Mergi la conținut

Închis
Max. 500 mesaje.

Liter-vort-frazo Ludo

de cFlat7, 25 decembrie 2011

Contribuții/Mesaje: 8962

Limbă: Esperanto

alfavera (Arată profil) 16 aprilie 2017, 17:37:56

Per spirado eniras aero la nazon kaj tie ni sentas la internan tuŝadon, same kiam spiro forlasas la korpon tra la naztruoj.

Vinisus (Arată profil) 16 aprilie 2017, 19:00:26

Ne nur en la edukejoj ni povas studi. La vivo mem estas malfermita libro, instruanta tiun, kiu deziras lerni.

Smalde (Arată profil) 16 aprilie 2017, 20:40:58

Laŭ mia opino, eksterlernado povas esti pli grava ol lernado en edukejoj, sed de tio ne sekvas ke oni devas prokrasti la lernaĵon kiam oni devus esti lernanta; mi ekzemple vere devus ekmalprokrasti nun.

#KOR

Vinisus (Arată profil) 16 aprilie 2017, 22:06:11

Neniam unu sole estas sufiĉa, certe, la du lernadoj estas nepre necesaj. Mi lernis ke la korpa juneco estas nedaŭra, kaj la verdaj jaroj pasas rapide, tamen la lernotempo daŭras la tutan ekzistadon.

Amike!

alfavera (Arată profil) 17 aprilie 2017, 17:25:00

Evidente ĉe studentoj nun venis la tempo por koncentriĝi pri la kurslibroj, sed bona babilado de tempo al tempo ankaŭ necesas.

Vinisus (Arată profil) 17 aprilie 2017, 18:05:37

Neniu trafas la celitan vojon sen la ĉiutaga klopodo; oni ne atendu, ke antaŭ si falos kvazaŭ magie, la muregoj de Jeriĥo, netuŝitaj de si eĉ per fingropinto.

alfavera (Arată profil) 19 aprilie 2017, 07:16:14

Fruktoj de niaj klopodoj estas multaj, eĉ neatenditaj kaj ni do kore daŭrigu nian strebadon.

Vinisus (Arată profil) 19 aprilie 2017, 12:14:53

Se iu projekto de ni ellaborita malsukcesis, ni ne bedaŭru, nek forlasu ĝin pro tio. La vivo konsistas el lecionoj, kiuj ripetiĝas ĝis kiam ĝi ĝuste fiksiĝas.

alfavera (Arată profil) 19 aprilie 2017, 17:46:06

Flaras la hundo odoron de iu besto kaj ek! ĝi rapidegas en la trovita direkto.

Vinisus (Arată profil) 19 aprilie 2017, 18:36:12

Do, mi flaras la odoron de Esperanto, kaj rapidegas al ĝia interna ideo. Ĝenevo, 1906 la dua parolado de Zamenhof.

Înapoi mai sus