Til innholdet
Svare

Kial akuzativo estas konsiderata ofte malbonaĵo en E-o?

fra Francisko1,2011 11 19

Meldinger: 67

Språk: Esperanto

Francisko1 (Å vise profilen) 2011 11 19 12:11:09

Mi ne komprenas kial multaj personoj konsideras ke akuzativo estas malfacila en E-o, ĉar... kiu estas la diferenco rilate al malfacileco inter aldoni literon je la fino de vorto aŭ aldoni prepozicion antaŭ la vorto? Por mi ĝi estas la sama peno. Kaj se akuzativo ne ekzistus, pli facile oni parolus-skribus, sed la aŭskultanto aŭ leganto bezonus fari la aldonan penon dedukti, laŭ la konteksto, kiu estas la subjekto kaj kiu la rekta objekto. Aŭ E-o perdus sian flekseblecon se por eviti konfuzon oni devus establi ke, por ekzemplo, subjekto devus iri antaŭ la verbo kaj rekta objekto poste. Kion vi opinias? Dankon.

mihxil (Å vise profilen) 2011 11 19 12:59:19

Francisko1: subjekto devus iri antaŭ la verbo
Mi pensas ke vi skribu 'antaŭ la verbon'.

Chainy (Å vise profilen) 2011 11 19 13:33:10

miĥil:
Francisko1: subjekto devus iri antaŭ la verbo
Mi pensas ke vi skribu 'antaŭ la verbon'.
Ne nepre. Oni povus eble pensi pri frazo kvazaŭ pri fluo de vortoj, en kiu la subjekto iras antaŭ la verbo.

jpablo68 (Å vise profilen) 2011 11 19 16:05:35

Akuzativo estas tre utila se vi ne pensas kiel hispana-parolanto.

jen ekzemplo de akuzativo:

La birdojn manĝas kato = la kato manĝas birdojn

antoniomoya (Å vise profilen) 2011 11 19 17:16:38

Francisko1:Mi ne komprenas kial multaj personoj konsideras ke akuzativo estas malfacila en E-o, ĉar... kiu estas la diferenco rilate al malfacileco inter aldoni literon je la fino de vorto aŭ aldoni prepozicion antaŭ la vorto?
La kutimo, kara Francisko, la kutimo.
Akuzativo estas malfacila por ĉiuj kiuj, same kiel ni, ne havas tian kazon sialingve. Kontraŭe, ĝi devas esti normala afero por ĉiuj kiuj rilatas kun ĝi, tra ilia gepatra lingvo, ekde la plej frua infaneco.

Amike.

cFlat7 (Å vise profilen) 2011 11 19 17:26:04

antoniomoya (Å vise profilen) 2011 11 19 18:22:17

Nepre vidu ĉi tiun filmeton pri la akuzativo:

http://www.youtube.com/watch?v=sDDqFTjyUDo&fea...

Bonega!!

Amike.

mihxil (Å vise profilen) 2011 11 19 19:50:33

Chainy:
miĥil:
Francisko1: subjekto devus iri antaŭ la verbo
Mi pensas ke vi skribu 'antaŭ la verbon'.
Ne nepre. Oni povus eble pensi pri frazo kvazaŭ pri fluo de vortoj, en kiu la subjekto iras antaŭ la verbo.
Ah ja, tiel vi pravas. Nu, ĉiuokaze, ĉu estas uzata akuzativo aŭ ne, tute klaras kio estas celata, kio nur helpas mian aserton ke oni ne troigu la gravon de tiu akuzativo. Ĝi povus esti helpeta. Sed aliflanke oni multe eraras pri ĝi (kio preskaŭ nenion kaŭzas miskomprenojn), kaj sume mi opinias ke ĉi tiaj reklamoj pri ĝi estas iomete misaj.

jpablo68:La birdojn manĝas kato
Jen ekzemplo. Preskaŭ neniam la akuzativo ion kontribuas. Estas ĉiuokaze ĉiam la katoj kiuj manĝas la birdojn, kaj apenaŭ iam inverse.

darkweasel (Å vise profilen) 2011 11 19 19:57:04

miĥil:
jpablo68:La birdojn manĝas kato
Jen ekzemplo. Preskaŭ neniam la akuzativo ion kontribuas. Estas ĉiuokaze ĉiam la katoj kiuj manĝas la birdojn, kaj apenaŭ iam inverse.
Kaj tamen lingvo devas taŭgi ankaŭ por transdoni ĝuste tiun scion.

mihxil (Å vise profilen) 2011 11 19 20:16:25

darkweasel:Kaj tamen lingvo devas taŭgi ankaŭ por transdoni ĝuste tiun scion.
Probable. Sed ne nepre devus esti la akuzativo.

Tibake til toppen