Al la enhavo
Respondi

Kio akĉento vij preferas uzi je paroli Esperanton?

de Suzumiya, 2012-januaro-13

Mesaĝoj: 23

Lingvo: Esperanto

zan (Montri la profilon) 2012-januaro-15 07:08:39

Mi parolas laŭ japana akĉento. Mi penas precize prononci konsonantojn, sed tio estas tre malfacila.
Mi ŝatas akĉenton de poloj. Kiam mi unue aŭdis prononcon de Esperanto en mia lernolibro, ĝi estis elparolita de pola virino; ĝi allogis min. Se la libro uzus alian modelon, Esperanto ne allogus min.
Desit1:La japana!!! La nura japana esperantisto kiun mi konas faris tiun specifan akĉenton kiun oni povas esperi de ili. "Kiéru vi fárutas?" hehehe
Haha, tio eblas. Sed mi penas ne fariĝi tiel. rideto.gif

hebda999 (Montri la profilon) 2012-januaro-15 08:22:10

zan:Mi ŝatas akĉenton de poloj. Kiam mi unue aŭdis prononcon de Esperanto en mia lernolibro, ĝi estis elparolita de pola virino; ĝi allogis min. Se la libro uzus alian modelon, Esperanto ne allogus min.
La pola prononco tre similas la modelan esperantan prononcon. Alimaniere ni poloj nur prononcas konsonantojn post kiuj sekvas la vokalo "i" - poloj moligas ilin, en Esperanto ili restas la samaj. Tial poloj tre facile parolas esperante.

troyshadow (Montri la profilon) 2012-januaro-15 21:16:25

mi ofte rimarkas al mi mem ke mi parolas kun rusa akĉento,do mia 'i' post konsonantoj sonas kiel rusa 'ы',aŭ miaj 't' kaj 'd' antaŭ ĝin tre similas 'c' kaj 'dz'

MarCin83 (Montri la profilon) 2012-januaro-18 12:59:46

Kvankam mi jam vivas en Germanio ekde 22 jaroj, parolante Esperanton mi uzas mian gepatran polan akcenton! Tio estas ankaŭ influo de Pola Radio, per kies helpo mi lernis la elparolon de Esperanto.

Sed ĝenerale mi pensas ke ne tiom gravas kiun elparolon oni havas, Esperanto ja estas internacia lingvo!

Sal'! sal.gif

sudanglo (Montri la profilon) 2012-septembro-07 11:31:56

Mankas sufiĉe da vokaloj por fidele prezenti ĉi tie la britan akĉenton. Esperanto lame havas nur 5. - la angla dudekon.

codesito (Montri la profilon) 2012-septembro-07 12:57:23

sudanglo:Mankas sufiĉe da vokaloj por fidele prezenti ĉi tie la britan akĉenton. Esperanto lame havas nur 5. - la angla dudekon.
Temen mi miulte ŝetas le englan akĉientoun. kiil vi pouvas parouli kun niur kvin voukaloj?

PosmoX (Montri la profilon) 2012-septembro-07 20:55:03

Mi estas argentina. En Argentino estas parolita la Hispanan kun samitala akĉento.
Do, mi parolas kun mia gepatra akĉento, preskaŭ itala.

creedelambard (Montri la profilon) 2012-septembro-08 03:51:30

Eble iam mi kunvenos kun aliaj Esperantistoj kaj parolos kun ili. Tiam mi eltrovos, kian akĉenton mi havas. Verŝajne usonan-anglan, se mi havas ian akĉenton ajn.

Bedaŭrinde mi ne povas ruli miajn rojn kiel la hispana 'rr'. Tion mi tre ŝatus.

codesito (Montri la profilon) 2012-septembro-08 11:42:31

creedelambard:Eble iam mi kunvenos kun aliaj Esperantistoj kaj parolos kun ili. Tiam mi eltrovos, kian akĉenton mi havas. Verŝajne usonan-anglan, se mi havas ian akĉenton ajn.

Bedaŭrinde mi ne povas ruli miajn rojn kiel la hispana 'rr'. Tion mi tre ŝatus.
Hispanoj parolas rrapide, bi pobas kredi min, ne eksistas alia akĉento tiel rromantika kaj musika, se bi satas la bonajn akĉentojn, do bi satos la nian.

cellus (Montri la profilon) 2012-septembro-10 17:58:27

Mia esperanta elparolo estas tre proksima al la normo, do principe germanaj/polaj vokaloj, mi havas principe svedan konsonantismon, kio signifas ke mi havas tendencon aspiri ktp entaŭ akcentita silabo. Personoj kiuj ne aspiras en siaj lingvoj ofta aŭdas etan h post la klusiloj (aŭ kio estas la esperanta termino por ili). Mi havas tendencon havi pli malfermitan e antaŭ r kiel en la sveda lingvo. Mi provas ne fari tion, sed kelkfoje mi ne pensas...

Mi elparolas z, ĵ, ĝ laŭ la normo.

Miaj vokaloj estas mallongaj krom en akcentita silabo kie ili estas iomete pli longaj se nur unu konsonanto sekvas la silabon.

Kiam mi mem aŭdas sonregistraĵojn de mi, mi bone aŭdas de kiu parto de Svedujo mi venas, sed mi kredas ke multaj homoj ne povus aŭdi mian gepatran lingvon se ili aŭdus min paroli esperante.

Reen al la supro