Til indholdet
Svare

Anstataŭado de la radikoj

af flanke, 2. feb. 2020

Meddelelser: 24

Sprog: Esperanto

flanke (Vise profilen) 2. feb. 2020 08.05.27

Oni devas uzi nur la radikojn,kiuj estas troveblaj en la Akademia Vortaro.Do la netroveblaj radikoj (Ekz. sink-,spark-,futur-.Ili ne povas aperi en Esperanto) devas esti anstataŭitaj de la troveblaj radikoj.En (la vortaro kaj la kursaro de) lernu! estas la netroveblaj radikoj,ili devas esti anstataŭitaj.

Zam_franca (Vise profilen) 2. feb. 2020 09.52.05

flanke:Oni devas uzi nur la radikojn,kiuj estas troveblaj en la Akademia Vortaro.Do la netroveblaj radikoj (Ekz. sink-,spark-,futur-.Ili ne povas aperi en Esperanto) devas esti anstataŭitaj de la troveblaj radikoj.En (la vortaro kaj la kursaro de) lernu! estas la netroveblaj radikoj,ili devas esti anstataŭitaj.
Vi certe pravas!
Kiuj "netroveblaj radikoj" troviĝas en lernu.net?

Bonvolu noti, ke la reta akademia vortaro estas tre eta.
Multe da radikoj kiuj estas monde uzataj en Esperantujo (ekzemple "mojos-") ne troviĝas en tiu vortaro.
Tamen tiaj radikoj estas foje uzataj de ekzemple TEJO : IJoKo estas la plej mojosa Esperanto-evento de la jaro!
Kaj mond-konataj nomoj kiel Tibeto (ĉinlingve : 藏區) ankaŭ forestas el la Akademia vortaro.

La radiko "spark-" ne signifas vere "fajr-er-". La senco estas ia malsama. Bonvolu legi http://vortaro.net/#Spark

Jxusteno (Vise profilen) 2. feb. 2020 10.47.57

Bedaŭrinde, sed tamen tolereble, en Esperanto ekzistas ankaŭ oficialaj superfluaj radikoj. Ekzemple en la Universala Vortrato estas la kunmetaĵo " mal'sobr' ". Mi ne pensas ke estis necese oficialigi la tute sennecesan radikon " ebri ". Ja malsobra signifas tion saman kion signifas ebria.
Jen ankaŭ pliaj ekzemploj:
brul/um/o - inflam/o
har/ar/o - peruk/o
in/o - femal/o (neoficiala)
kun/e/ten/il/o - parentez/o
mal/bon/a - mav/a (neoficiala)
mal/diligent/a - pigr/a (neoficiala)
mal/dolĉ/a - amar/a
mal/jun/a - old/a
mal/long/a - kurt/a (neoficiala)
mal/mult/e/kost/a - ĉip/a (neoficiala)
mal/rapid/a - lant/a (neoficiala)
mal/saĝ/a - stult/a
mal/sobr/a - ebri/a
mal/ŝat/i - neglekt/i
mal/varm/a - frid/a
mord/et/i - ronĝ/i
mult/e/nombr/o - plural/o
nask/ont/ec/o - graved/ec/o
mal/ferm/i - ovr/i (neoficiala)
paf/il/eg/o - kanon/o
ponard/eg/o - lanc/o
port/i si/n - ŝveb/i
profund/aĵ/o - abism/o
trunk/et/o - tig/o
unu/nombr/o - singular/o
vir/seks/ul/o - maskl/o (neoficiala).

flanke (Vise profilen) 2. feb. 2020 11.16.55

Zam_franca:
flanke:Oni devas uzi nur la radikojn,kiuj estas troveblaj en la Akademia Vortaro.Do la netroveblaj radikoj (Ekz. sink-,spark-,futur-.Ili ne povas aperi en Esperanto) devas esti anstataŭitaj de la troveblaj radikoj.En (la vortaro kaj la kursaro de) lernu! estas la netroveblaj radikoj,ili devas esti anstataŭitaj.
Vi certe pravas!
Kiuj "netroveblaj radikoj" troviĝas en lernu.net?

Bonvolu noti, ke la reta akademia vortaro estas tre eta.
Multe da radikoj kiuj estas monde uzataj en Esperantujo (ekzemple "mojos-") ne troviĝas en tiu vortaro.
Tamen tiaj radikoj estas foje uzataj de ekzemple TEJO : IJoKo estas la plej mojosa Esperanto-evento de la jaro!
Kaj mond-konataj nomoj kiel Tibeto (ĉinlingve : 藏區) ankaŭ forestas el la Akademia vortaro.

La radiko "spark-" ne signifas vere "fajr-er-". La senco estas ia malsama. Bonvolu legi http://vortaro.net/#Spark
Mi pensas,ke la radikoj kiel la nomoj de landoj,lokoj aŭ homoj povas ne esti aldonitaj en la Akademian Vortaron.
(Kaj ĉi tie estas eta miso:Tibeto estas "西藏" ĉine)

Fakte,mi volas scii,ke per kio oni normigas la uzojn de Esperantaj vortoj?(Mi pensas,ke la normigo de la uzo de Esperanto estas tre gravega)

Jxusteno (Vise profilen) 2. feb. 2020 11.26.18

Fakte, mi volas scii, ke per kio oni normigas la uzojn de Esperantaj vortoj?
Per decidoj de la Akademio de Esperanto.

flanke (Vise profilen) 2. feb. 2020 11.28.17

Jxusteno:
Fakte, mi volas scii, ke per kio oni normigas la uzojn de Esperantaj vortoj?
Per decidoj de la Akademio de Esperanto.
Ho bone,estas tre gravega la Akademio de Esperanto.Dankon!

Zam_franca (Vise profilen) 2. feb. 2020 13.19.36

flanke:(Kaj ĉi tie estas eta miso:Tibeto estas "西藏" ĉine)
Ho, dankon. Nu, estas eraro de la franclingva vikipedia artikolo pri Tibeto.
Mi ne parolas ĉine.

flanke (Vise profilen) 2. feb. 2020 14.02.55

Zam_franca:
flanke:(Kaj ĉi tie estas eta miso:Tibeto estas "西藏" ĉine)
Ho, dankon. Nu, estas eraro de la franclingva vikipedia artikolo pri Tibeto.
Mi ne parolas ĉine.
Ho,tio ne gravas.Ni havas la komunan internacian lingvon--Esperanto! ridulo.gif

Metsis (Vise profilen) 3. feb. 2020 07.33.27

(Laŭ la finnalingva Vikipedio Tibeto nomiĝas tibete བོད, ĉine 藏區 aŭ 藏区 depende de, kiun skribsistemon oni uzas.)

Problemo kun la vortado de Akademio estas, ke ĝi malhavas ekz. multajn vortojn, kiuj rilatas al komputiloj kaj komputoscienco.

LM59650 (Vise profilen) 3. feb. 2020 10.03.56

"malmultekosta" estas longa vorto...
"ĉipa" ŝajnas senutila, sed radikoj, kiuj anstataŭigas malsimplajn kombinaĵojn, estas kelkfoje interesaj por parolata lingvo.

Tilbage til start