplena urbo en kiu iris nur militistoj.
Ili paŝadis sur la sunbrila pavimvojo zumkantante. Tie kaj ĉi tie ili vidis "bonajn civilulojn", liberigitajn el la rifuĝuloa kvartalo, kiuj eniris vakajn domojn sur la komercaj stratoj kaj elportis manĝilojn, vestojn, oleojn,fabaĵon, k.a.
Ili rabadis inter si. Maljunulino kun vindtiaj piedetoj iris tie ŝanceliĝe portante surŝultre dikan duonĝitan bambustangon, de kiu pendis la ŝtelitaj vestoj.
-Hej, -haltigis la soldatoj kaj alkriis. -Diru, vi ja ŝtelis!
Ŝi murmuris "huhu", lasis ĉiujn aĵojn apud la vojo kaj foriris.
...
有人为日本军士开设了两处娱乐院...