Mi volas kontribui ion al Esperantujo. Mi eklernis la lingvon antaŭ 25 jaroj, kaj dum tiuj jaroj mi iam fondis klubojn, sed tiuj ne plu ekzistas. Mi estas nuntempe meznivela Esperantisto.

Je mia BlackBerry poŝtelefono ("lerttelefono") mi ricevas diversajn podkastajn dissendojn. Ekzemple, mi ricevas la konatajn podkastojn "Radio Verda" kaj "Varsovia Vento". Ili ambaŭ estas tre ĝuindaj. Tamen ĉi tiuj podkastoj estas iom longaj. Ili kutime daŭras almenaŭ duonhoron. Pro tio, ili aperas malofte, rezulte de la kvanto da laboro kiun ili postulas.

Nu, mi ankaŭ ricevas kelkajn podkastojn en la franca lingvo. Ĉi tiuj podkastoj estas plejparte malpli longaj. Ili daŭras ĉirkaŭ 5-10 minutojn. Mi ŝatas tian mallongan dissendon, ĉar mi povas facile aŭskulti dum ĉiutaga aŭto-veturado, ekzemple.

Do, mi pripensas produkti tian mallongan podkaston en Esperanto--eble po du fojoj semajne. Tial mi havas du demandojn al vi:

1. Ĉu vi interesiĝas aŭskulti tian mallongan e-podkaston?

2. Kiajn temojn vi preferas? Ĉu vi preferas aŭdi pri lingvaj punktoj, aŭ io alia?

Kvankam mi ne estas altnivela Esperantisto, eble ni povas kune lerni kaj plibonigi nian lingvaĵon.

T0dd:mi ne estas altnivela Esperantisto

Pri tio mi dubas

Mi ja ŝatas Esperantajn podkastojn kaj plaĉus al mi aŭskulti la vian. Por mi la temo ne gravas.

Se vi ja faras podkaston certigu ke ĝi havas RSS-fluon. Tiam ĝi povos furori en la Podkastaro!

Mi ŝatus aŭdi pri mondaj novaĵoj. Pli ofta kaj mallonga podkasto pli taŭgas por aktualaĵoj.