Virino aĉetas vestarŝrankon kaj starigas ĝin en sia dormĉambro.
Bedaŭrinde la ŝranko ĉiam disfalas, kiam tramo preterpasas ekstere. Post pluraj provoj restarigi la ŝrankon, la virino telefonas klientopriservadon, kaj poste muntisto venas por inspekti la ŝrankon. Li konkludas, ke la konstruado verdire estas stabila, tamen li proponas, ke li sidiĝu en la ŝrankon, por ke li povus observi de interne, kio okazas kiam tramo preterpasas.
Do, la muntisto grimpas en la ŝrankon kaj fermas la pordon.
Ĝuste dum tiu momento la edzo de la virino venas hejmen. Vidante sian edzinon stari en la dormĉambro, li divenas malbonon. Li malfermas la vestarŝrankon. Vidinte la muntiston inter la vestarkoj, li demandas perplekse: “Kion vi faras ĉi tie?”
La muntisto respondas: “Eble vi ne kredos, tamen… mi atendas la tramon.”

- Panjo, kiel oni literumas "vaporlokomotivo"?
- Tiel, kiel ĝi sonas.
- Ĉu "ĉo-u-ĉo-u"?